Read Sanskrit तीतुसस्‍य नाम्‍नि साधोः पौलुसस्‍य पत्रम्‌ 3 Bible Online

तीतुसस्‍य नाम्‍नि साधोः पौलुसस्‍य पत्रम्‌ 3 - Sanskrit bible

तीतुसस्‍य नाम्‍नि साधोः पौलुसस्‍य पत्रम्‌ 3

¹सर्वान्‌ स्‍मरय यत्‌ शासकानां अधिकाराणां च अधीने स्‍थातुं, तेषाम्‌ आज्ञानां पालनं तेषां कर्तव्‍यानि सन्‍ति। ते सर्वप्रकारस्‍य सत्‍यकार्यम्‌ कर्तुम्‌ तत्‍पराः भवन्‍तु।

²निन्‍दकाः, कलहप्रियाः न भूत्‍वा, धर्येण सर्वैः सह नम्रव्‍यवहारं कुर्वन्‍तु।

³यतः वयमपि पूर्वम्‌ मूर्खाः, अवज्ञाकारिणः, पथभ्रष्‍टाः, सर्वप्रकारस्‍य वासनानां भोगानां च वशीभूताः आस्‍म। वयं विद्वेषे, मत्‍सरे च जीवनं यापयामः स्‍मः। वयं घृणिताः स्‍मः, परस्‍परेण सह द्वेषम्‌ अकुर्म।

⁴परन्‍तु अस्‍माकं मुक्‍तिदातुः परमेश्‍वरस्‍य कृपालुतया, मनुष्‍यान्‌ प्रति तस्‍य प्रेम संसारे प्रकटितम्‌।

⁵सः नवजीवनस्‍य जलेन पवित्रात्‍मनश्‍च संजीवनशक्‍त्‍या अस्‍माकम्‌ उद्धारं कृतवान्‌। सः अस्‍माकं कस्‍यापि पुण्‍यकर्मणः कारणात्‌ न, परन्‍तु निजदयालुतायाः कारणात्‌ ईदृशम्‌ अकरोत्‌।

⁶तेन अस्‍माकं मुक्‍तिदात्रा येशुमसीहेन अस्‍मभ्‍यं प्रचुरमात्रायां पवित्रात्‍मनः वराः दत्ताः,

⁷येन तस्‍य कृपायाः सहायतया धर्मिनः भूत्‍वा अनन्‍तजीवनस्‍य उत्तराधिकारिणः भवितुम्‌ अस्‍माकम्‌ आशा भवेत्‌।

⁸इदं कथनं सुनिश्‍चितम्‌ अस्‍ति, अहम्‌ इच्‍छामि च, त्‍वया अस्‍मिन्‌ विषये, बलं दातव्‍यम्‌। ये जनाः परमेश्‍वरे विश्‍वासं कृतवन्‍तः, ते सुकार्येषु संलग्‍नाः उत्‍सुकाः भवन्‍तु। अयम्‌ उत्तमः अस्‍ति, जनेभ्‍यः लाभदायकः अपि।

⁹निरर्थकविवादेभ्‍यः, वंशावलीभ्‍यः, राजनीतिभ्‍यः, व्‍यवस्‍थायाः संबंधीकलहेभ्‍यः पृथकः तिष्‍ठतु। अयं सर्वम्‌ अलाभकरः अस्‍ति।

¹⁰यः जनः धर्मसिद्धान्‍तानां विषये भ्रामकशिक्षां ददाति, तस्‍मै सकृतम्‌ द्विवारं प्रबोधनं देहि, अस्‍य पश्‍चात्‌ इदं ज्ञात्‍वा तस्‍मात्‌ पृथकः तिष्‍ठ,

¹¹यतः ईदृशः जनः पथभ्रष्‍टः पापी च अस्‍ति। सः निजं दोषीं मन्‍यते।

¹²यदा अहम्‌ अरतिमासं तुखिकुसं वा तव समीपे प्रेषिस्‍यामि, तदा शीघ्रमेव निकोपुलिसनगरे मम पार्श्‍वे आगमनाय यतस्‍व। तत्र मया शीतकालं यापनाय निश्‍चितम्‌।

¹³त्‍वया विधिज्ञयोः जेनासस्‍य तथैव अपुल्‍लासस्‍य यात्रायाः सुव्‍यवस्‍था करणीया, यया ताभ्‍याम्‌ कस्‍यचित्‌ अपि वस्‍तुनः अभावः न भवेत्‌।

¹⁴अस्‍माकं स्‍वकीयान्‌ जनान्‌ किम्‌ अपि सुव्‍यवसायं कर्तुम्‌ शिक्षन्‍तु। इत्‍थम्‌ ते निजावश्‍यकतानां पूर्तिं कृत्‍वा निष्‍प्रयोजने न स्‍थास्‍यन्‍ति।

¹⁵मम सर्वे सहकर्मिणः त्‍वां नमस्‍कुर्वन्‍ति, ये विश्‍वासस्‍य कारणात्‌ अस्‍मान्‌ प्रेम कुर्वन्‍ति, तेभ्‍यः अपि नमः। भवत्‍सु सर्वेषु परमेश्‍वरस्‍य कृपा सर्वदा तिष्‍ठेत्‌।