Read Sanskrit थिस्‍सलुनीकेनगरस्‍य कलीसियायाः नाम्‍नि साधोः पौलुसस्‍य प्रथमं पत्रम्‌ 3 Bible Online

थिस्‍सलुनीकेनगरस्‍य कलीसियायाः नाम्‍नि साधोः पौलुसस्‍य प्रथमं पत्रम्‌ 3 - Sanskrit bible

थिस्‍सलुनीकेनगरस्‍य कलीसियायाः नाम्‍नि साधोः पौलुसस्‍य प्रथमं पत्रम्‌ 3

¹अहम्‌ एकाकी अथेनेनगरे स्‍थातुं निश्‍चयं कृत्‍वा

²स्‍व भ्रातरं, मसीहस्‍य शुभसमाचारस्‍य प्रचारे परमेश्‍वरस्‍य सहयोगिम्‌ तिमोथिम्‌ च प्रेषितुं निश्‍चयम्‌ अकरवम्‌, येन सः भवतः धर्ये बध्‍नातु, विश्‍वासे दृढ़ाः करोतु च,

³येन कोऽपि एतासाम्‌ विपतीनाम्‌ कारणात्‌ विचलितः न भवेत्‌। भवन्‍तः जानन्‍ति यत्‌ अयमेव अस्‍माकं भाग्‍ये अस्‍ति।

⁴भवतां मध्‍ये निवसन्‌ मया भवन्‍तः कथिताः यत्‌ विपत्तयः अस्‍मासु पतिष्‍यन्‍ति, यथा भवन्‍तः जानन्‍ति तथैव अभवत्‌,

⁵यदा अहं स्‍व भावनायाः नियंत्रणे न आसम्‌, तदा भवतां विश्‍वासस्‍य समाचारं ज्ञातुं मया सः तिमोथी भवतां समक्षे प्रेषितः, अहम्‌ अबिभ्‍यम्‌, कदाचित्‌ भवन्‍तः दुष्‍टात्‍मना प्रलोभिताः सन्‍ति, मम परिश्रमः व्‍यर्थः न भवेत्‌।

⁶तिमोथी अधुना एव भवतां समक्षात्‌ प्रत्‍यावर्तत्‌, भवतां विश्‍वासस्‍य प्रेम्‍नश्‍च विषये शुभसमाचारम्‌ आनयत्‌। सः कथयति यत्‌ भवन्‍तः सर्वदा मम प्रेम्‍ना स्‍मरन्‍ति, मां पुनः द्रष्‍टुं उत्‍सुकाः सन्‍ति, यथा अहं भवतां द्रष्‍टुम्‌ उत्‍सुकः अस्‍मि। भ्रातरः! मह्यम्‌ सर्वसंकटेषु कष्‍टेषु च भवतां विश्‍वासेन सान्‍त्‍वना अलभत।

⁸इदं ज्ञात्‍वा मयि नवजीवनस्‍य संचारः अभवत्‌ यत्‌ भवन्‍तः प्रभौ दृढाः सन्‍ति।

⁹भवन्‍तः मह्यम्‌ प्रभोः समक्षे महान्‌ आनन्‍दः प्रदत्तवन्‍तः। अहं भवतां विषये परमेश्‍वरं पर्याप्‍तं धन्‍यवादं दातुं कथं समर्थोऽस्‍मि।

¹⁰अहं दिने रात्रौ च आग्रहेण सह प्रार्थयामि यत्‌ पुनः भवतः द्रष्‍टुं समर्थः भवेयम्‌, भवतां विश्‍वासे यः अभावः वर्तते, तं पूर्णकर्तुम्‌ समर्थः भवेयम्‌।

¹¹मम पिता परमेश्‍वरः, मम प्रभुः येशुः मसीहः भवतां समक्षे गमनस्‍य मार्गम्‌ सरलं कुर्यात्‌।

¹²प्रभुः एवं कुर्यात्‌, यथा अहं प्रेम करोमि, तथैव भवतां प्रेम परस्‍परं प्रति वर्धताम्‌।

¹³इत्‍थम्‌ सः तत्‌ दिनं यावत्‌ स्‍वहृदयान्‌ अस्‍माकं पितुः परमेश्‍वरस्‍य समक्षे पवित्रं निर्दोषं च स्‍थापयतु, यदा अस्‍माकं प्रभुः येशुः मसीहः स्‍व सिद्धजनैः सह आगमिष्‍यति। आमेन।