Read Sanskrit इब्राणिनाम्‌ नाम्‍नि पत्रम्‌ 6 Bible Online

इब्राणिनाम्‌ नाम्‍नि पत्रम्‌ 6 - Sanskrit bible

इब्राणिनाम्‌ नाम्‍नि पत्रम्‌ 6

¹अतएव वयं मसीहसंबधिनः प्रारम्‍भिकशिक्षया वर्धामहै। मृत्‍युं प्रति गन्‍तृभ्‍यः कार्येभ्‍यः पश्‍चात्तापः, परमेश्‍वरे विश्‍वासः,

²शुद्धीकरणसंबंधिता शिक्षा, हस्‍तारोपणं, मृतकाणाम्‌ पुनरुत्‍थानं, अपरिवर्तनीयः भाग्‍यनिर्णयः च - वयम्‌ ईदृशीनाम्‌ शिक्षानाम्‌ आधारः पुनः न स्‍थापयेम, वरन्‌ तेभ्‍यः उत्‍थापयेम।

³यदि परमेश्‍वरस्‍य अनुमतिः भविष्‍यति, तदा वयं तम्‌ एव करिष्‍यामः।

⁴वास्‍तवे येभ्‍यः सकृत्‌ दिव्‍यज्‍योतिः प्राप्‍ता, ये स्‍वर्गीयवरस्‍य आस्‍वादनं कृतवन्‍तः, पवित्रात्‍मनः भागिनश्‍च अभवन्‌,

⁵येभ्‍यः शुभसमाचारस्‍य श्रेष्‍ठता, आगामियुगस्‍य शक्‍तिशालिनां चमत्‍काराणाम्‌ अनुभवः अभवत्‌-

⁶यदि ते पथभ्रष्‍टाः भवन्‍ति, तदा तान्‌ पश्‍चात्तापस्‍य मार्गे आनयनम्‌ असंभवम्‌ अस्‍ति, यतः ते स्‍वकीयतः परमेश्‍वरस्‍य पुत्रं पुनः क्रूसकाष्‍ठे आरोपयित्‍वा तस्‍य उपहासं कारयन्‍ति च।

⁷या भूमिः स्‍वोपरि बारंबारम्‌ पतत्‌ जलं शोषयित्‍वा तेभ्‍यः शस्‍यं रोहयति, ये तस्‍यां कृषिकार्यम्‌ कुर्वन्‍ति, सा परमेश्‍वरस्‍य आशिषं प्राप्‍नोति।

⁸यदा सा कंटकान्‌ कंटकगुल्‍मान्‌ च उत्‍पदयते तदा सा निष्‍प्रयोजना भवति। तस्‍याम्‌ अभिशापः पतति, अन्‍ते च सा दाहिष्‍यते।

⁹प्रियःभ्रातरः! स्‍वसारश्‍च! यद्यपि अहम्‌ ईदृशं वदामि, तथापि मम दृढ़ः विश्‍वासः अस्‍ति यत्‌ भवतां दशा अस्‍याः अपेक्षा उत्तमा अस्‍ति, भवन्‍तः मुक्‍तेः मार्गे चलन्‍ति।

¹⁰परमेश्‍वरः अन्‍यायं न करोति। भवन्‍तः तस्‍य प्रेम्‍ना प्रेरिताः भूत्‍वा यं कष्‍टम्‌ असहन्‍त, सिद्धपुरुषानां असेवन्‍त, इदानीम्‌ अपि कुर्वन्‍ति, परमेश्‍वरः इमं सर्वम्‌ न विस्‍मरति।

¹¹अहम्‌ इच्‍छामि यत्‌ भवताम्‌ आशायाः पूरिपूर्णतां यावत्‌, भवत्‍सु प्रत्‍येकः ताम्‌ एव तत्‍परतां दर्शयतु।

¹²भवन्‍तः शिथिलाः न भवन्‍तु, वरन्‌ तेषाम्‌ अनुसरणन्‍तु, ये स्‍वविश्‍वासस्‍य धर्यस्‍य कारणात्‌ च प्रतिज्ञानां भागिनः भवन्‍ति।

¹³परमेश्‍वरेण यदा इब्राहीमः प्रतिज्ञा कृता तदा सः स्‍वस्‍य नाम्‍नः शपथं गृहीतवान्‌, यतः तस्‍मात्‌ गुरूतरः कोऽपि न आसीत्‌, यस्‍य नाम गृहीत्‍वा शपथं गृह्‌णातु।

¹⁴तेन कथितम्‌ - “अहं त्‍वयि आशिषः वर्षणं करिष्‍यामि, तव वंशजनान्‌ असंख्‍याः करिष्‍यामि।”

¹⁵इब्राहीमः चिरकालं यावत्‌ धर्यस्‍य पश्‍चात्‌ प्रतिज्ञायाः फलं प्राप्‍तवान्‌।

¹⁶जनाः अग्रजस्‍य नाम गृहीत्‍वा शपथं गृह्‌णन्‍ति। तेषु शपथेन कथनस्‍य पुष्‍टिः भवति, सम्‍पूर्णविवादस्‍य समाप्‍तिः भवति।

¹⁷परमेश्‍वरः प्रतिज्ञायाः उत्तराधिकारिणः सुस्‍पष्‍टरूपेण निजसंकल्‍पस्‍य अपरिवर्तनीयतां दर्शयितुम्‌ इच्‍छति स्‍म, अतएव तेन शपथं गृहीत्‍वा प्रतिज्ञा कृता।

¹⁸सः अनयोः अपरिवर्तनीयकार्ययोः, प्रतिज्ञायां शपथे च, मिथ्‍या प्रमाणितः भवितुम्‌ न शक्‍नोति। अनेन अस्‍मभ्‍यम्‌ ये परमेश्‍वरस्‍य शरणं गृहीतवन्‍तः, इयं प्रबलाप्रेरणा प्राप्‍यते यत्‌ अस्‍मभ्‍यम्‌ या आशा अदापयत, अस्‍माभिः सा सर्वदा धारितव्‍या।

¹⁹सा आशा अस्‍माकम्‌ आत्‍मने एकः सुस्‍थिरसुदृढस्‍य नौबंधनकीलस्‍य इव अस्‍ति यः तस्‍मिन्‌ मन्‍दिरगर्भे प्रवेश्‍यति,

²⁰यत्र येशुः मसीहः अस्‍माकम्‌ अग्रदूतस्‍य रूपे पूर्वमेव अप्रवेशयत्‌ यतः सः मेलकीसेदेकस्‍य इव सर्वदायै महापुरोहितः अभवत्‌।