Read Sanskrit इब्राणिनाम्‌ नाम्‍नि पत्रम्‌ 12 Bible Online

इब्राणिनाम्‌ नाम्‍नि पत्रम्‌ 12 - Sanskrit bible

इब्राणिनाम्‌ नाम्‍नि पत्रम्‌ 12

¹यदि विश्‍वासस्‍य साक्षिणः अस्‍मान्‌ परितः विद्‌यमानाः सन्‍ति, तदा वयं सर्वप्रकारस्‍य अवरोधम्‌ दूरीकृत्‍य, तं पापं त्‍यक्‍त्‍वा धर्येण सह धावने अग्रे गच्‍छेम, यस्‍मिन्‌ अस्‍माकं नाम लिखितम्‌ अस्‍ति।

²येशुः अस्‍माकं विश्‍वासस्‍य प्रवर्तकः सिद्धिकर्ता च अस्‍ति। तेन भविष्‍यस्‍य आनन्‍दाय क्रूसस्‍य कष्‍टः स्‍वीकृतः, तस्‍य कलंकस्‍य चिन्‍ता न कृता। इदानीं सः परमेश्‍वरस्‍य सिंहासनस्‍य दक्षिणे विराजमानः अस्‍ति।

³कुत्रचित्‌ इत्‍थं न भवेत्‌ यत्‌ भवन्‍तः निरुत्‍साहाः भूत्‍वा धर्यात्‌ च्‍युताः भवन्‍तु, अतएव भवन्‍तः तेषां स्‍मरणं कुर्वन्‍तु, यः पापिनाम्‌ एतावत्‌ अत्‍याचारम्‌ असहत।

⁴इदानीं यावत्‌ भवन्‍तः पापात्‌ संघर्षकरणे स्‍वरक्‍तं न अवाहयन्‌।

⁵किं भवदभिः धर्मग्रन्‍थस्‍य इदं प्रबोधनम्‌ विस्‍मृतम्‌ - यस्‍मिन्‌ परमेश्‍वरः भवतः स्‍वसन्‍तानम्‌ कथयित्‍वा संबोधयति- मम पुत्र! प्रभोः अनुशासनस्‍य उपेक्षां मा कुरु तस्‍य कठोरवचनेषु संहनशीलः भव।

⁶यतः प्रभुः यं लाडयति, तस्‍मै दण्‍डं ददाति। यं पुत्रं मन्‍यते तं कशैः ताडयति।

⁷भवन्‍तः यत्‌ कष्‍टं सहन्‍ते तत्‌ पितुः दण्‍डं मन्‍यन्‍ताम्‌, यतः तत्‌ अस्‍य प्रमाणमस्‍ति, यत्‌ परमेश्‍वरः भवतः पुत्राः इति मत्‍वा भवद्‌भिः सह व्‍यवहरति। के पुत्राः ईदृशाः सन्‍ति यान्‌ पितरौ न दंडयतः?

⁸यदि भवद्‌भ्‍यः अन्‍यपुत्राणाम्‌ इव दण्‍डः न दीयते तदा भवन्‍तः औरसपुत्राः न भूत्‍वा जारजाः सन्‍तानाः सन्‍ति।

⁹अस्‍माकं पार्थिवः पिता अस्‍मभ्‍यम्‌ दण्‍डम्‌ अददात्‌, वयं तस्‍य सम्‍मानम्‌ अकुर्म च, तदा अस्‍माभिः अधिकतत्‍परतया स्‍व आत्‍मिकपितुः अधीनता स्‍वीकरणीया, येन अस्‍मभ्‍यम्‌ जीवनं मिलितु।

¹⁰सः स्‍व बुद्धेः अनुसारम्‌ अस्‍मै अल्‍पकालिकजीवनाय, अस्‍मान्‌ सज्‍जीकृताय अदंडयत्‌। परमेश्‍वरः अस्‍माकं कल्‍याणाय एवं करोति, यतः सः अस्‍मान्‌ स्‍व पवित्रतायाः सहभागिनः कर्तुम्‌ इच्‍छति।

¹¹यदा दण्‍डः मिलति, तदा सः सुखदः न अस्‍ति, दुःखद प्रतीयते, किन्‍तु ये दण्‍डेन प्रशिक्षिताः भवन्‍ति, ते तत्‍पश्‍चात्‌ धार्मिकतायाः शान्‍तिप्रदं फलं प्राप्‍नुवन्‍ति।

¹²अतएव बलहीनौ हस्‍तौ जानुनी च सबलौ कुर्वन्‍तु,

¹³ऋजुपथे अग्रे गच्‍छन्‍तु, येन खत्र्जपादौ न त्रुटेताम्‌, वरन्‌ स्‍वस्‍थौ भवेताम्‌।

¹⁴सर्वैः सह शान्‍तिं स्‍थापयन्‍तु, पवित्रतायाः साधनां कुर्वन्‍तु। अनेन विना कोऽपि परमेश्‍वरस्‍य दर्शनं कर्तुम्‌ न शक्ष्‍यति।

¹⁵भवन्‍तः सावधानेन सह स्‍थातव्‍यम्‌-कोऽपि जनः परमेश्‍वरस्‍य कृपायाः वंचितः न भवेत्‌। कश्‍चित्‌ ईदृशः तिक्‍तः हानिकरश्‍च बालपादपः न वर्धेत, यः समस्‍तं समुदायं दूषयेत्‌।

¹⁶भवत्‍सु न तु कश्‍चित्‌ व्‍यभिचारी भवेत्‌, न एसावस्‍य सदृशः कश्‍चितः नास्‍तिकः; यः एकाय एव भोजनाय स्‍व ज्‍येष्‍ठस्‍य अधिकारं बिक्रीतवान्‌।

¹⁷भवन्‍तः जानन्‍ति यत्‌ तदनन्‍तरं सः स्‍वपितुः आशिषं प्राप्‍तुम्‌ ऐच्‍छत्‌, परन्‍तु सः अयोग्‍यः अमन्‍यत। यद्यपि सः रुदन्‌ अस्‍मै आग्रहं कृतवान्‌ तथापि सः स्‍वपितुः मनः परिवर्तनं कर्तुम्‌ न अशक्‍नोत्‌।

¹⁸भवन्‍तः ईदृशस्‍य स्‍थूलपर्वतस्‍य समीपे न आगतवन्‍तः, यस्‍य स्‍पर्शम्‌ कर्तुम्‌ शक्‍नुवन्‍ति। अत्र न तु सीनईपर्वतस्‍य ज्‍वलन्‌ अग्‍निः विद्‌यते न तु श्‍याममेघाः, न तिमिरान्‍धकारः, न ववण्‍डरः

¹⁹न तूर्यस्‍य निनादः, न वक्‍तुः ईदृशी वाणी यां श्रुत्‍वा इस्राएलिनः विनयम्‌ अकुर्वन्‌ यत्‌ सा अस्‍मान्‌ किमपि न वदतु;

²⁰यतः ते अनेन आदेशेन अबिभयुः-“यदि पशुः अपि अस्‍य पर्वतस्‍य स्‍पर्शम्‌ करिष्‍यति, सः अपि पाषाणैः हनिष्‍यते।”

²¹सः दृश्‍यः ईदृशः लोमहर्षकः आसीत्‌, यत्‌ मूसा अवदत्‌ - “अहं भयेन कम्‍पे।”

²²भवन्‍तः सियोनपर्वतम्‌, जीवन्‍तपरमेश्‍वरस्‍य नगरं स्‍वर्गिकस्‍य येरुसलेमस्‍य समीपे आगच्‍छन्‌, यत्र लक्षं स्‍वर्गदूताः, आनन्‍दस्‍य उत्‍सवम्‌ अभिनन्‍दन्‍ति, यत्र

²³स्‍वर्गस्‍य प्रथमजन्‍मसिद्धानाम्‌ नागरिकानाम्‌ आनन्‍दमयः समुदायः, सर्वेषां न्‍यायकर्ता परमेश्‍वरः, धर्मिणां पूर्णताप्राप्‍ताः आत्‍मानः,

²⁴नूतनविधानस्‍य मध्‍यस्‍थः येशुः विराजमानः अस्‍ति, यस्‍य प्रोक्षणम्‌ रक्‍तं हाबिलस्‍य रक्‍तात्‌ अधिकतरम्‌ कल्‍याणकारी अस्‍ति।

²⁵भवन्‍तः अवहिताः भूत्‍वा वक्‍तुः वचनं शृण्‍वन्‍तु। ये भुवि प्रबोधनं दातुः वाणीं शृण्‍वन्‍तः अपि न अशृण्‍वन्‌, यदि ते न सुरक्षिताः तदा वयं कथं सुरिक्षताः भविष्‍यामः, यदि वयं स्‍वर्गात्‌ प्रबोधनं दातुः वाणीं न श्रोष्‍यामः?

²⁶तस्‍मिन्‌ समये तस्‍य वाण्‍याः पृथ्‍वी अकम्‍पत, परन्‍तु इदानीं सा घोषयति-अहम्‌ एकवारं न केवलं भुवम्‌, वरन्‌ स्‍वर्गमपि कम्‍पिष्‍ये।

²⁷“एकवारं पुनश्‍च,” एतैः शब्‍दैः अयं संकेतः प्राप्‍यते, यत्‌ सृष्‍टेः यानि वस्‍तूनि कम्‍पिष्‍यन्‍ते, तानि नशिष्‍यन्‍ति, यानि न कम्‍पिष्‍यन्‍ते, तानि सुरक्षितानि भविष्‍यन्‍ति।

²⁸अस्‍मभ्‍यं यं राज्‍यं प्राप्‍तम्‌, तत्‌ न कम्‍पिष्‍यते, अतः अस्‍माभिः परमेश्‍वरः धन्‍यवादः दातव्‍यः, तस्‍य इच्‍छानुसारं भक्‍त्‍या श्रद्‌धया सह सेवामहै;

²⁹यतः अस्‍माकम्‌ परमेश्‍वरः भस्‍मकर्ता अग्‍निः अस्‍ति।