Read Sanskrit कुलुस्‍सेनगरस्‍य कलीसियायाः नाम्‍नि साधोः पौलुसस्‍य पत्रम्‌ 3 Bible Online

कुलुस्‍सेनगरस्‍य कलीसियायाः नाम्‍नि साधोः पौलुसस्‍य पत्रम्‌ 3 - Sanskrit bible

कुलुस्‍सेनगरस्‍य कलीसियायाः नाम्‍नि साधोः पौलुसस्‍य पत्रम्‌ 3

¹भवन्‍तः मसीहेन सह चेत्‌ पुनजीर्विताः सन्‍ति-यः परमेश्‍वरस्‍य वामेतरे विराजमानः अस्‍ति-तदा स्‍वर्गस्‍य वस्‍तुनाम्‌ अनुसंधानं कुर्वन्‍तु।

²भवद्‌भिः संसारस्‍य न हि, अपितु स्‍वर्गस्‍य वस्‍तूनाम्‌ चिन्‍ता करणीया।

³भवन्‍तः तु अम्रियन्‍त, भवतां जीवनं मसीहेन सह परमेश्‍वरे गूहितमस्‍ति।

⁴मसीहः एव भवतां जीवनमस्‍ति। यदा मसीहः प्रकटः भविष्‍यति, तदा भवन्‍तः अपि तेन सह महिमान्‍विताः भूत्‍वा प्रकटाः भविष्‍यन्‍ति।

⁵अतएव इमानि वचनानि भवत्‍सु शरीरेषु नश्‍यन्‍तु, यानि संसारस्‍य सन्‍ति, अर्थात्‌ व्‍यभिचारम्‌, अशुद्धताम्‌, कामुकताम्‌, विषयवासनाम्‌, लोभम्‌ च यः मूर्तिपूजायाः सदृशः अस्‍ति।

⁶एतेषां वचनानां कारणात्‌ अवज्ञायाः संताने परमेश्‍वरस्‍य कोपः भवति।

⁷यदा भवन्‍तः ईदृशस्‍य पापमयं जीवनं यापयन्‍ति स्‍म, तदा भवन्‍तः अपि पूर्वम्‌ इदं सर्वम्‌ अकुर्वन्‌।

⁸इदानीं भवद्‌भिः क्रोधः, उत्तेजना, द्वेषः, परनिन्‍दा, अश्‍लीलवचनानि च सर्वथा त्‍यक्‍तव्‍यानि। 9कदापि परस्‍परेण सह मिथ्‍यां मा वदन्‍तु।

⁹भवद्‌भिः प्राचीनं स्‍वभावं तस्‍य कार्याणि च अवतार्य

¹⁰एकः नूतनः स्‍वभावः धारितः। अयं स्‍वभावः स्‍व सृष्‍टिकर्तुः प्रतिरूपः भूत्‍वा नवीनः भवति, सत्‍यस्‍य ज्ञानं प्रति अग्रे गच्‍छति, यत्र गत्‍वा कोऽपि भेदः नास्‍ति,

¹¹यत्र न यूनानिनः सन्‍ति न यहूदिनः वा, न लिंगाग्रचर्मछेदनमस्‍ति, न तस्‍य अभावः वा, न बर्बरः न स्‍कूत्‍यः, न दासः न स्‍वतंत्रश्‍च, तत्र केवलं मसीहः अस्‍ति, यः सर्वम्‌ सर्वस्‍मिन्‌ च अस्‍ति।

¹²भवन्‍तः परमेश्‍वरस्‍य पवित्राः परमप्रियाः परिगणिताः प्रजाः सन्‍ति। अतएव भवद्‌भिः अनुकम्‍पा सहानुभूतिः, विनम्रता, कोमलता सहनशीलता च धर्तव्‍याः।

¹³भवन्‍तः परस्‍परं सहन्‍ताम्‌, कं, केन सह कोऽपि परिदेवः अस्‍ति तदा परस्‍परं क्षम्‍येयुः। प्रभुः युष्‍मान्‌ चक्षाम, भवन्‍तः अपि क्षमेरन्‌।

¹⁴अस्‍य अतिरिक्‍तः परस्‍परे प्रेमभावं स्‍थापयन्‍तु। सः सर्वम्‌ एकतायां बद्धवा पूर्णतां यावत्‌ आनयति।

¹⁵मसीहस्‍य शान्‍तिः भवतां हृदये विराजमाना भवतु। अस्‍यै शान्‍तये भवन्‍तः देहस्‍य अंगाः भूत्‍वा आहूताः सन्‍ति। भवन्‍तः कृतज्ञाः भवन्‍तु।

¹⁶मसीहस्‍य शिक्षा स्‍व परिपूर्णतायां भवत्‍सु मध्‍ये निवसतु। भवन्‍तः अति बुद्धिमत्‍या परस्‍परं शिक्षाम्‌, उपदेशं च ददीरन्‌। भवन्‍तः कृतज्ञहृदयेन परमेश्‍वरस्‍य आदरे भजनं स्‍तोत्रम्‌ आध्‍यात्‍मिकं गीतं च गायन्‍तु।

¹⁷भवन्‍तः यदपि कुर्वन्‍तु वदन्‍तु वा, तत्‌ सर्वम्‌ प्रभोः येशोः मसीहस्‍य नाम्‍नि कुर्वन्‍तु। भवन्‍तः तेन एव पिता परमेश्‍वरं धन्‍यवादं ददयुः।

¹⁸यथा प्रभोः भक्‍तेभ्‍यः उचितमस्‍ति, पत्‍न्‍यः स्‍व पतीनाम्‌ अधीने तिष्‍ठन्‍तु,

¹⁹पतयः स्‍व पत्‍नीः लाडयन्‍तु। ताभिः सह कठोरव्‍यवहारः न कर्तव्‍यः।

²⁰बालकाः सर्वेषु विषयेषु स्‍व पित्रोः आज्ञां पालयन्‍तु, यतः प्रभुः अनेन प्रसन्‍नः भवति।

²¹पिता स्‍व पुत्राणाम्‌ हृदये कोपं न उत्‍पदयतु, ईदृशेन व्‍यवहारेण कुत्रचित्‌ ईदृशं न भवेत्‌, ते हतोत्‍साहाः भवेयुः।

²²दासान्‌ अनुरोधयामि, भवन्‍तः सर्वकथनेषु तेषाम्‌ आज्ञां पालयन्‍तु, ये अस्‍मिन्‌ संसारे भवतां स्‍वामिनः सन्‍ति। भवन्‍तः जनान्‌ मोदयितुं वाह्यप्रदर्शनमात्राय नहि अपितु निष्‍कपटहृदयेन, प्रभौ श्रद्धां कृत्‍वा एवं कुर्वन्‍तु।

²³भवन्‍तः यत्‌ कुर्वन्‍तु दत्तचितमनसा कुर्वन्‍तु मनुष्‍येभ्‍यः नहि अपितु प्रभवे कार्यम्‌ कुर्वन्‍तु,

²⁴यतः भवन्‍तः जानन्‍ति यत्‌ प्रभुः पुरस्‍कारस्‍य रूपे भवद्‌भ्‍यः उत्तराधिकारं दास्‍यति। भवन्‍तः प्रभोः दासाः सन्‍ति।

²⁵यः अन्‍यायं करोति, तस्‍मै अन्‍यायस्‍य फलं लप्‍स्‍यते, केनापि सह पक्षपातः न भविष्‍यति।