Read Sanskrit इब्राणिनाम्‌ नाम्‍नि पत्रम्‌ 4 Bible Online

इब्राणिनाम्‌ नाम्‍नि पत्रम्‌ 4 - Sanskrit bible

इब्राणिनाम्‌ नाम्‍नि पत्रम्‌ 4

¹परमेश्‍वरस्‍य विश्रामस्‍थाने प्रवेशस्‍य सा प्रतिज्ञा इदानीं यावत्‌ विद्‌यते, अतः वयं अवहिताः तिष्‍ठेम यत्‌ भवत्‍सु कोऽपि तस्‍मात्‌ प्रवेशात्‌ वंचितः न भवेत्‌।

²अस्‍मभ्‍यम्‌ तेषां जनानाम्‌ इव एकः मंगलमयः शुभसमाचारः अश्रावयत। ते यं सन्‍देशम्‌ अशृण्‍वन्‌, तेभ्‍यः तेन कोऽपि लाभः न अभवत्‌, यतः श्रोतृषु विश्‍वासस्‍य अभावः आसीत्‌।

³वयं चेत्‌ विश्‍वासिनः अभवाम, तदा तस्‍मिन्‌ विश्रामस्‍थाने प्रविशामः, यस्‍य विषये तेन कथितम्‌ - “मया क्रुद्धः भूत्‍वा अयं शपथः गृहीतः, इमे मदीय विश्रामस्‍थाने न प्रविष्‍यन्‍ति।” परमेश्‍वरस्‍य कार्यम्‌ तु संसारस्‍य सृष्‍टेः समये एव समाप्‍तम्‌,

⁴यतः धर्मग्रन्‍थः सप्‍तमदिवसस्‍य विषये कथयति - “परमेश्‍वरेण निजसमस्‍तं कार्यम्‌ पूरयित्‍वा सप्‍तमदिवसे विश्रामः कृतः।” उपर्युक्‍ते उद्‌धरणे 5वयं पठामः - “इमे विश्रामस्‍थाने न प्रविष्‍यन्‍ति।”

⁶अयं निश्‍चितः अस्‍ति यत्‌ केचित्‌ जनाः प्रविष्‍यन्‍ति, परन्‍तु येभ्‍यः प्रथमम्‌ अयं शुभसमाचारः अश्रावयत, ते अवज्ञायाः कारणात्‌ प्रवेशं न लब्‍धवन्‍तः।

⁷अतः परमेश्‍वरः एकं द्वितीयं दिनं निश्‍चयं कृत्‍वा बहूनाम्‌ वर्षाणाम्‌ पश्‍चात्‌ दाऊदस्‍य मुखात्‌ उपर्युक्‍तं शब्‍दं कथयति - ओह! चेत्‌ त्‍वम्‌ “अद्‌यः” तस्‍य इमां वाणीं शृणु, स्‍वहृदयं कठोरं मा कुरु।

⁸चेत्‌ “यहोशुवाः तान्‌ विश्रामस्‍थाने अनेष्‍यत्‌ तदा परमेश्‍वरः, पश्‍चाते अन्‍यस्‍य दिनस्‍य चर्चाम्‌ न अकरिष्‍यत्‌।

⁹अतएव इदानीम्‌ अपि परमेश्‍वरस्‍य प्रजायै एकं विश्रामस्‍थानं निर्मितम्‌ अस्‍ति।

¹⁰यः तस्‍मिन्‌ विश्रामस्‍थाने प्रवेशयति सः निजकार्यम्‌ समाप्‍य तथैव विश्राम्‍यति यथा परमेश्‍वरेण स्‍वकार्यम्‌ समाप्‍य विश्रामः कृतः।

¹¹अतएव अस्‍माभिः विश्रामस्‍थाने प्रवेशकर्तुम्‌ पूर्णचेष्‍टा करणीया, येन कोऽपि तेषाम्‌ अवज्ञायाः अनुसरणं कुर्वन्‌ तस्‍मात्‌ वंचितः न भवेत्‌।

¹²यतः परमेश्‍वरस्‍य वचनं जीवन्‍तं, सशक्‍तं, कस्‍मैचित्‌ अपि तीक्ष्‍णेः असेः अपि तीक्ष्‍णतरम्‌ अस्‍ति। तत्‌ अस्‍माकम्‌ आत्‍मनः अन्‍तरतमं यावत्‌ गत्‍वा अस्‍माकं मनसः भावान्‌, विचारान्‌ च प्रकटयति।

¹³तस्‍मै किंचित्‌ अपि गुह्‌यं न अस्‍ति। तस्‍य नेत्रयोः समक्षे सर्वम्‌ अनावृत्तम्‌ प्रकटीकृतं च विद्यते। वयं तस्‍मै एव गणनां दास्‍यामः।

¹⁴अस्‍माकं आत्‍मीयः एकः महान्‌ महापुरोहितः अस्‍ति, परमेश्‍वरस्‍य पुत्रः येशुः मसीहः यः ऊर्ध्‍वलोकम्‌ अलंघयत्‌, अतएव वयं निजविश्‍वासे सुदृढ़ाः भवेम।

¹⁵अस्‍माकं महापुरोहितः अस्‍माकं दुर्बलतासु अस्‍माभिः सह सहानुभूतिं प्रदर्शनं कर्तुम्‌ शक्‍नोति, यतः पापस्‍य अतिरिक्‍तः अन्‍य सर्वेषु विषयेषु तस्‍य परीक्षा अस्‍माकम्‌ इव नीता।

¹⁶अतः वयम्‌ आशया सह अनुग्रहस्‍य सिंहासनस्‍य समीपे गच्‍छेम, येन अस्‍मभ्‍यम्‌ दया मिलितु, वयं तां कृपां प्राप्‍नुयाम या अस्‍माकम्‌ आवश्‍यकतासु अस्‍माकं साहाय्‍यम्‌ करिष्‍यति।