Read Sanskrit इब्राणिनाम्‌ नाम्‍नि पत्रम्‌ 10 Bible Online

इब्राणिनाम्‌ नाम्‍नि पत्रम्‌ 10 - Sanskrit bible

इब्राणिनाम्‌ नाम्‍नि पत्रम्‌ 10

¹व्‍यवस्‍था भाविकल्‍याणस्‍य वास्‍तविका रूपा न भूत्‍वा, तस्‍य केवलं छायामात्रं दर्शयति। तस्‍याः नियमानाम्‌ अनुसारं प्रतिवर्षम्‌ एकस्‍याः विद्‌ध्‍याः एव बलयः अर्पयन्‍ते। व्‍यवस्‍था ताभिः बलिभिः आराधकान्‌ पूर्णतां यावत्‌ नेतुम्‌ असमर्था विद्‌यते।

²यदि सा अस्‍मिन्‌ समर्था अभविष्‍यत्‌, तदा बलिदानम्‌ समाप्‍तम्‌ अभविष्‍यत्‌, यतः तदानीम्‌ आराधकाः सर्वदायै शुद्धाः अभविष्‍यन्‌, तेषु च पापस्‍य ज्ञानमपि न अभविष्‍यत्‌।

³परन्‍तु इदानीं ताभिः बलिभिः प्रतिवर्षम्‌ पापानाम्‌ स्‍मरणं दापयते,

⁴वृषानाम्‌ अजानाम्‌ च रक्‍तं पापं हर्तुम्‌ समर्थम्‌ न अस्‍ति।

⁵अतः मसीहः संसारे आगत्‍य इदं वचनम्‌ अकथयत्‌ - “त्‍वया न तु यज्ञः इच्‍छितः न अर्पणम्‌ च, वरन्‌ त्‍वया मह्‌यम्‌ एकं शरीरं निर्मितम्‌।

⁶त्‍वं न तु हव्‍येन प्रसन्‍नः अभवः न प्रायश्‍चित्तस्‍य बल्‍या,

⁷अतएव मया कथितम्‌ - हे परमेश्‍वर! अहं तव इच्‍छां पूर्णकर्तुम्‌ आगच्‍छम्‌ यथा धर्मग्रन्‍थस्‍य कुण्‍डलपत्रे मम विषये लिखितमस्‍ति।”

⁸उपरोक्‍तस्‍य उद्धरणे मसीहेन कथितम्‌, “त्‍वं यज्ञस्‍य, अर्पणस्‍य, हव्‍यस्‍य, प्रायश्‍चित्तस्‍य वा बलिं न ऐच्‍छः। त्‍वं तैः प्रसन्‍नः न अभवः,” यद्यपि इमाः सर्वाः बलयः व्‍यवस्‍थायाः अनुसारमेव अर्पयन्‍ते।

⁹तदा सः अवदत्‌, “पश्‍य, अहं तव इच्‍छां पूरयितुम्‌ आगच्‍छम्‌।” इत्‍थं सः पूर्वव्‍यवस्‍थां निरस्‍त्‍य, अन्‍यायाः प्रवर्तनं करोति।

¹⁰येशोः मसीहस्‍य शरीरस्‍य सकृत्‌ एव अर्पणात्‌ कारणात्‌ वयं परमेश्‍वरस्‍य इच्‍छायाः अनुसारं पवित्राः कृताः स्‍मः।

¹¹प्रत्‍येकः पुरोहितः उत्‍थाय प्रतिदिनं धर्मानुष्‍ठानं करोति, पुनः पुनश्‍च एकप्रकारस्‍य बलिदानम्‌ अर्पयति, यत्‌ पापं हर्तुम्‌ सदैव असमर्थम्‌ भवति।

¹²परन्‍तु पापेभ्‍यः एकस्‍य बलिदानस्‍य अर्पणस्‍य पश्‍चात्‌, मसीहः सर्वदायै परमेश्‍वरस्‍य वामेतरे विराजमानः अभवत्‌,

¹³यत्र सः तस्‍य समयस्‍य प्रतीक्षते, यदा तस्‍य शत्रून्‌ तस्‍य पादपीठिकाः निर्मिष्‍यन्‍ते,

¹⁴सः यान्‌ जनान्‌ पवित्रं कुर्वन्‍ति, तान्‌ एकेन बलिदानेन सर्वदायै पूर्णतां यावत्‌ अनयत्‌।

¹⁵अस्‍मिन्‌ संबंधे पवित्रात्‍मनः साक्ष्‍यः अपि अस्‍माकं पार्श्‍वे अस्‍ति, यतः धर्मग्रन्‍थे प्रभोः अस्‍य कथनस्‍य पश्‍चात्‌ यत्‌

¹⁶“समये आगते सति अहम्‌ तेभ्‍यः इदं विधानं निर्धारितं करिष्‍यामि।” प्रभुः वदति “अहम्‌ स्‍वनियमम्‌ तेषाम्‌ हृदये स्‍थापयिष्‍यामि, अहम्‌ तान्‌ तेषाम्‌ मनसि अंकितं करिष्‍यामि -

¹⁷अहं तेषां पापानाम्‌ अपराधानाम्‌ च स्‍मरणमपि न करिष्‍यामि।”

¹⁸यदा पापाः अक्षमयन्‍त, तदा पुनः पापाय बलिदानस्‍य आवश्‍यकता न भवति।

¹⁹भ्रातरः! स्‍वसारश्‍च! मसीहस्‍य रक्‍तम्‌ अस्‍मभ्‍यम्‌ निर्भयभूत्‍वा पवित्रस्‍थाने प्रवेशस्‍य आश्‍वासनं ददाति।

²⁰तेन अस्‍मभ्‍यम्‌ एकः नवीनः जीवन्‍तमार्गंः उद्‌घाटितः, यः तस्‍य देहस्‍य जवनिकया भूत्‍वा गच्‍छति।

²¹इदानीम्‌ अस्‍मभ्‍यम्‌ महान्‌ पुरोहितः प्राप्‍तः, यः परमेश्‍वरस्‍य भवने नियुक्‍तः अस्‍ति।

²²अतएव वयम्‌ अस्‍माकं हृदयानि पापस्‍य दोषात्‌ मुक्‍त्‍वा, स्‍व शरीराणि स्‍वच्‍छजलेन प्रच्‍छालयित्‍वा निष्‍कपटहृदयेन परिपूर्णविश्‍वासेन सह च परमेश्‍वरस्‍य समीपे गच्‍छेम।

²³वयं स्‍व आशायाः साक्ष्‍यं दानाय स्‍थिराः दृढ़ाश्‍च भवेम, यतः यः अस्‍मभ्‍यम्‌ वचनं दत्तवान्‌, सः विश्‍वसनीयः अस्‍ति।

²⁴अस्‍माभिः अस्‍य वचनस्‍य ध्‍यानं कर्तव्‍यम्‌, यत्‌ वयं कथं भ्रातृप्रेम्‍नः परोपकाराय च परस्‍परं प्रोत्‍साहनं दातुं समर्थाः स्‍मः।

²⁵अस्‍माभिः भ्रातॄणाम्‌ सभायाः पृथकाः न स्‍थातव्‍याः यथा केचित्‌ जनाः कुर्वन्‍ति, वरन्‌ अस्‍माभिः परस्‍परं धर्यं दातव्‍यम्‌। यदा भवन्‍तः तस्‍य दिनस्‍य अन्‍तिकम्‌ आगच्‍छन्‍तः पश्‍यन्‍ति तदा ईदृशम्‌ आचरणम्‌ अधिकावश्‍यकं भवति।

²⁶यतः सत्‍यस्‍य ज्ञानस्‍य पश्‍चात्‌ अपि यदि वयं जानन्‍तः दुष्‍कर्मं कुर्मः, तदा पापेभ्‍यः किमपि बलिदानं न भवति,

²⁷एका भयावहा आशंका एव तिष्‍ठति - न्‍यायस्‍य एकस्‍य भीषणस्‍य अग्‍नेः च, यः शत्रून्‌ गर्तुम्‌ इच्‍छति।

²⁸यः व्‍यक्‍तिः मूसासंहितायाः उल्‍लंघनं करोति, यदि तस्‍मै द्वयोः त्रयाणां वा साक्ष्‍यानाम्‌ आधारे निर्ममतया प्राणदंडः दीयते,

²⁹तदा भवन्‍तु विचारयन्‍तु यत्‌ यः जनः परमेश्‍वरस्‍य तिरस्‍कारं करोति, विधानस्‍य तत्‌ रक्‍तं तृणवत्‌ मन्‍यते; येन तस्‍य पवित्रीकरणम्‌ अभवत्‌, अनुग्रहस्‍य आत्‍मनः अपमानं करोति, ईदृशं व्‍यक्‍तिं कुत्रचित्‌ घोरतरस्‍य दंडस्‍य योग्‍यः मंस्‍यते; यतः वयं जानीमः केन कथितम्‌ - प्रतिशोधः मम अधिकारः अस्‍ति, अहमेव प्रतिशोधं ग्रहीष्‍यामि। पुनश्‍च-प्रभुः स्‍व प्रजायाः न्‍यायं करिष्‍यति।

³¹जीवन्‍तस्‍य परमेश्‍वरस्‍य हस्‍ते पतनम्‌ कियत्‌ वीभत्‍सं वचनम्‌ अस्‍ति।

³²भवन्‍तः पूर्वदिनानां स्‍मरन्‍तु, यदा भवन्‍तः ज्‍योतेः प्राप्‍तेः पश्‍चात्‌ शीघ्रम्‌ एव दुःखानाम्‌ घोर संघर्षम्‌ कुर्वन्‍तः दृढ़ाः अतिष्‍ठन्‌।

³³भवत्‍सु केचित्‌ सर्वेषां समक्षे अपमानम्‌ अत्‍याचारं च असहन्‍त, केचित्‌ ईदृश्‍याम्‌ स्‍थित्‍याम्‌ स्‍थितानां जनानाम्‌ भागिनः अभवन्‌।

³⁴ये बन्‍दिनः कृताः, भवन्‍तः तेषां कष्‍टानां सहभागिनः अभवन्‌, यदा भवतां धनसम्‍पत्‍यः गृहीतानि, भवद्‌भिः सहर्षम्‌ स्‍वीकृतम्‌, यतः भवन्‍तः जानन्‍ति स्‍म यत्‌ अस्‍याः अपि उत्तमतरा चिरस्‍थायी च सम्‍पत्तिः भवतां पार्श्‍वे विद्यमाना अस्‍ति।

³⁵अतएव भवद्‌भिः आशा न त्‍यजनीया - अस्‍य पुरस्‍कारः महान्‌ अस्‍ति।

³⁶भवद्‌भ्‍यः धैर्यस्‍य आवश्‍यकता अस्‍ति, येन परमेश्‍वरस्‍य इच्‍छायाः पूर्णतायाः पश्‍चात्‌ भवद्‌भ्‍यः लभेत, यस्‍य प्रतिज्ञां परमेश्‍वरः कृतवान्‌ यतः

³⁷धर्मग्रन्‍थः ईदृशम्‌ कथयति-“यः आगन्‍तुकः अस्‍ति, सः अल्‍पावधौ एव आगमिष्‍यति, सः न चिरयिष्‍यति।

³⁸मम धार्मिकः भक्‍तः स्‍व विश्‍वासस्‍य कारणात्‌ जीवनं लप्‍स्‍यते, यदि कोऽपि विपरीतं गमिष्‍यति - तदा अहं तस्‍मिन्‌ प्रसन्‍नः न भविष्‍यामि।”

³⁹वयं तेषु न स्‍मः ये विपरीतगमनात्‌ अधः पतन्‍ति, वरन्‌ तेषु स्‍मः ये स्‍व विश्‍वासेन जीवनं प्राप्‍नुवन्‍ति।