Read Sanskrit इब्राणिनाम्‌ नाम्‍नि पत्रम्‌ 3 Bible Online

इब्राणिनाम्‌ नाम्‍नि पत्रम्‌ 3 - Sanskrit bible

इब्राणिनाम्‌ नाम्‍नि पत्रम्‌ 3

¹भ्रातरः! स्‍वसारः! च भवन्‍तः पवित्राः सन्‍ति। एकस्‍य स्‍वर्गीयस्‍य आह्‌वानस्‍य सहभागिनः सन्‍ति, अतः भवन्‍तः अस्‍माकं विश्‍वासस्‍य प्रवर्तके प्रधानयाजके च येशौमसीहे विचारयन्‍तु।

²यथा मूसाः परमेश्‍वरस्‍य परिवारस्‍य सर्वेषु कार्येषु निष्‍कपटः आसीत्‌, तथैव येशुः मसीहः अपि परमेश्‍वरं प्रति निष्‍कपटः आसीत्‌, यः तं नियुक्‍तवान्‌।

³गृहस्‍य अपेक्षाकृतः गृहस्‍य निर्माता सम्‍मानस्‍य अर्हतरः। तथा एव मूसामहोदयात्‌ अपेक्षाकृतः येशुः मसीहः सम्‍मानस्‍य योग्‍यः वर्तते।

⁴यतः प्रत्‍येकं गृहं केनापि निर्मीयते, परन्‍तु परमेश्‍वरः सर्वेषां वस्‍तूनां निर्माता विद्‌यते।

⁵मूसामहाशयः तु परमेश्‍वरस्‍य परिवारस्‍य सर्वेषु कार्येषु निष्‍कपटः आसीत्‌, किन्‍तु सेवकस्‍य रूपे भविष्‍ये परमेश्‍वरस्‍य संदेशस्‍य विषये साक्ष्‍यं दातुम्‌-

⁶परन्‍तु मसीहः परमेश्‍वरस्‍य परिवारस्‍य अध्‍यक्षः भूत्‍वा पुत्रस्‍य रूपे निष्‍कपटः आसीत्‌। परमेश्‍वरस्‍य परिवाराः वयं स्‍मः, बशर्ते वयम्‌ अन्‍तं यावत्‌ ताम्‌ आशाम्‌ अक्षुण्‍णां स्‍थापस्‍यामः, यस्‍यां वयं गौरवं कुर्मः।

⁷अतएव भवान्‌ पवित्रात्‍मनः अस्‍मिन्‌ वचने ध्‍यायतु - “ओह! यदि त्‍वं “अद्‌यः” तस्‍य इमां वाणीं शृणु,

⁸स्‍वहृदयं कठोरं मा कुरु, यथा पूर्वम्‌ विद्रोहस्‍य समये, अभवत्‌। तस्‍मिन्‌ दिने मरुभूमौ तव पूर्वजाः मदीय परीक्षां गृहीतवन्‍तः,

⁹ते तत्र मम आह्‌वानम्‌ अकुर्वन्‌, यद्यपि चत्‍वारिंशत्‌ वर्षाणि यावत्‌ तैः मम कार्याणि दृष्‍टाणि ।

¹⁰अतःअहम्‌ तस्‍यां वंशावल्‍याम्‌ अप्रसन्‍नः अभवम्‌ मया कथितम्‌ च-“तेषां हृदयानि इतस्‍ततः विचरन्‍ति ते मदीय मार्गम्‌ ज्ञातुं न इच्‍छन्‍ति।

¹¹मया क्रुद्धः भूत्‍वा शपथः गृहीतः, ते मम विश्रामस्‍थाने न प्रविष्‍यन्‍ति।”

¹²भ्रातरः! स्‍वसारश्‍च! भवन्‍तः अवहिताः तिष्‍ठन्‍तु। भवत्‍सु कस्‍यचित्‌ मनसि एतावत्‌ अपकारः अविश्‍वासश्‍च न भवेत्‌ यत्‌ सः जीवन्‍तात्‌ परमेश्‍वरात्‌ विमुखः भवेत्‌।

¹³यावत्‌ सः “अद्यः” विद्यमानः वर्तते, भवन्‍तः प्रतिदिनं परस्‍परं प्रोत्‍साहनं ददतु, येन कोऽपि पापस्‍य पाशे पतित्‍वा कर्कशः न भवेत्‌।

¹⁴वयं तु मसीहस्‍य भागिनः अभवाम, शर्तः तु अस्‍ति अस्‍माकं निजप्रारम्‍भिकः विश्‍वासः अन्‍तिमक्षणं यावत्‌ अक्षुण्‍णः भवितव्‍यः।

¹⁵धर्मग्रन्‍थः कथयति - ओह! यदि त्‍वम्‌ अद्‌यः तस्‍य इमां वाणीं शृणु, स्‍व हृदयं कठोरं मा कुरु, यथा पूर्वम्‌ विद्रोहसमये अभवत्‌।”

¹⁶ये वाणीं श्रुत्‍वा विद्रोहं कृतवन्‍तः, ते के आसन्‌? निश्‍चयम्‌ एव ते सर्वे जनाः, ये मूसामहाशयस्‍य नेतृत्‍वे मिश्रदेशात्‌ बहिः आगतवन्‍तः।

¹⁷परमेश्‍वरः चत्‍वारिंशत्‌ वर्षाणि यावत्‌ केषु जनेषु अप्रसन्‍नः आसीत्‌? निश्‍चयम्‌ एव तेषु जनेषु ये पापं कृतवन्‍तः, ये मरुभूमौ अम्रियन्‍त।

¹⁸सः केषां विषये शपथं गृहीत्‍वा अवदत्‌ - ते मम विश्रामस्‍थाने न प्रविष्‍यन्‍ति? निश्‍चयम्‌ एव तेषां विषये, ये विश्‍वासं कर्तुम्‌ अस्‍वीकारं कृतवन्‍तः।

¹⁹इत्‍थम्‌ वयं पश्‍यामः यत्‌ ते जनाः अविश्‍वासस्‍य कारणात्‌ प्रवेशं कर्तुम्‌ न अशक्‍नुवन्‌।