Read Sanskrit फिलेमोनस्‍य नाम्‍नि साधोः पौलुसस्‍य पत्रम्‌ 1 Bible Online

फिलेमोनस्‍य नाम्‍नि साधोः पौलुसस्‍य पत्रम्‌ 1 - Sanskrit bible

फिलेमोनस्‍य नाम्‍नि साधोः पौलुसस्‍य पत्रम्‌ 1

¹अस्‍माकं प्रियभ्रात्रे सहयोगिने फिलेमोनाय, अस्‍माकं भगिन्‍यै अपफियायै, संघर्षे अस्‍माकं मित्राय अरखिप्‍पुसाय, भवतां गृहे एकत्रीभूतायाः कलीसियायाः नाम्‍नि येशोः मसीहस्‍य कारणात्‌ बन्‍धनेस्‍थितस्‍य पौलुसस्‍य, अस्‍माकं भ्रातुः तिमोथिनश्‍च पत्रम्‌।

³अस्‍माकं पिता परमेश्‍वरः, प्रभुः येशुः मसीहश्‍च भवद्‌भ्‍यः अनुग्रहं शान्‍तिं च दद्‌यात्‌।

⁴यदा-यदा अहं निजप्रार्थनायां भवतः स्‍मरयामि, तदा परमेश्‍वरं धन्‍यवादं ददामि,

⁵यतः प्रभुं येशुमसीहं, सर्वान्‌ सिद्धजनान्‌ प्रति च भवतः प्रेम्‍नः विश्‍वासस्‍य च चर्चां शृणोमि।

⁶मम प्रार्थना इयम्‌ अस्‍ति यत्‌ विश्‍वासे भवतः सहभागिता सक्रिया भवेत्‌, भवते च इदं ज्ञानं भवतु यत्‌ वयं मसीहाय कानि कानि सुकार्याणि कर्तुम्‌ समर्थाः स्‍मः।

⁷भ्रातः! माम्‌ इदं ज्ञात्‍वा अति आनन्‍दः अभवत्‌, सान्‍त्‍वना च प्राप्‍ता यत्‌ भवता स्‍व भ्रातृप्रेम्‍ना विश्‍वसिनां हृदयं हरितीकृतम्‌।

⁸अतः यद्यपि मह्‌यम्‌ भवन्‍तं स्‍वकर्तव्‍यस्‍य स्‍मरणं दापयितुं पूर्णः अधिकारः अस्‍ति,

⁹तथापि अहं भ्रातृप्रेम्‍नः नाम्‍नि भवन्‍तं प्रार्थयितुम्‌ अधिकम्‌ उचितम्‌ अवगच्‍छामि। अहं पौलुसः, यः वृद्धः अभवम्‌, इदानीं येशोः मसीहस्‍य कारणात्‌ बन्‍धने अपि अस्‍मि,

¹⁰उनेसिमुसस्‍य कृते भवन्‍तम्‌ प्रार्थयामि। सः मम मानसः पुत्रः अस्‍ति, यतः अहं कारागारे तस्‍य आध्‍यात्‍मिकः पिता अभवम्‌। पूर्वम्‌ भवते उनेसियुसेन कोऽपि विशेषः लाभः न अभवत्‌।

¹¹इदानीं सः भवते अपि ‘उपयोगी’ अभवत्‌ मह्यम्‌ अपि।

¹²अहं पुनः निजहृदयस्‍य खंडं तव समीपे प्रेषयामि।

¹³अहं यः शुभसमाचारस्‍य कारणात्‌ बन्‍दी अस्‍मि, इमम्‌ अत्र स्‍व पार्श्‍वे निविशितुम्‌ ऐच्‍छम्‌, येन सः तव सेवां न कृत्‍वा मम करोतु।

¹⁴परन्‍तु भवतः सहमत्‍या विना अहं किम्‌ अपि कर्तुम्‌ न ऐच्‍छम्‌, येन भवान्‌ इमम्‌ उपकारं दैन्‍यात्‌ नहि वरन्‌ स्‍वेच्‍छया करोतु।

¹⁵उनेसिमुसः कदाचित्‌ किंचित्‌ कालं यावत्‌ भवतः नीतः आसीत्‌, यत्‌ सः भवते सर्वदायै प्राप्‍तः भवेत्‌,

¹⁶इदानीं दासस्‍य रूपे नहि दासात्‌ अपि अधिकः अतिप्रियभ्रातुः रूपे। अयं मह्यम्‌ अतिप्रियः अस्‍ति, भवते कुत्रचित्‌ अधिकः मनुष्‍यस्‍य कारणात्‌।

¹⁷तदा इममपि तथैव अंगीकुर्यात्‌, यथा माम्‌।

¹⁸यदि भवन्‍तं अनेन काचित्‌ हानिः अभवत्‌, अस्‍मिन्‌ किंचित्‌ ऋणम्‌ अस्‍ति वा तदा मम व्‍यये लिखतु।

¹⁹अहं, पौलुसः स्‍वहस्‍तेन लिखामि, तत्‌ ऋणं भवते दास्‍यामि। किम्‌ अहं भवन्‍तं अस्‍य स्‍मरणं दापयेयम्‌ यत्‌ भवति अपि मम किंचित्‌ ऋणम्‌ अस्‍ति-भवान्‌ तु मम आत्‍मीयः एव अस्‍ति।

²⁰भ्रातः! प्रभोः नाम्‍नि मह्यम्‌ भवतः कश्‍चित्‌ लाभः भवितव्‍यः। भवान्‌ मसीहस्‍य कारणात्‌ मम हृदयं हरितीकरोतु।

²¹अहं इदं ज्ञात्‍वा भवतः आज्ञाकारितायां पूर्णाशया सह लिखामि, यत्‌ अहं यत्‌ प्रार्थये, भवान्‌ तस्‍मात्‌ अधिकं करिष्‍यति।

²²एकम्‌ अनुरोधम्‌ अधिकम्‌। भवान्‌ मम निवासस्‍य व्‍यवस्‍थां करोतु, यतः मम्‌ आशा अस्‍ति यत्‌ भवताम्‌ प्रार्थनानां फलस्‍वरूपं अहं पुनः भवद्‌भिः सह मेलनाय आगमिष्‍यामि।

²³येशोः मसीहस्‍य कारणात्‌ बन्‍दी इपफ्रासः,

²⁴मम सहयोगी मारकुसः, अरिस्‍तर्खुसः, देमासः, लूकसश्‍च त्‍वां नमस्‍कुर्वन्‍ति।

²⁵प्रभोः येशोः मसीहस्‍य कृपा भवति सर्वदा तिष्‍ठेत्‌।