Read Sanskrit इब्राणिनाम्‌ नाम्‍नि पत्रम्‌ 8 Bible Online

इब्राणिनाम्‌ नाम्‍नि पत्रम्‌ 8 - Sanskrit bible

इब्राणिनाम्‌ नाम्‍नि पत्रम्‌ 8

¹एतेषां वचनानां सारांशः अयं वर्तते-अस्‍माकं एकः ईदृशः महापुरोहितः अस्‍ति, यः स्‍वर्गे महामहिमस्‍य वामेतरे विराजमानः

²तस्‍य वास्‍तविकस्‍य मन्‍दिरस्‍य पटमंडपस्‍य च सेवकः अस्‍ति, यः मनुष्‍येन न हि वरन्‌ प्रभुना संस्‍थापितः अस्‍ति।

³प्रत्‍येकः महापुरोहितः उपहारं बलिं च अर्पितुं नियुक्‍तः अस्‍ति, अतः आवश्‍यकम्‌ अस्‍ति यत्‌ तस्‍य पार्श्‍वे अर्पणाय किंचित्‌ भवेत्‌।

⁴मसीहः इदानीं यावत्‌ भुवि अभविष्‍यत्‌, तदा सः पुरोहितः अपि न अभविष्‍यत्‌, यतः संहितायाः अनुसारं बलिम्‌ अर्पितुम्‌ एकः पुरोहितः विद्यमानः अस्‍ति,

⁵यद्यपि सः एकस्‍मिन्‌ इदृशे आराधनास्‍थले आराधनां करोति, यत्‌ स्‍वर्गस्‍य वास्‍तविकतायाः प्रतिकृतिम्‌ छायामात्रम्‌ च अस्‍ति। इदम्‌ कारणमस्‍ति यदा मूसाः पटमंडपस्‍य निर्माणकर्तुम्‌ इच्‍छति स्‍म, तदा तस्‍मै परमेश्‍वरात्‌ अयम्‌ आदेशः प्राप्‍तः - “पश्‍य, यः प्रतिरूपः त्‍वां पर्वते अदर्शयत, तस्‍य अनुसारं त्‍वं सर्वम्‌ निर्माय।”

⁶इदानीं या धर्मसेवा मसीहाय प्राप्‍ता सा उच्‍चतरा, यतः सः ईदृशस्‍य विधानस्‍य मध्‍यस्‍थः अस्‍ति, यत्‌ श्रेष्‍ठतरासु प्रतिज्ञासु आधारितम्‌ अस्‍ति।

⁷प्रथमविधाने परिपूर्णे सति, तस्‍य स्‍थाने अन्‍यस्‍य का आवश्‍यकता आसीत्‌?

⁸परमेश्‍वरः तेषां निन्‍दन्‌ कथयति-“प्रभुः कथयति तानि दिनानि आगच्‍छन्‍ति, यदा अहम्‌ इस्राएलस्‍य परिवारेण सह यूदः परिवाराय एकं नूतनं विधानं स्‍थापयिष्‍यामि।

⁹इदं तस्‍य विधानस्‍य इव न भविष्‍यति-यत्‌ मया तेषां पूर्वजानां कृते तस्‍मिन्‌ समये निर्धारितम्‌, यदा मया मिश्रदेशात्‌ बहिः कर्तुम्‌ तेषां हस्‍तानि गृहीतानि। प्रभुः कथयति तैः मम विधानस्‍य पालनं न कृतम्‌, अतः मया अपि तेषां सुधः न गृहीतः।

¹⁰प्रभुः कथयति तस्‍य समयस्‍य पश्‍चात्‌ अहं इस्राएलस्‍य कृते इदं विधानं निर्धारितं करिष्‍यामि-अहं स्‍वनियमं तेषां मनसि स्‍थापयामि, अहं तेषां परमेश्‍वरः भविष्‍यामि ते मम प्रजाश्‍च भविष्‍यन्‍ति।

¹¹अस्‍य आवश्‍यकता न भविष्‍यति यत्‌ सहनागरिकाः परस्‍परं शिक्षां ददतु, स्‍व भ्रातॄन्‌ परस्‍परं कथयन्‍तु, प्रभोः ज्ञानं गृह्‌णन्‍तु; यतः व्‍यस्‍काः अल्‍पव्‍यस्‍काश्‍च मां ज्ञास्‍यन्‍ति।

¹²अहं तेषां अपराधान्‌ क्षमिष्‍यामि, तेषां दुष्‍कर्मणाम्‌ अपि न स्‍मरयिष्‍यामि च।”

¹³परमेश्‍वरः इदं विधानं “नूतनं” कथयति, अतः तेन प्रथमं विधानं समाप्‍तम्‌। यत्‌ जीर्णम्‌ जराग्रस्‍तं च अभवत्‌, तत्‌ लुप्‍तप्रायम्‌ अस्‍ति।