Read Sanskrit साधोः पतरसस्‍य द्वितीयम्‌ पत्रम्‌ 3 Bible Online

साधोः पतरसस्‍य द्वितीयम्‌ पत्रम्‌ 3 - Sanskrit bible

साधोः पतरसस्‍य द्वितीयम्‌ पत्रम्‌ 3

¹प्रियभ्रातरः! स्‍वसारश्‍च! अहम्‌ भवद्‌भ्‍यः पुनः द्वितीयं वारं पत्रं लिखामि। एतेषु पत्रेषु केषांचित्‌ वचनानां स्‍मरणं दापयित्‍वा भवताम्‌ सद्‌बुद्धिं जीवितं रक्षितुम्‌ इच्‍छामि।

²भवन्‍तः भविष्‍यवक्‍तॄणां भविष्‍यवाणीनाम्‌ स्‍व प्रेरितैश्‍च प्रदत्तायाः, प्रभोः मुक्‍तिदातुश्‍च आज्ञायाः स्‍मरेयुः।

³भवन्‍तः सर्वप्रथमम्‌ इदम्‌ बुध्‍यरेन्‌ यत्‌ अन्‍तिमदिनेषु उपहासकर्तारः नास्‍तिकाः आगमिष्‍यन्‍ति। ते स्‍व दुर्वासनानाम्‌ अनुरूपम्‌ आचरिष्‍यन्‍ति,

⁴वदिष्‍यन्‍ति च “तस्‍य आगमनस्‍य प्रतिज्ञायाः किमभवत्‌? अस्‍माकं पूर्वजाः तु अम्रियन्‍त, परन्‍तु सृष्‍टेः आरम्‍भात्‌ सर्वम्‌ यथावत्‌ अस्‍ति।”

⁵ते जानन्‍तः अपि विस्‍मरन्‍ति यत्‌ प्राचीनकाले एकम्‌ नभः, एका पृथ्‍वी च आसीत्‌, या परमेश्‍वरस्‍य शब्‍देन जलेन उत्‍पद्‌य जले एव निर्मिता आसीत्‌।

⁶तस्‍य समयस्‍य संसारः जलेन नष्‍टः अभवत्‌, प्रलयेण जलमग्‍नः कृतः।

⁷परमेश्‍वरस्‍य शब्‍दः वर्तमाननभः भुवम्‌ च अग्‍नये, न्‍यायदिवसं यावत्‌ रक्षितवान्‌। तस्‍मिन्‌ दिने विधर्मिणां मनुष्‍यानां विनाशः करिष्‍यते।

⁸प्रियभ्रातरः! स्‍वसारश्‍च! अस्‍य वचनस्‍य अवश्‍यं स्‍मरेयुः यत्‌ प्रभोः दृष्‍टौ एकं दिनं सहस्रवर्षाणाम्‌ इव अस्‍ति, सहस्रवर्षाणि एकस्‍य दिनस्‍य इव। प्रभुः स्‍व प्रतिज्ञां पूरयितुं विलम्‍बम्‌ न करोति, यथा केचित्‌ मन्‍यन्‍ते; किन्‍तु सः भवतः प्रति सहनशीलः भूत्‍वा इच्‍छति यत्‌ कस्‍यापि सर्वनाशः न भवेत्‌, वरन्‌ सर्वे पश्‍चात्तापं कुर्युः। प्रभोः दिवसं चौरस्‍य इव आगमिष्‍यति। तस्‍मिन्‌ दिने नभः गर्जनं कुर्वत्‌ विलीनम्‌ भविष्‍यति। मूलतत्‍वानि दग्‍ध्‍वा द्रोष्‍यन्‍ति।

¹³वयं तस्‍य प्रतिज्ञायाः आधारे एकस्‍य नूतनस्‍य नभसः तथा नूतनभुवः प्रतीक्षामहे, यत्र धार्मिकता निवासं करिष्‍यति।

¹⁴अतएव प्रियभ्रातरः! स्‍वसारश्‍च! एतेषां वचनानां प्रतीक्षां कुर्वन्‍तः एवं यतेरन्‌, यत्‌ भवन्‍तः प्रभोः दृष्‍टौ निष्‍कलंकाः निर्द्रोषाः तस्‍य अनुकूलाश्‍च भवेयुः।

¹⁵यदि प्रभुः स्‍व सहनशीलतायाः कारणात्‌ चिरयति, तदा एतत्‌ स्‍व मुक्‍तौ सहायकम्‌ मन्‍येरन्‌, यथा अस्‍माकं भ्राता पौलुसः स्‍वं प्रदत्तप्रज्ञायाः अनुसारं भवद्‌भ्‍यः लिखितवान्‌।

¹⁶सः स्‍वपत्रेषु एवं करोति, यत्र सः एतेषां वचनानां चर्चाम्‌ करोति। तेषु पत्रेषु कित्र्चित्‌ वचनानि ईदृशानि सन्‍ति, यानि काठिन्‍येन बोधगम्‍यानि भवन्‍ति। अशिक्षिताः चंचलाजनाश्‍च धर्मग्रन्‍थस्‍य अन्‍यवचनानाम्‌ इव तेषामपि असत्‍यम्‌ अर्थम्‌ कृत्‍वा स्‍व सत्‍यानाशं कुर्वन्‍ति।

¹⁷प्रियभ्रातरः! स्‍वसारश्‍च! मया पूर्वमेव भवन्‍तः अवहिताः। कुत्रचित्‌ इत्‍थं न भवेत्‌, भवन्‍तः तेषां दुष्‍टानां प्रलोभने आगत्‍य विचलिताः भवेयुः।

¹⁸भवन्‍तः अस्‍माकं प्रभोः मुक्‍तिदातुः येशोः मसीहस्‍य अनुग्रहे ज्ञाने च वर्धेरन्‌। तस्‍मै इदानीम्‌, अनन्‍तकालं यावत्‌ महिमा। तथास्‍तु।