Read Sanskrit थिस्‍सलुनीकेनगरस्‍य कलीसियायाः नाम्‍नि साधोः पौलुसस्‍य द्वितीयम्‌ पत्रम्‌ 1 Bible Online

थिस्‍सलुनीकेनगरस्‍य कलीसियायाः नाम्‍नि साधोः पौलुसस्‍य द्वितीयम्‌ पत्रम्‌ 1 - Sanskrit bible

थिस्‍सलुनीकेनगरस्‍य कलीसियायाः नाम्‍नि साधोः पौलुसस्‍य द्वितीयम्‌ पत्रम्‌ 1

¹अस्‍माकं पिता परमेश्‍वरे, प्रभौ येशौमसीहे थिस्‍सलुनीकेनगरस्‍य कलीसियायाः नाम्‍नि पौलुसस्‍य, सिल्‍वानुसस्‍य तिमोथिनः च पत्रम्‌।

²अस्‍माकं पितापरमेश्‍वरः, प्रभुः येशुः मसीहः च भवद्‌भ्‍यः अनुग्रहं शान्‍तिं च दद्‌यात्‌।

³भ्रातरः! स्‍वसारश्‍च! भवतां विषये परमेश्‍वरं निरन्‍तरं धन्‍यवादं दानम्‌ मम कर्तव्‍यम्‌ अस्‍ति; यतः भवतां विश्‍वासः विकसति, सर्वेषु प्रत्‍येकस्‍य अन्‍येषां प्रति प्रेम वर्द्धते।

⁴अतएव अहं परमेश्‍वरस्‍य कलीसियासु, भवत्‍सु गौरवान्‍वितः अस्‍मि, यतः भवन्‍तः धर्येण विश्‍वासेन सह सर्वप्रकारस्‍य अत्‍याचारं कष्‍टं च सहन्‍ते।

⁵अनेन परमेश्‍वरस्‍य सः निर्णयः न्‍यायोचितः सिद्धः भवति, यः भवतः परमेश्‍वरस्‍य राज्‍यस्‍य अर्हाः मंस्‍यते, यस्‍य कृते भवन्‍तः इदानीं कष्‍टं सहन्‍ते।

⁶परमेश्‍वरस्‍य न्‍यायः तेभ्‍यः कष्‍टं दास्‍यति, ये भवद्‌भ्‍यः कष्‍टं ददति,

⁷भवद्‌भ्‍यः, ये कष्‍टानि सहन्‍ते, अस्‍मभ्‍यम्‌ तस्‍मिन्‌ समये विश्रामं दास्‍यति, यदा प्रभुः येशुः प्रकटीभूय स्‍व शक्‍तिशालिभिः दूतैः सह प्रज्‍वलितौ अग्‍नौ आकाशात्‌ अवतरिष्‍यति। तदानीं सः तेभ्‍यः दंडं दास्‍यति, ये परमेश्‍वरं न स्‍वीकुर्वन्‍ति, अस्‍माकं प्रभोः येशोः मसीहस्‍य शुभसमाचारं श्रोतुं न इच्‍छन्‍ति।

⁹ईदृशेभ्‍यः जनेभ्‍यः प्रभोः सान्‍निध्‍यात्‌, तस्‍य सामर्थ्‍यात्‌ महिम्‍नश्‍च वंचिताः कृत्‍वा अनन्‍तं कालं यावत्‌ सर्वनाशस्‍य दण्‍डः

¹⁰तस्‍मिन्‌ दिने लप्‍स्‍यते, यदा सः स्‍व सिद्धैः सह महिमान्‍वितं भवितुम्‌ तेषां सर्वेषां च आराधनां स्‍वीकर्तुम्‌ आगमिष्‍यति, ये तस्‍मिन्‌ विश्‍वासं कृतवन्‍तः - भवन्‍तश्‍च अस्‍माकं साक्ष्‍ये विश्‍वासम्‌ अकुर्वन्‌।

¹¹अहं निरन्‍तरं भवद्‌भ्‍यः प्रार्थयामि यत्‌ परमेश्‍वरः भवतः स्‍व आह्‌वाहनस्‍य अर्हाः निर्मायतु, भवतां प्रत्‍येकसदिच्‍छां, विश्‍वासेन कृतम्‌ च प्रत्‍येकं कार्यम्‌ स्‍व सामर्थ्‍येन पूर्णतां यावत्‌ नयतु।

¹²इत्‍थम्‌ अस्‍माकं परमेश्‍वरस्‍य प्रभोश्‍च येशोः मसीहस्‍य कृपया अस्‍माकं प्रभोः येशोः मसीहस्‍य नाम भवत्‍सु गौरवान्‍वितम्‌ भविष्‍यति भवन्‍तश्‍च अपि तस्‍मिन्‌ गौरवान्‍विताः भविष्‍यन्‍ति।