Read Sanskrit साधोः योहनस्‍य प्रथमपत्रम्‌ 1 Bible Online

साधोः योहनस्‍य प्रथमपत्रम्‌ 1 - Sanskrit bible

साधोः योहनस्‍य प्रथमपत्रम्‌ 1

¹मम विषयः सः शब्‍दः तु अस्‍ति, यः आरंभात्‌ विराजमानः आसीत्‌। मया सः श्रुतः। मया सः स्‍व नेत्राभ्‍याम्‌ दृष्‍टः। मया सः अवलोकितः, स्‍वहस्‍ताभ्‍याम्‌ स्‍पृष्‍टः। सः शब्‍दः जीवनमस्‍ति

²इदं जीवनं प्रकटितमस्‍ति। इदं शाश्‍वतजीवनम्‌ यः पितुः पार्श्‍वे आसीत्‌, अस्‍मासु च प्रकटितम्‌। मया सः दृष्‍टः, अहम्‌ अस्‍य विषये साक्ष्‍यं ददामि, युष्‍मान्‌ अस्‍य संदेशं श्रावयामि,

³मया यत्‌ दृष्‍टम्‌, श्रुतम्‌ च, तत्‌ एव युष्‍मान्‌ कथयामि, येन यूयं मया सह पितुः, तस्‍य पुत्रस्‍य येशोः मसीहस्‍य जीवनस्‍य सहभागी भवत।

⁴अहं त्‍वां लिखामि, येन अस्‍माकं सर्वेषाम्‌ आनन्‍दः परिपूर्णः भवतु।

⁵मया यः सन्‍देशः तेन श्रुतः, युष्‍मान्‌ अपि श्रावयामि, सः ईदृशः अस्‍ति - “परमेश्‍वरः ज्‍योतिः वर्तते, तस्‍मिन्‌ च कोऽपि अन्‍धकारः नास्‍ति।

⁶यदि अहं वदामि यत्‌ वयं तस्‍य जीवनस्‍य सहभागिनः स्‍मः किन्‍तु तिमिरे चलामः, तदा वयं मिथ्‍यां वदामः, सत्‍यस्‍य अनुसारम्‌ आचरणं न कुर्मः।

⁷परन्‍तु यदि वयं ज्‍योत्‍यां चलामः - यथा सः स्‍वयं ज्‍योतौ अस्‍ति - तदा वयं परस्‍परस्‍य जीवनस्‍य सहभागिनः स्‍मः, तस्‍य पुत्रमसीहस्‍य रक्‍तम्‌ अस्‍मान्‌ प्रत्‍येकपापात्‌ शुद्धयति।

⁸यदि वयं वदामः यत्‌ वयं निष्‍पापाः स्‍मः, तदा स्‍वं वत्र्चयामः, अस्‍मासु च सत्‍यम्‌ नास्‍ति।

⁹यदि वयं स्‍वपापान्‌ स्‍वीकुर्मः, तदा सः अस्‍मान्‌ क्षमिष्‍यते, अस्‍मान्‌ प्रत्‍येकात्‌ अधर्मात्‌ शोत्‍स्‍यति, यतः सः विश्‍वसनीयः तथा सत्‍यप्रतिज्ञश्‍च अस्‍ति।

¹⁰यदि वयं कथयामः अस्‍माभिः पापं न कृतम्‌, तदा वयं तम्‌ असत्‍यं सिद्धं कुर्मः, तस्‍य वचनम्‌ च अस्‍मासु न विद्‌यते।