Read Sanskrit इब्राणिनाम्‌ नाम्‍नि पत्रम्‌ 13 Bible Online

इब्राणिनाम्‌ नाम्‍नि पत्रम्‌ 13 - Sanskrit bible

इब्राणिनाम्‌ नाम्‍नि पत्रम्‌ 13

¹भवताम्‌ भातृप्रेम सर्वदा तिष्‍ठतु।

²भवन्‍तः आतिथ्‍यसत्‍कारं न विस्‍मरन्‍तु, यतः अस्‍मात्‌ कारणात्‌ केचित्‌ अज्ञाने एव स्‍वर्गदूतानां स्‍वगृहे सत्‍कारं कृतवन्‍तः।

³भवन्‍तः बन्‍दिनाम्‌ ईदृशं स्‍मरन्‍तु, यथा भवन्‍तश्‍च अपि तैः सह बन्‍दिनः सन्‍ति, येषु अत्‍याचारः भवति, तेषाम्‌ अपि स्‍मरन्‍तु; यत्‌ भवत्‍सु अपि अत्‍याचारस्‍य संभावना भवति।

⁴भवत्‍सु विवाहः सम्‍मानितः, दाम्‍पत्‍यजीवनम्‌ च अदूषितं भवेत्‌; यतः परमेश्‍वरः लम्‍पटानां व्‍यभिचाराणां च न्‍यायं करिष्‍यति।

⁵भवन्‍तः धनस्‍य लोभं न कुर्वन्‍तु, यत्‌ भवताम्‌ पार्श्‍वे अस्‍ति, तेन संतुष्‍टाः भवन्‍तु, यतः परमेश्‍वरेण स्‍वयं कथितम्‌ - “अहं त्‍वां कदापि न मोक्ष्‍यामि, अहं त्‍वां कदापि न त्‍यक्ष्‍यामि।”

⁶अतएव वयं विश्‍वस्‍ताः भूत्‍वा वक्‍तुं शक्‍नुमः - “प्रभुः मम साहाय्‍यं करोति। मनुष्‍यः मम किम्‌ कर्तुम्‌ शक्‍नोति? अहं न भेष्‍यामि।”

⁷भवताम्‌ हृदयेषु तेषां नेतॄणां स्‍मृतिः सर्वदा तिष्‍ठतु, ये भवतः परमेश्‍वरस्‍य संदेशम्‌ अश्रावयन्‌, तेषाम्‌ आचरणस्‍य सुखदपरिणामस्‍य मननं कुर्वन्‍तः तेषां विश्‍वासस्‍य अनुकरणं कुर्वन्‍तु।

⁸येशुः मसीहः एकरूपः तिष्‍ठति, ह्‌यः, अद्‌यः, अनन्‍तकालं यावत्‌।

⁹विभिन्‍नप्रकारस्‍य विचित्रसिद्धान्‍तानाम्‌ आकर्षणे मा भवन्‍तु। इदम्‌ उत्तमम्‌ अस्‍ति, यत्‌ अस्‍माकं मनः भोजनेन न परन्‍तु परमेश्‍वरस्‍य कृपया बलम्‌ आप्‍नोतु। भोजनसंबंधिनाम्‌ नियमानाम्‌ पालनं कर्तृभ्‍यः एभिः कदापि कोऽपि लाभः न अभवत्‌।

¹⁰अस्‍माकमपि एका वेदी अस्‍ति। ये सांसारिकपटमंडपे उपासनां कुर्वन्‍ति, तेभ्‍यः अस्‍याः वेदिकायाः भोक्‍तुम्‌ अधिकारः नास्‍ति।

¹¹महापुरोहितः येषां बलिपशुनां रक्‍तं प्रायश्‍चित्तरूपे गर्भगृहं नयति, तेषां शरीराणि शिविरस्‍य बहिः दाहयन्‍ते।

¹²तथैव स्‍वरक्‍तेन जनताः पवित्रं कर्तुम्‌, येशुः द्वारस्‍य बहिः दुःखम्‌ असहत।

¹³अतः वयं तस्‍य अपमानस्‍य भारं वोढन्‍तः, शिविरस्‍य बहिः तस्‍य समीपे गच्‍छेम, यतः अस्‍यां भुवि अस्‍माकं स्‍थायीनगरं न अस्‍ति। वयं तु भविष्‍यस्‍य नगरस्‍य अनुवेषणे स्‍मः।

¹⁵वयं येशुमसीहेन परमेश्‍वरस्‍य स्‍तुतेः बलिदानम्‌, अर्थात्‌ तस्‍य नाम्‍नः महिमानं कर्तॄणि अधरयोः फलं निरन्‍तरं अर्पणाय इच्‍छामः।

¹⁶भवन्‍तः परोपकारं, मिथः साहाय्‍यं कर्तुम्‌ कदापि न विस्‍मरन्‍तु, यतः अस्‍य प्रकारस्‍य अर्पणं परमेश्‍वराय रोचते।

¹⁷भवतां नेतॄणि निरन्‍तरम्‌ अहोरात्रम्‌ भवताम्‌ आध्‍यात्‍मिकस्‍य हितस्‍य चिन्‍ता भवति, यतः ते अस्‍मै उत्तरदायिनः भवन्‍ति। अतः तेषाम्‌ आज्ञायाः पालनं कुर्वन्‍तु, तेषाम्‌ अधीने तिष्‍ठन्‍तु, येन ते स्‍वकर्तव्‍यम्‌ आनन्‍देन सह, दुःखिनः भवन्‍तः न, पूर्णकर्तुम्‌ समर्थाः भवन्‍तु; यतः अनेन भवन्‍तं कोऽपि लाभः न भविष्‍यति।

¹⁸भवन्‍तः मह्‌यम्‌ प्रार्थयन्‍तु। माम्‌ आशा अस्‍ति यत्‌ मम आचरणं शुद्धमस्‍ति, यतः प्रत्‍येकपरिस्‍थितौ उचिताचरणं कर्तुम्‌ इच्‍छामि।

¹⁹अहं विशेषरूपे भवद्‌भ्‍यः प्रार्थनायाः आग्रहं करोमि यत्‌ अहं शीघ्रमेव भवतां समीपे आगच्‍छेयम्‌।

²⁰शान्‍तेः परमेश्‍वरः यः शाश्‍वतविधानस्‍य रक्‍तेण मेषानां महानमेषपालकम्‌ अस्‍माकम्‌ प्रभुम्‌ येशुमसीहं मृतकेषु पुनर्जीवितवान्‌,

²¹भवतः समस्‍तगुणैः सम्‍पन्‍नं कुर्यात्‌, येन भवन्‍तः तस्‍य इच्‍छां पूरयन्‍तु। सः येशोमसीहे अस्‍मासु तत्‌ कार्यम्‌ पूरयतु, यत्‌ तस्‍मै रोचते। तस्‍मै परमेश्‍वराय अनन्‍तकालं यावत्‌ महिमा। आमेन।

²²भ्रातरः! स्‍वसारश्‍च ! अहम्‌ अनुरोधयामि यत्‌ मम उपदेशस्‍य भवन्‍तः धर्येण सह स्‍वागतं कुर्वन्‍तु। मया संक्षेपे एव इदं पत्रं लिखितम्‌।

²³अहं भवद्‌भ्‍यः एकं समाचारं श्रावयामि। अस्‍माकं भ्राता तिमोथी बन्‍धनमुक्‍तः कृतः। समये आगते सति तेन सह, भवद्‌भिः सह मेलनाय अहम्‌ आगमिष्‍यामि।

²⁴भवतां सर्वेभ्‍यः नेतृभ्‍यः, सर्वेभ्‍यः सिद्धपुरुषेभ्‍यश्‍च नमः। इटलीदेशस्‍य भ्रातरः स्‍वसारश्‍च युष्‍मान्‌ नमस्‍कुर्वन्‍ति।

²⁵भवत्‍सु सर्वेषु कृपा सदैव तिष्‍ठतु।