Read Sanskrit तिमोथिनः नाम्‍नि साधोः पौलुसस्‍य द्वितीयम्‌ पत्रम्‌ 1 Bible Online

तिमोथिनः नाम्‍नि साधोः पौलुसस्‍य द्वितीयम्‌ पत्रम्‌ 1 - Sanskrit bible

तिमोथिनः नाम्‍नि साधोः पौलुसस्‍य द्वितीयम्‌ पत्रम्‌ 1

¹इदं पत्रं प्रियपुत्रस्‍य तिमोथिनः नाम्‍नि पौलुसात्‌ अस्‍ति, यः परमेश्‍वरस्‍य इच्‍छया येशोः मसीहस्‍य प्रेरितः अस्‍ति।

²यतः सः तस्‍य जीवनस्‍य संदेशं श्रावयितुम्‌ प्रेषितः अस्‍ति, यः येशौ मसीहे अस्‍ति यस्‍य प्रतिज्ञा परमेश्‍वरः अकरोत्‌। पिता परमेश्‍वरः अस्‍माकं प्रभुः येशुः मसीहश्‍च तुभ्‍यम्‌ कृपां दयां शान्‍तिं ददातु।

³अहं स्‍व पूर्वजानाम्‌ इव शुद्धान्‍तःकरणेन परमेश्‍वरं सेवे, तं धन्‍यवादं ददन्‌ निरन्‍तरं तव स्‍व प्रार्थनासु स्‍मरामि।

⁴तव अश्रूणां स्‍मृत्‍वा त्‍वया सह मेलनस्‍य इच्‍छा तीव्रतरा भवति, येन मनः आनन्‍देन परिपूर्णम्‌ भवतु।

⁵तदानीं तव निष्‍कपटविश्‍वासं स्‍मरामि। अयं विश्‍वासः सर्वप्रथमं तव मातामह्‌यां लोइसायां, मातरि च विद्यमानः आसीत्‌, सः एव विश्‍वासः इदानीं त्‍वयि विद्यमानः अस्‍ति।

⁶अहं त्‍वाम्‌ अनुरोधयामि, त्‍वम्‌ ईश्‍वरीयवरदानस्‍य तां ज्‍वालां प्रज्‍वालय या मम हस्‍तयोः आरोपणेन त्‍वयि विद्यमाना अस्‍ति।

⁷परमेश्‍वरः अस्‍मभ्‍यम्‌ भीरुतायाः नहि अपितु सामर्थ्‍यस्‍य, प्रेम्‍नः आत्‍मसंयंमस्‍य आत्‍मानम्‌ दत्तवान्‌।

⁸त्‍वं न तु अस्‍माकं प्रभोः साक्ष्‍यं दातुं लज्‍जस्‍व, न मत्‌, यः तस्‍य कृते बन्‍दी अस्‍मि, परन्‍तु परमेश्‍वरस्‍य सामर्थ्‍ये आशां कृत्‍वा, मया सह शुभसमाचाराय कष्‍टं सहस्‍व।

⁹परमेश्‍वरः अस्‍माकम्‌ उद्‌धारं कृत्‍वा अस्‍मान्‌ पवित्रजीवनं यापयितुम्‌ आहूतवान्‌। अस्‍माकं कस्‍यापि पुण्‍यस्‍य कारणात्‌ न, परन्‍तु स्‍व कृपायाः कारणात्‌ ईदृशं कृतवान्‌। सा कृपा अनादि कालात्‌ एव येशुमसीहेन अस्‍मभ्‍यम्‌ प्राप्‍ता,

¹⁰परन्‍तु इदानीं सा अस्‍माकम्‌ मुक्‍तिदातुः येशोः मसीहस्‍य आगमनेन प्रकाशिता अस्‍ति। येशुमसीहः मृत्‍योः अनशत्‌, स्‍व शुभसमाचारेण अमरज्‍योतिम्‌ आलोकितवान्‌।

¹¹अहं तस्‍य शुभसमाचारस्‍य प्रचारकः, प्रेरितः, शिक्षकश्‍च नियुक्‍तः अस्‍मि।

¹²अस्‍मात्‌ कारणात्‌ अहं अत्र इदं कष्‍टं सहे, परन्‍तु अनेन न लज्‍जितः अस्‍मि, यतः अहं जानामि मम आशा कस्‍मिन्‌ अस्‍ति। मम निश्‍चयः अस्‍ति सः मह्यम्‌ समर्पितां निधिं तदानीं दिनं यावत्‌ रक्षितुं समर्थः अस्‍ति।

¹³या प्रामाणिकशिक्षा मया तुभ्‍यम्‌ प्राप्‍ता तां स्‍व मापदण्‍डं मनस्‍व, येशुमसीहं प्रति विश्‍वासे प्रेम्‍नि च दृढः भव।

¹⁴या निधिः तुभ्‍यम्‌ समर्पिता, ताम्‌ अस्‍मासु विश्‍वासिषु पवित्रात्‍मनः सहायतया सुरक्षितां रक्ष।

¹⁵त्‍वं जानासि यत्‌ आसियाक्षेत्रे अहं सर्वैः त्‍यक्‍तः। तेषु फुगिलुसः हेरमोगेनेसः अपि स्‍तः।

¹⁶प्रभोः दया उनेसिफुरुसस्‍य परिवारे भवतु, यतः सः प्रायः मम धर्यम्‌ अवर्धत, सः मम बन्‍धनैः लज्‍जितः न अभवत्‌,

¹⁷वरन्‌ रोमनगरं गत्‍वा मम अन्‍वेषणं कृतवान्‌, मां द्रष्‍टुम्‌ आगच्‍छत्‌।

¹⁸प्रभुः तस्‍मै वरं ददातु, यत्‌ तस्‍मिन्‌ दिने प्रभोः दयां प्राप्‍नोतु। तया इफिसुसनगरे यत्‌ कृतम्‌, तत्‌ त्‍वं सम्‍यकरूपे जानासि।