Read Sanskrit साधोः याकूबस्‍य पत्रम्‌ 5 Bible Online

साधोः याकूबस्‍य पत्रम्‌ 5 - Sanskrit bible

साधोः याकूबस्‍य पत्रम्‌ 5

¹धनिकाः! मम वचनं शृण्‍वन्‍तु। भवद्‌भिः रोदितव्‍यम्‌, विलापः कर्तव्‍यः, यतः विपत्तयः भवत्‍सु पतिष्‍यन्‍ति।

²भवतां सम्‍पत्तयः दूषिताः। भवतां वस्‍त्राणि कीटैः खादितानि।

³भवतां सुवर्णनां रजतानाम्‌ च क्षयम्‌ अभवत्‌। क्षयः भवतां विरुद्धे साक्ष्‍यं दास्‍यति। सः अग्‍नेः इव भवताम्‌ शरीराणि अत्‍स्‍यति। अयं युगस्‍य अन्‍तः, परन्‍तु युगान्‍ते भवद्‌भिः धनसंग्रहः कृतः।

⁴श्रमिकैः भवतां क्षेत्रस्‍य शस्‍यसंग्रहः कृतः, भवद्‌भिः तेभ्‍यः पारिश्रमिकः न दत्तः। सः पारिश्रामिकः आह्‌वयति, संग्रहकर्तॄणाम्‌ करुणस्‍वरः विश्‍वमंडलस्‍य प्रभोः कर्णौ यावत्‌ आगतः अस्‍ति।

⁵भवन्‍तः भुवि सुखस्‍य, भोगविलासस्‍य जीवनं व्‍यतीतवन्‍तः, वधस्‍य दिनस्‍य कृते स्‍वम्‌ शरीरं हृष्‍टं - पुष्‍टं कृतवन्‍तः।

⁶भवद्‌भिः धर्मी अधर्मिणः इव हतः, सः भवताम्‌ विरोधम्‌ न कृतवान्‌।

⁷भ्रातरः! स्‍वसारश्‍च! प्रभोः आगमनं यावत्‌ धर्यंम्‌ धारयन्‍तु। कृषकं पश्‍यन्‍तु, यः स्‍वक्षेत्रस्‍य बहुमूल्‍यस्‍य अन्‍नस्‍य प्रतीक्षते। सः प्रथमम्‌, अन्‍तिमं च वृष्‍टिं यावत्‌ धर्यम्‌ करोति।

⁸भवन्‍तः अपि धर्ये तिष्‍ठेयुः, धर्यम्‌ न मुत्र्चेयुः, यतः प्रभोः आगमनं समीपम्‌ अस्‍ति।

⁹भ्रातरः! स्‍वसारश्‍च! अन्‍यस्‍य निन्‍दां मा कुर्युः, येन अन्‍यः अपि भवताम्‌ निन्‍दां न कुर्यात्‌। पश्‍येयुः, न्‍यायकर्ता द्वारे तिष्‍ठति।

¹⁰भ्रातरः! स्‍वसारश्‍च! ये भविष्‍यवक्‍तारः प्रभोः नाम्‍नि अवदन्‌, तान्‌ सहिष्‍णुतायाः धर्यस्‍य च आदर्शाः बुध्‍येरन्‌ ।

¹¹अहं तान्‌ धन्‍याः मन्‍ये, ये दृढ़ाः तिष्‍ठन्‍ति। भवन्‍तः अय्‍युबस्‍य धर्यस्‍य विषये श्रुतवन्‍तः, जानन्‍ति यत्‌ अन्‍ते प्रभुना कीदृशः व्‍यवहारः कृतः, यतः प्रभुः, दयया अनुकम्‍पया परिपूर्णश्‍च वर्तते।

¹²मम भ्रातरः! स्‍वसारश्‍च! सर्वोत्तमं वचनम्‌ इदम्‌ अस्‍ति, शपथः न ग्रहीतव्‍यः - न तु स्‍वर्गस्‍य, न भुवः न अन्‍यवस्‍तुनः। भवतां वचनम्‌ एतावत्‌ भवेत्‌ “आम्‌” “नहि” वा। कुत्रचित्‌ इत्‍थं न भवेत्‌ यत्‌ भवन्‍तः दण्‍डस्‍य योग्‍याः भवन्‍तु।

¹³यदि भवत्‍सु कोऽपि कष्‍टे अस्‍ति, सः प्रार्थनां करोतु। कश्‍चित्‌ मुदितः अस्‍ति, तदा भजनं गायतु।

¹⁴कश्‍चित्‌ अस्‍वस्‍थः अस्‍ति, तदा कलीसियायाः अध्‍यक्षान्‌ आह्‌वयतु, ते प्रभोः नाम्‍नि तस्‍मिन्‌ तैलस्‍य विलेपनपश्‍चात्‌ तस्‍मै प्रार्थनां कुर्युः।

¹⁵सा विश्‍वासपूर्णाप्रार्थना अस्‍वस्‍थं जनं रक्षयिष्‍यति, प्रभुः तस्‍मै स्‍वास्‍थ्‍यं दास्‍यति, चेत्‌ सः पापम्‌ अकरोत्‌ तस्‍मै क्षमा मिलिष्‍यति।

¹⁶अतएव भवन्‍तः परस्‍परस्‍य सम्‍मुखे पापस्‍वीकारं कुर्युः, परस्‍पराय प्रार्थयन्‍तु, येन भवन्‍तः स्‍वस्‍थाः भवेयुः। धर्मात्‍मनः भक्‍तिमयी प्रार्थना अति प्रभावशाली भवति।

¹⁷नबी एलियाहः अस्‍माकम्‌ इव मनुष्‍यः मात्रः आसीत्‌। तेन आग्रहेन सह प्रार्थना कृता यत्‌ सार्धत्रयवर्षम्‌ यावत्‌ वृष्‍टिः न भवेत्‌, सार्धत्रयवर्षम्‌ यावत्‌ भुवि वृष्‍टिः न अभवत्‌।

¹⁸तेन पुनः प्रार्थना कृता, स्‍वर्गात्‌ वृष्‍टिः अभवत्‌, भुवि कृषिफलं रुरोह।

¹⁹मम भ्रातरः! स्‍वसारश्‍च यदि भवत्‍सु कश्‍चित्‌ पथभ्रष्‍टः भवेत्‌, कोऽपि अन्‍यः तं सन्‍मार्गे आनयति,

²⁰सः तस्‍य आत्‍मानम्‌ मृत्‍योः रक्षति, बहूनि दुष्‍कर्माणि गूहति च।