Read Sanskrit तिमोथिनः नाम्‍नि साधोः पौलुसस्‍य पथमपत्रम्‌ 2 Bible Online

तिमोथिनः नाम्‍नि साधोः पौलुसस्‍य पथमपत्रम्‌ 2 - Sanskrit bible

तिमोथिनः नाम्‍नि साधोः पौलुसस्‍य पथमपत्रम्‌ 2

¹अहं सर्वप्रथम्‌ अनुरोधयामि यत्‌ सर्वेभ्‍यः मनुष्‍येभ्‍यः, विशेषरूपे

²नृपेभ्‍यः अधिकारिभ्‍यश्‍च अनुनयं-विनयं, प्रार्थना, निवेदनं, धन्‍यवादः अर्पिताः भवेयुः, येन वयं भक्‍त्‍या मर्यादया सह निर्विध्‍नं शान्‍तं जीवनं यापयाम।

³इदम्‌ उचितमपि अस्‍ति, अस्‍माकं मुक्‍तिदात्रे परमेश्‍वराय अपि रोचते,

⁴यतः सः इच्‍छति यत्‌ सर्वे मुनष्‍याः मुक्‍तिं प्राप्‍नुवन्‍तु।

⁵यतः केवलम्‌ एकः एव परमेश्‍वरः अस्‍ति, परमेश्‍वरस्‍य मनुष्‍यानाम्‌ च केवलः एकः एव मध्‍यस्‍थः अस्‍ति; अर्थात्‌ येशुः मसीहः, यः स्‍वयं मनुष्‍यः वर्तते,

⁶यः सर्वेषाम्‌ उद्धाराय स्‍वम्‌ अर्पितवान्‌। सः उपयुक्‍तसमये अस्‍य संबंधे साक्ष्‍यं दत्तवान्‌।

⁷अहं सत्‍यं वदामि न असत्‍यम्‌। अहम्‌ अस्‍य प्रचारकः प्रेरितश्‍च, भिन्नजातिभ्‍यः विश्‍वासस्‍य सत्‍यस्‍य च शिक्षकः नियुक्‍तः अस्‍मि।

⁸अहम्‌ इच्‍छामि सर्वत्र पुरुषाः शत्रुभावं विवादं च त्‍यक्‍त्‍वा श्रद्धापूर्वकं हस्‍तौ ऊपरि कृत्‍वा प्रार्थयन्‍तु।

⁹अहम्‌ इदम्‌ अपि इच्‍छामि यत्‌ स्‍त्रियः वेशभूषायां मर्यादायाः शालीनतायाश्‍च पालनं कुर्वन्‍तु, कृत्रिमेन केशविन्‍यासेन, स्‍वर्णेन मौक्‍तिकेन, बहुमूल्‍यैः वस्‍त्रैः न,

¹⁰परन्‍तु सत्‍कार्यैः स्‍व शृंगारं कुर्वन्‍तु, यथा ताभ्‍यः स्‍त्रीभ्‍यः शोभते याः ईश्‍वरभक्‍ताः सन्‍ति।

¹¹धर्मशिक्षायाः समये स्‍त्रियः अधीने स्‍थित्‍वा मौनं धारयन्‍तु।

¹²अहं न इच्‍छामि ताः शिक्षां ददतु, पुरुषेषु अधिकारं वा कुर्वन्‍तु। ताः मौने एव तिष्‍ठन्‍तु;

¹³यतः प्रथमः आदमः निर्मितः, तत्‍पश्‍चात्‌ हेवा निर्मिता।

¹⁴आरम्‍भे आदमः पथभ्रष्‍टः नासीत्‌, परन्‍तु हेवा पथभ्रष्‍टा भूत्‍वा अपराधं कृतवती।

¹⁵तथापि स्‍त्रियः संयमेन चेत्‌ विश्‍वासे, भ्रातृप्रेम्‍नि पवित्रतायां दृढ़ाः स्‍थास्‍यन्‍ति तदा ताभ्‍यः स्‍व मातृत्‍वेन मुक्‍तिः अपि लप्‍स्‍यते।