Read Sanskrit थिस्‍सलुनीकेनगरस्‍य कलीसियायाः नाम्‍नि साधोः पौलुसस्‍य प्रथमं पत्रम्‌ 4 Bible Online

थिस्‍सलुनीकेनगरस्‍य कलीसियायाः नाम्‍नि साधोः पौलुसस्‍य प्रथमं पत्रम्‌ 4 - Sanskrit bible

थिस्‍सलुनीकेनगरस्‍य कलीसियायाः नाम्‍नि साधोः पौलुसस्‍य प्रथमं पत्रम्‌ 4

¹भ्रातरः! स्‍वसारश्‍च! भवन्‍तः मत्‌ इमां शिक्षां गृहीतवन्‍तः यत्‌ कथम्‌ आचरणं भवेत्‌, येन परमेश्‍वरः प्रसन्‍नः भवेत्‌, भवन्‍तः अस्‍य अनुसारं चलन्‍ति अपि। अन्‍ते अहं मसीहस्‍य नाम्‍नि भवतः आग्रहेण सह अनुनयं करोमि यत्‌ भवन्‍तः अस्‍मिन्‌ विषये वर्धेरन्‌।

²भवन्‍तः जानन्‍ति यत्‌ मया प्रभोः येशोः मसीहात्‌ भवद्‌भ्‍यः के के आदेशाः दत्ताः सन्‍ति।

³परमेश्‍वरस्‍य इच्‍छा इयमस्‍ति यत्‌ भवन्‍तः पवित्राः भवन्‍तु, व्‍यभिचरात्‌ पृथकाः तिष्‍ठन्‍तु।

⁴भवत्‍सु प्रत्‍येकः धर्मस्‍य औचित्‍यस्‍य च अनुसारम्‌ एकपत्‍नीं गृह्‌णातु।

⁵देवार्चकानाम्‌ इव, ये ईश्‍वरं न जानन्‍ति, कोऽपि वासनायाः वशीभूते न भवेत्‌।

⁶कोऽपि मर्यादायाः उल्‍लंघनं न कुर्यात्‌, अस्‍मिन्‌ संबंधे स्‍व भ्रातरम्‌ अथवा स्‍वसारम्‌ प्रति अन्‍यायं न कुर्यात्‌, यतः प्रभुः एतेभ्‍यः वचनेभ्‍यः कठोरदंडं ददाति, यथा मया भवन्‍तः स्‍पष्‍टरूपे कथिताः।

⁷यतः परमेश्‍वरेण वयम्‌ अशुद्धतायै नहि पवित्रतायै आहूताः स्‍मः,

⁸अतएव इमम्‌ आदेशं यः तिरस्‍करोति, सः मनुष्‍यस्‍य नहि, अपितु परमेश्‍वरस्‍य तिरस्‍कारं करोति, यः भवद्‌भ्‍यः स्‍व पवित्रात्‍मानं ददाति।

⁹भ्रातृप्रेम्‍नः विषये लेखनस्‍य आवश्‍यकता नास्‍ति; यतः भवन्‍तः परमेश्‍वरात्‌ एव परस्‍परं प्रेम कर्तुम्‌ जानीतवन्‍तः,

¹⁰समस्‍तमकिदुनियायाः भ्रातॄन्‌-स्‍वसृ प्रति अस्‍य भ्रातृप्रेम्‍नः निर्वाहं कुर्वन्‍ति। भ्रातरः! मम अनुरोधः अस्‍ति भवन्‍तः अस्‍मिन्‌ विषये अधिकाम्‌ उन्‍नतिं कुर्वन्‍तु।

¹¹भवन्‍तः अस्‍मिन्‌ विषये अभिमानं कुर्वन्‍तु यत्‌ भवन्‍तः शान्‍त्‍या सह जीवनं यापयन्‍ति, प्रत्‍येकः स्‍व स्‍व कार्ये संलग्‍नः अस्‍ति। भवन्‍तः मम आदेशानुसारं स्‍व हस्‍ताभ्‍यां कार्यम्‌ कुर्वन्‍तु।

¹²इत्‍थम्‌ अनेन आचरणेन अन्‍याः जनाः अपि भवताम्‌ आदरं करिष्‍यन्‍ति, भवद्‌भ्‍यश्‍च कस्‍यापि वस्‍तुनः अभावः न भविष्‍यति।

¹³भ्रातरः! स्‍वसारश्‍च! अहम्‌ इच्‍छामि यत्‌ मृतकानां विषये भवतः निश्‍चितं ज्ञानं भवेत्‌, अन्‍यथा भवन्‍तः तेषाम्‌ इव दुखिनः भविष्‍यन्‍ति, येभ्‍यः काऽपि आशा नास्‍ति।

¹⁴मया दृढ़ः विश्‍वासः क्रियते यत्‌ मसीहः अम्रियत पुनर्जीवितवान्‌ च। ये तस्‍मिन्‌ विश्‍वासं कुर्वन्‍तः अम्रियन्‍त, ते तथैव मसीहेन सह पुनर्जीविष्‍यन्‍ति। परमेश्‍वरः मृतकान्‌ येशुना, तेन सह आनेष्‍यति।

¹⁵अस्‍मभ्‍यम्‌ मसीहेन शिक्षा प्राप्‍ता, तस्‍य आधारे अहं भवतः कथयामि, वयं ये प्रभोः आगमनं यावत्‌ जीविष्‍यामः, मृतकानां प्राक्‌ महिम्‍नि न प्रवेशं करिष्‍यामः,

¹⁶यतः यदा आदेशः दास्‍यते महादूतस्‍य वाणी, परमेश्‍वरस्‍य तूर्यम्‌ च श्रोष्‍येते, प्रभुः स्‍वयं स्‍वर्गात्‌ अवतरिष्‍यति। ये मसीहे अम्रियन्‍त, तेषां प्रथमं पुनरुत्‍थानं भविष्‍यति।

¹⁷तत्‍पश्‍चात्‌ वयं ये तत्‌ कालं यावत्‌ जीविताः स्‍थास्‍यामः, तैः सह मेघेषु ऊपरि नेष्‍यामहे आकाशे प्रभुना सह मिलिष्‍यामः। इत्‍थम्‌ वयं सर्वदा प्रभुना सह निवसामः। भवन्‍तः एतेषां वचनानां चर्चाम्‌ कुर्वन्‍तः परस्‍परं सान्‍त्‍वनां ददयुः।