Read Sanskrit कुलुस्‍सेनगरस्‍य कलीसियायाः नाम्‍नि साधोः पौलुसस्‍य पत्रम्‌ 2 Bible Online

कुलुस्‍सेनगरस्‍य कलीसियायाः नाम्‍नि साधोः पौलुसस्‍य पत्रम्‌ 2 - Sanskrit bible

कुलुस्‍सेनगरस्‍य कलीसियायाः नाम्‍नि साधोः पौलुसस्‍य पत्रम्‌ 2

¹अहम्‌ इच्‍छामि यत्‌ भवन्‍तः जानन्‍तु यत्‌ अहं भवद्‌भ्‍यः, लौदीकियायाः नगरस्‍य विश्‍वासिभ्‍यः, तेभ्‍यः सर्वेभ्‍यः, ये मां कदापि न अपश्‍यन्‌, कियत्‌ अथकपरिश्रमं करोमि,

²येन तेषां साहसः वर्धताम्‌, प्रेम्‍नः एकतायां तिष्‍ठन्‍तु, ज्ञानस्‍य परिपूर्णतां लभन्‍ताम्‌, इत्‍थम्‌ परमेश्‍वरस्‍य रहस्‍यस्‍य मर्मम्‌ यावत्‌ आगच्‍छन्‍तु। सः रहस्‍यः मसीहः अस्‍ति,

³यस्‍मिन्‌ प्रज्ञायाः ज्ञानस्‍य च सम्‍पूर्णा निधिः निहिता अस्‍ति।

⁴मम कथनस्‍य उद्देश्‍यः अयमस्‍ति यत्‌ केनापि भ्रामकतर्कैः भवन्‍तः पथभ्रष्‍टाः न भवन्‍तु।

⁵अहं शरीरेण दूरे भूत्‍वा अपि आत्‍मनि भवद्‌भिः सह अस्‍मि। माम्‌ इदं दृष्‍ट्‌वा आनन्‍दः भवति, यत्‌ भवतां जीवनम्‌ सुव्‍यवस्‍थितम्‌, मसीहे विश्‍वासश्‍च सुदृढ़ः अस्‍ति।

⁶भवन्‍तः येशुमसीहं प्रभोः रूपे स्‍वीकृतवन्‍तः, अतएव तेन सह संयुक्‍ताः भूत्‍वा जीवनं यापयन्‍तु।

⁷तस्‍मिन्‌ भवतां विश्‍वासस्‍य मूलं गहनं भवतु, आधारश्‍च सुदृढ़ः भवेत्‌। भवद्‌भ्‍यः यस्‍य विश्‍वासस्‍य शिक्षा प्राप्‍ता, तस्‍याम्‌ एव दृढ़ाः तिष्‍ठन्‍तु, भवतां हृदयेषु धन्‍यवादस्‍य प्रार्थना सर्वदा भवेत्‌।

⁸सावधानाः तिष्‍ठन्‍तु। इदृशी परिस्‍थितिः न आगच्‍छतु यत्‌ भवन्‍तः ईदृशेन निःसारेण भ्रामकेन दर्शनशास्‍त्रेण पथभ्रष्‍टाः भवन्‍तुः, यः मनुष्‍यानां परम्‍परागतशिक्षायाः अनुसारमस्‍ति, मसीहे नहि, परन्‍तु संसारस्‍य तत्‍वेषु आधारितः अस्‍ति।

⁹यतः मसीहे ईश्‍वरीयतत्‍वस्‍य परिपूर्णता अवतरिता भूत्‍वा निवसति,

¹⁰तस्‍मिन्‌ भवन्‍तः अस्‍याः परिपूर्णतायाः सहभागिनः सन्‍ति। मसीहः विश्‍वस्‍य सर्वेषाम्‌ अधिपत्‍यानाम्‌ अधिकाराणां च शीर्षः अस्‍ति-सर्वे मसीहस्‍य अधीने सन्‍ति।

¹¹तस्‍मिन्‌ भवतां लिंगाग्रचर्मछेदनमपि अभवत्‌। तत्‌ लिंगाग्रचर्मछेदनम्‌ हस्‍तेन न क्रियते। तत्‌ लिंगाग्रचर्मछेदनं मसीहस्‍य, अर्थात्‌ जलसंस्‍कारोऽस्‍ति, येन पापमयं शरीरम्‌ अपसार्य क्षिप्‍यते।

¹²जलसंस्‍कारस्‍य समये मसीहेन सह भवतां भूमिनिखातः अभवत्‌, तेन सह पुनर्जीविताः कृताः सन्‍ति, यतः भवन्‍तः परमेश्‍वरस्‍य सामर्थ्‍ये विश्‍वासं कृतवन्‍तः, यः तं मृतकेषु पुनर्जीवितवान्‌।

¹³भवन्‍तः पापानाम्‌ कारणात्‌, स्‍व स्‍वभावस्‍य लिंगाग्रचर्मछेदनस्‍य अभावस्‍य कारणात्‌ अम्रियन्‍त। परमेश्‍वरः भवतः मसीहेन सह पुनर्जीवितवान्‌, अस्‍माकं सर्वान्‌ अपराधान्‌ अक्षमत।

¹⁴सः नियमानां तत्‌ बन्‍धपत्रं, यत्‌ अस्‍माकं विरुद्धे आसीत्‌, निरस्‍तवान्‌, तं क्रूसकाष्‍ठे कीलित्‍वा उत्‍थापयत्‌।

¹⁵तेन विश्‍वस्‍य प्रत्‍येकः आधिपत्‍यः अधिकारश्‍च अपदस्‍थः कृतः। संसारस्‍य दृष्‍टौ तेषां मानभंगम्‌ अकरोत्‌। क्रूसस्‍य विजययात्रायाम्‌ तान्‌ बन्‍दिनाम्‌ सदृशाः पराजितवान्‌।

¹⁶अतएव कस्‍मै अपि अयम्‌ अधिकारः नास्‍ति यत्‌ सः भक्षणपानयोः, उत्‍सवस्‍य, अमावस्‍यायाः, विश्रामदिवसस्‍य च विषये भवन्‍तः दोषयतु।

¹⁷इदं सर्वम्‌ आगामिवचनानां केवलं छायामात्रमस्‍ति, वास्‍तविकता मसीहः एव अस्‍ति।

¹⁸भवद्‌भिः स्‍वम्‌ ईदृशेन जनेन स्‍व पुरस्‍कारात्‌ न वंचितव्‍यः, ये तपस्‍यां, स्‍वर्गदूतानां पूजां, स्‍वम्‌, तथा-कथितान्‌ दिव्‍यदृश्‍यान्‌ अनुचितं महत्‍वं ददति। ते स्‍व सांसारिकबुद्धेः कारणात्‌ अभिमानिनः भवन्‍ति,

¹⁹इत्‍थम्‌ शीर्षेण अर्थात्‌ मसीहेन सह न संयुक्‍ताः सन्‍ति। मसीहः सः शीर्षः अस्‍ति, यः समस्‍तं शरीरं दधाति, इत्‍थम्‌ शरीरेण, सन्‍धिभिः स्‍नायुभिश्‍च संगठितः भूत्‍वा परमेश्‍वरस्‍य इच्‍छानुसारं वर्द्धते।

²⁰यदि भवन्‍तः मसीहेन सह मृत्‍वा संसारस्‍य तत्‍वेभ्‍यः मुक्‍ताः सन्‍ति, तदा भवन्‍तः तस्‍य आदेशानां पालनं किं न कुर्वन्‍तु यथा भवतां जीवनम्‌ इदानीं यावत्‌ संसारस्‍य अधीने अस्‍ति?

²¹तस्‍मात्‌ उपवासः, अस्‍य आस्‍वादनं मा कुरु, तत्‌ मा स्‍पर्श,

²²इमे सर्वे मनुष्‍यानाम्‌ आदेशाः सन्‍ति, मानवीयेषु सिद्धान्‍तेषु आधारिताः सन्‍ति, ईदृशीभिः वस्‍तुभिः सह सम्‍पर्के तिष्‍ठन्‍ति, ये उपयोगे आगते सति नष्‍टाः भवन्‍ति।

²³व्‍यक्‍तिगतसाधनया, कठोरतपस्‍यया कठोरात्‍मसंयमेन ज्ञानस्‍य प्रदर्शनं भवति, परन्‍तु इमे शरीरस्‍य वासनानां दमनकर्तुम्‌ असमर्थाः।