Read Sanskrit साधोः पतरसस्‍य प्रथम पत्रम्‌ 5 Bible Online

साधोः पतरसस्‍य प्रथम पत्रम्‌ 5 - Sanskrit bible

साधोः पतरसस्‍य प्रथम पत्रम्‌ 5

¹भवत्‍सु ये अध्‍यक्षाः सन्‍ति, तान्‌ अनुरोधयामि। अहमपि अध्‍यक्षोऽस्‍मि, मसीहस्‍य दुःखभोगस्‍य साक्षी, भविष्‍ये प्रकटीभूतायाः महिम्‍नः सहभागी।

²भवद्‌भ्‍यः परमेश्‍वरस्‍य यः समूहः समर्पितः अस्‍ति, तस्‍य मेषपालः भवन्‍तु, परमेश्‍वरस्‍य इच्‍छानुसारं तं रक्षयेयुः - अनिच्‍छया न, परन्‍तु आनन्‍देन सह, घृणितलाभाय न, परन्‍तु सेवाभावेन सह,

³समर्पितेषु जनेषु अधिकारेण न, परन्‍तु समुहाय आदर्शः भूत्‍वा

⁴यस्‍मिन्‌ समये मुख्‍यः मेषपालः प्रकटः भविष्‍यति, भवद्‌भ्‍यः अम्‍लानमहिम्‍नः स्रक्‌ परिधीष्‍यते च।

⁵यूयं नवयुवकाश्‍च! अध्‍यक्षानाम्‌ अधीनतां प्रतिगृह्‌णत। भवन्‍तः सर्वे नम्रतापूर्वकं परस्‍परं सेवन्‍ताम्‌ यतः परमेश्‍वरः अभिभानिनां विरोधयति, किन्‍तु विनम्रेषु दयते।

⁶भवन्‍तः शक्‍तिशालिनः परमेश्‍वरस्‍य सम्‍मुखे विनम्राः तिष्‍ठेयुः, येन सः उपयुक्‍तसमये ऊपरि नयेत्‌।

⁷भवन्‍तः समस्‍ताः चिन्‍ताः तस्‍मिन्‌ मुत्र्चयेयुः, यतः तस्‍मै भवताम्‌ चिन्‍ता अस्‍ति।

⁸भवन्‍तः संयमे स्‍थित्‍वा अनिन्‍द्रायां तिष्‍ठेयुः। भवताम्‌ द्विषः, दुष्‍टात्‍मा गर्जनं कुर्वन्‌ सिंहस्‍य इव विचरति अन्‍वेषणं च करोति, कं कदा दृण्‍येत्‌।

⁹भवन्‍तः विश्‍वासे दृढ़ाः भूत्‍वा तस्‍य विरुद्धे युद्‌धयेयुः। भवन्‍तः जानन्‍ति यत्‌ समस्‍तसंसारे भवतां भ्रातरः स्‍वसारः अपि एवं विधेः दुःखं सहन्‍ते।

¹⁰परमेश्‍वरः यः सम्‍पूर्णस्‍य अनुग्रहस्‍य स्रोतः अस्‍ति, भवतः मसीहेन स्‍वकीय शाश्‍वतमहिम्‍नः अंशभागभवितुम्‌ आहूतवान्‌। सः कित्र्चतकालं यावत्‌ दुःखसहनस्‍य पश्‍चात्‌, भवतः सुस्‍थिराः समर्थाः सुदृढाः च निर्मायिष्‍यति।

¹¹तस्‍य सामर्थ्‍यः अनन्‍तकालं यावत्‌ तिष्‍ठति। तथास्‍तु।

¹²अहम्‌ भवतः धर्ये स्‍थिराः भवितुम्‌ इदं संक्षिप्‍तपत्रं सिल्‌वानुसेन अलेखयत्‌, यम्‌ अहं स्‍वकीय विश्‍वसनीयं भ्रातरं मन्‍ये। अहं भवतः विश्‍वासं दापयामि अस्‍मिन्‌ यत्‌ लिखितमस्‍ति, तत्‌ परमेश्‍वरस्‍य सत्‍यः अनुग्रहः अस्‍ति। तस्‍मिन्‌ अनुग्रहे सुदृढ़ाः तिष्‍ठेयुः।

¹³बेवीलोननगरस्‍य कलीसियायाः सदस्‍याः, ये भवताम्‌ इव परमेश्‍वरस्‍य कृपापात्राः सन्‍ति तथा मम पुत्रः मारकुसः अपि भवतः नमस्‍कुर्वन्‍ति।

¹⁴प्रेम्‍नः चुम्‍बनेन परस्‍परस्‍य अभिवादनं कुर्युः। मसीहस्‍य वास्‍तविकाः भक्‍ताः! भवद्‌भ्‍यः सर्वेभ्‍यः शान्‍तिः लभेत।