Read Sanskrit साधोः पतरसस्‍य प्रथम पत्रम्‌ 3 Bible Online

साधोः पतरसस्‍य प्रथम पत्रम्‌ 3 - Sanskrit bible

साधोः पतरसस्‍य प्रथम पत्रम्‌ 3

¹पत्‍न्‍यः! भवन्‍तः स्‍वपतीनाम्‌ अधीने तिष्‍ठेयुः। यदि तेषु केचित्‌ जनाः इदानीं यावत्‌ शुभसमाचारं न प्रतिगृहीतवन्‍तः, तदा ते भवतां श्रद्‌धया पवित्रजीवनं दृष्‍ट्‌वा शब्‍दानाम्‌ कारणात्‌ न,

²अपितु स्‍वपत्‍नीनाम्‌ आचरणस्‍य कारणात्‌ विश्‍वासं प्रति आकर्षिताः भविष्‍यन्‍ति।

³भवतीनां शृंगारः वाह्‌य-केशप्रसाधनं, स्‍वर्णस्‍य आभूषणम्‌ आकर्षकं वस्‍त्रं न भवेत्‌।

⁴सः हृदयस्‍य अभ्‍यन्‍तरस्‍य, विनम्रस्‍य, शान्‍तस्‍वभावस्‍य अनश्‍वरम्‌ अलंकरणं भवेत्‌, यत्‌ परमेश्‍वरस्‍य दृष्‍टौ महत्‍वपूर्णम्‌ भवेत्‌।

⁵पुराकाले परमेश्‍वरे श्रद्‌धयन्‍त्‍यः, स्‍व पतीनाम्‌ अधीने स्‍थितवन्‍त्‍यः च पवित्राः स्‍त्रीः अनया विध्‍या स्‍वशृंगारं कुर्वन्‍ति स्‍म।

⁶यथा-सारा इब्राहीमस्‍य आज्ञापालनम्‌ अकरोत्‌, तं च “स्‍वामिन्‌” इति नाम्‍ना आह्‌वयति स्‍म। यदा भवत्‍यः सत्‍कार्यं करिष्‍यन्‍ति तदा कयापि आशंकया विचलिताः न भविष्‍यन्‍ति, तेषां सुपत्‍न्‍यः भविष्‍यन्‍ति।

⁷पतयः! भवन्‍तः अपि स्‍व पत्‍न्‍याः ध्‍यायेयुः, ताः अबलाः इति मत्‍वा, स्‍वेन सह अनन्‍तजीवनस्‍य अनुग्रहस्‍य उत्तराधिकारिणी अस्‍ति इति ज्ञात्‍वा तासाम्‌ आद्रियन्‍ताम्‌। एवं कृते सति भवतां प्रार्थनासु कोऽपि अवरोधः न आगमिष्‍यति।

⁸अन्‍ते इदम्‌ भवन्‍तः एकमताः सहानुभूतिशीलाः, भ्रातृप्रेमिणः दयार्द्राः विनम्राश्‍च भवन्‍तु। भवन्‍तः दुष्‍कर्मणः विरोधे दुष्‍कर्म, अपशब्‍दानां विरोधे अपशब्‍दान्‌ न, परन्‍तु आशिषम्‌ दद्‌युः। भवन्‍तः इदमेव कर्तुम्‌ आहूताः सन्‍ति, येन दायभागस्‍य रूपे आशिषं लभन्‍ताम्‌

¹⁰यतः यः जीवनं लाडयति सुखशान्‍तिं द्रष्‍टुम्‌ इच्‍छति, सः न तु जिह्‌वाम्‌ अपशब्‍दं वक्‍तुम्‌ दद्‌यात्‌ न च स्‍व अधरौ कपटपूर्णवचनम्‌।

¹¹सः दुष्‍कर्मणः अपसरेत्‌, परोपकारं कुर्यात्‌; शान्‍तेश्‍च मार्गे अग्रे गच्‍छेत्‌, तस्‍यै यतेत।

¹²यतः प्रभोः कृपादृष्‍टिः धर्मिषु भवति तस्‍य कर्णौ च प्रार्थनां शृणुतः, किन्‍तु प्रभुः कुकर्मिभ्‍यः विमुखः भवति।

¹³भवत्‍सु परोपकारे कृते सति, कः भवद्‌भिः सह दुष्‍कर्म करिष्‍यति?

¹⁴यदि भवन्‍तः धार्मिकतायाः कारणात्‌ दुःखं सहन्‍ते, तदा भवन्‍तः धन्‍याः सन्‍ति। भवन्‍तः तेभ्‍यः न तु बिभियुः।

¹⁵स्‍व हृदये प्रभौ मसीहे श्रद्धयेयुः। ये भवताम्‌ आशायाः आधारस्‍य विषये भवतः प्रश्‍नं पृच्‍छन्‍ति, तेभ्‍यः विनम्रतया, आदरेण सह उत्तरं दातुं सर्वदा तत्‍पराः तिष्‍ठेयुः। स्‍व अन्‍तकरणं शुद्धं भवितव्‍यम्‌। इत्‍थं ये जनाः भवतां विषये अपशब्‍दं वदन्‍ति, भवताम्‌ मसीहीआचरणस्‍य निन्‍दन्‍ति, ते लज्‍जिताः भविष्‍यन्‍ति।

¹⁷यदि परमेश्‍वरस्‍य इच्‍छा इयम्‌ एव अस्‍ति, तदा दुष्‍कर्मणः अपेक्षाकृतं परोपकारस्‍य कारणात्‌ कष्‍टसहनम्‌ श्रेयस्‍करम्‌ अस्‍ति।

¹⁸मसीहः अपि सकृत्‌ पापानाम्‌ प्रायश्‍चित्तं कर्तुम्‌ अम्रियत, धर्मिभ्‍यः अधर्मिभ्‍यः च अम्रियत, येन सः अस्‍मान्‌ परमेश्‍वरस्‍य समीपे नयतु, सः शरीरस्‍य दृष्‍टौ तु हतः, किन्‍तु आत्‍मना पुनर्जीवितः। सः अस्‍यां स्‍थितौ बन्‍दिभ्‍यः आत्‍मभ्‍यः मुक्‍तेः संदेशं श्रावयितुम्‌ आगच्‍छत्‌।

²⁰तैः पुराकाले परमेश्‍वरस्‍य विरुद्धे विद्रोहः कृतः, यदा सः धर्यपूर्वकं प्रतीक्षते स्‍म, यदा नूहस्‍य पोतस्‍य निर्माणः भवति-स्‍म। तस्‍मिन्‌ पोते केवलम्‌ अष्‍टजनाः अवशिष्‍टाः आसन्‌।

²¹अयं जलसंस्‍कारस्‍य प्रतीकः अस्‍ति, यः इदानीं भवताम्‌ उद्धारं करोति। अस्‍य संस्‍कारस्‍य अर्थः शरीरस्‍य मैलं प्रच्‍छालनम्‌ न, अपितु शुद्धहृदयेन स्‍वईश्‍वरं प्रति समर्पणमस्‍ति। अयं संस्‍कारः येशोः मसीहस्‍य पुनरुत्‍थानेन अस्‍माकम्‌ उद्धारं करोति।

²²येशुः मसीहः स्‍वर्गम्‌ अगच्‍छत्‌, स्‍वर्गस्‍य सर्वान्‌ दूतान्‌ अधीने कृत्‍वा परमेश्‍वरस्‍य दक्षिणे विराजते।