Read Sanskrit कुलुस्‍सेनगरस्‍य कलीसियायाः नाम्‍नि साधोः पौलुसस्‍य पत्रम्‌ 4 Bible Online

कुलुस्‍सेनगरस्‍य कलीसियायाः नाम्‍नि साधोः पौलुसस्‍य पत्रम्‌ 4 - Sanskrit bible

कुलुस्‍सेनगरस्‍य कलीसियायाः नाम्‍नि साधोः पौलुसस्‍य पत्रम्‌ 4

¹स्‍वामिनः! भवन्‍तः इदं ज्ञात्‍वा स्‍व दासैः सह न्‍यायपूर्णंम्‌ उचितव्‍यवहारं कुर्वन्‍तु, स्‍वर्गे भवतामपि एकः स्‍वामी अस्‍ति।

²भवन्‍तः निन्‍द्रां त्‍यक्‍त्‍वा प्रार्थनायां धन्‍यवादे च संलग्‍नाः भवन्‍तु।

³भवन्‍तः मह्‌यमपि प्रार्थयन्‍तु, येन परमेश्‍वरः माम्‌ शुभसमाचारं श्रावयितुं मसीहस्‍य रहस्‍यं च, यस्‍मै इदानीम्‌ अहम्‌ बन्‍धनैः बद्धः अस्‍मि, घोषयितुं सुअवसरं प्रदातु।

⁴भवन्‍तः प्रार्थयन्‍तु, येन अहं तं रहस्‍यं प्रकटयितुं समर्थः भवेयम्‌, यथा मम कर्तव्‍यमस्‍ति।

⁵भवन्‍तः बाह्यजनैः सह बुद्धिमत्‍या व्‍यवहरन्‍तु। वर्तमानसमयेन सम्‍पूर्णः लाभः भवद्‌भ्‍यः भवतु।

⁶भवतां वार्तालापः सर्वदा मनोहराः सुरुचिपूर्णः च भवेत्‌, प्रत्‍येकः समुचितम्‌ प्रत्‍युतरं ददातु।

⁷मम निष्‍कपटः सहयोगी, मसीहस्‍य सेवायां मम मित्रं प्रियभ्राता तुखिकुसः भवतः मम विषये कथयिष्‍यति।

⁸अहं तं भवतां मध्‍ये प्रेषयामि यत्‌ भवन्‍तः मम विषये पूर्णसमाचारं जानन्‍तु, एकम्‌ अन्‍यं कारणमपि अस्‍ति, भवद्‌भ्‍यः प्रोत्‍साहनम्‌ ददातु।

⁹तेन सह भवतां देशवासी मम निष्‍कपटः प्रियः भ्राता उनेसिमुसः अपि गच्‍छति। इमे द्वौ भवतः अत्रस्‍य सम्‍पूर्णसमाचारं कथयिष्‍यतः।

¹⁰अरिस्‍तर्खुसः, यः मया सह बन्‍धने अस्‍ति, बरनबासस्‍य भ्रातृव्‍यः मारकुसश्‍च भवतः नमः कुरुतः। मारकुसस्‍य विषये भवद्‌भ्‍यः अनुदेशाः दत्ताः सन्‍ति। चेत्‌ सः भवताम्‌ मध्‍ये आगच्‍छेत्‌, तस्‍य स्‍वागतम्‌ कुर्वन्‍तु।

¹¹यहोशुअः उपनाम यूस्‍तुसः अपि भवतः नमः करोति। यहूदिषु ये त्रयः एव परमेश्‍वरस्‍य राज्‍यस्‍य विस्‍ताराय मया सह कार्यम्‌ कुर्वन्‍ति। तैः मह्‌यम्‌ अधिका सान्‍त्‍वना प्राप्‍ता अस्‍ति।

¹²भवतां देशवासी इपफ्रासः भवतः नमः करोति। येशोः मसीहस्‍य अयं सेवकः अति मनोयोगेन निरन्‍तरं भवद्‌भ्‍यः प्रार्थयति, येन भवन्‍तः सर्वविषयेषु परमेश्‍वरस्‍य इच्‍छां पूर्णरूपे पूरयितुम्‌ सुदृढ़ाः भवन्‍तु।

¹³अहं अस्‍य विषये साक्ष्‍यं दातुं शक्‍नोमि यत्‌ भवद्‌भ्‍यः, लौदीकियायाः तथा हियेरापुलिसस्‍य निवासिभ्‍यः सः अतिकष्‍टं सहते।

¹⁴प्रियः वैद्यः लुकसः देमासश्‍च भवतः नमः कुरुतः।

¹⁵लौदीकियायाः भ्रातृभ्‍यः स्‍वसृभ्‍यः नमः। स्‍वस्रे नुम्‍फायै, तस्‍याः गृहे एकत्रीभूतायै कलीसियायै नमः।

¹⁶भवतां पश्‍चाते लौदीकियायाः विश्‍वासिभ्‍यः अपि इदं पत्रं श्रावितव्‍यम्‌। लौदीकियायाः कलीसियायाः नाम्‍नि लिखितम्‌ पत्रम्‌ भवन्‍तः अपि पठेयुः।

¹⁷भवन्‍तः अरखिप्‍पुसम्‌ वदेयुः - “भवते प्रभोः नाम्‍नि या धर्मसेवा दत्ता अस्‍ति - तां सम्‍यक्‌ रूपे ध्‍यायेन सह करोतु।”

¹⁸अयं नमस्‍कारः पौलुसस्‍य अस्‍ति-इदं पत्रं मम हस्‍तेन लिखितमस्‍ति। मम शृंखलाः स्‍मरन्‍तु। भवत्‍सु कृपा तिष्‍ठतु।