Read Sanskrit साधोः योहनस्‍य प्रथमपत्रम्‌ 2 Bible Online

साधोः योहनस्‍य प्रथमपत्रम्‌ 2 - Sanskrit bible

साधोः योहनस्‍य प्रथमपत्रम्‌ 2

¹हे बालकाः! पत्रलेखनस्‍य मम उद्देश्‍यः अयमस्‍ति-त्‍वया पापम्‌ न कर्तव्‍यम्‌। परन्‍तु यदि कश्‍चित्‌ पापं करोति, तदा पितुः समीपे अस्‍माकम्‌ एकः सहायकः विद्यमानः अस्‍ति, अर्थात्‌ धर्मात्‍मा येशुः मसीहः।

²तेन अस्‍माकं पापानाम्‌ कृते प्रायश्‍चित्तम्‌ कृतम्‌, न केवलं अस्‍माकं पापेभ्‍यः, वरन्‌ समस्‍तस्‍य संसारस्‍य पापेभ्‍यः।

³यदि वयं तस्‍य आज्ञानाम्‌ पालनं करिष्‍यामः तदा तेन स्‍पष्‍टं भविष्‍यति यत्‌ वयं तं जानीमः।

⁴यः वदति अहं तं जानामि, किन्‍तु तस्‍य आज्ञानाम्‌ पालनं न करोति, सः मिथ्‍यावादी अस्‍ति तस्‍मिन्‌ सत्‍यता नास्‍ति।

⁵परन्‍तु यः तस्‍य आज्ञानाम्‌ पालनं करोति, तस्‍मिन्‌ परमेश्‍वरस्‍य प्रेम परिपूर्णतां यावत्‌ गच्‍छति।

⁶यः वदति यत्‌ अहं तस्‍मिन्‌ निवसामि, तेन तथैव आचरणीयम्‌, यथा आचरणं मसीहेन कृतम्‌।

⁷प्रियभ्रातरः! अहं तुभ्‍यम्‌ कापि नूतनाम्‌ आज्ञां न लिखामि। इयं सा एव प्राचीना आज्ञा वर्तते, या प्रारम्‍भात्‌ युष्‍मभ्‍यम्‌ प्राप्‍ता अस्‍ति। इयं प्राचीनाज्ञा तत्‌ वचनम्‌ अस्‍ति, यत्‌ युष्‍माभिः श्रुतम्‌।

⁸तथापि अहं याम्‌ आज्ञां लिखामि, सा नूतना अस्‍ति। नूतनस्‍य कारणमस्‍ति यत्‌ सा मसीहे चरितार्था अभवत्‌, युष्‍मासु अपि चरितार्था भवति; यतः अन्‍धकारः पलायते, सत्‍यस्‍य ज्‍योतिः च इदानीं प्रकाशते।

⁹यः वदति यत्‌ अहं ज्‍योतौ अस्‍मि, परन्‍तु स्‍व भ्रात्रा सह वैरभावः अस्‍ति, सः इदानीं यावत्‌ तिमिरे अस्‍ति।

¹⁰यः स्‍वभ्रातरं प्रेम करोति, सः ज्‍योत्‍याम्‌ निवसति।

¹¹परन्‍तु यः स्‍वभ्रात्रा सह द्वेषं करोति, सः अन्‍धकारे अस्‍ति, अन्‍धकारे च चलति। सः इदमपि न जानाति, यत्‌ सः कुत्र गच्‍छति; यतः अन्‍धकारेण सः अन्‍धः अभवत्‌।

¹²बालकाः! युष्‍मभ्‍यम्‌ मम लेखनस्‍य कारणमस्‍ति यत्‌ येशोः नाम्‍नः कारणात्‌ युष्‍माकं पापानि क्षमितानि सन्‍ति।

¹³पितरः! अहं युष्‍मभ्‍यम्‌ अपि लिखामि, यत्‌ यूयं तं जानीथ, यः आद्याः कालात्‌ विद्यमानः अस्‍ति। युवकाः! अहं युष्‍मभ्‍यम्‌ लिखामि यतः यूयं दुष्‍टेषु विजयं प्राप्‍तवन्‍तः।

¹⁴बालकाः! अहं युष्‍मभ्‍यम्‌ लिखामि, यतः यूयं पितरम्‌ जानीथ। पितरः! युष्‍मभ्‍यम्‌ अपि लिखामि यत्‌ यूयं तं जानीथ, यः आदिकालात्‌ विद्यमानः अस्‍ति। युवकाः! अहं युष्‍मभ्‍यम्‌ लिखामि यतः यूयं शक्‍तिशालिनः स्‍थ। युष्‍मासु परमेश्‍वरस्‍य वचनं निवसति, यूयं दुष्‍टानाम्‌ ऊपरि विजयिनः अभवत।

¹⁵यूयं न तु संसारं प्रेम कुरुथ, न संसारस्‍य वस्‍तूनि। यः संसारं प्रेम करोति, तस्‍मिन्‌ पितुः प्रेम न विद्‌यते।

¹⁶संसारे या शरीरस्‍य वासना, नेत्राणाम्‌ लोभः, धनसम्‍पत्‍याः अभिमानः अस्‍ति, ते सर्वे पितुः न, अपितु संसारात्‌ आगच्‍छन्‍ति।

¹⁷संसारः, तस्‍य वासना च समाप्‍यते, किन्‍तु यः परमेश्‍वरस्‍य इच्‍छां पूरयति सः युगयुगान्‌ यावत्‌ तिष्‍ठति।

¹⁸बालकाः! अयम्‌ अन्‍तिमः समयः अस्‍ति। युष्‍मामिः श्रुतम्‌ यत्‌ एकस्‍य मसीहविरोधिणः आगमनम्‌ अनिवार्यम्‌ अस्‍ति। इदानीं यावत्‌ अनेकाः मसीहविरोधिणः प्रकटाः अभवन्‌। अनेन वयं जानीमः, यत्‌ अन्‍तिमः समयः आगतः।

¹⁹ते मसीहविरोधिणः अस्‍मान्‌ त्‍यक्‍त्‍वा अगच्‍छन्‌, किन्‍तु ते अस्‍माकं स्‍वकीयजनाः न आसन्‌। चेत्‌ ते अस्‍माकम्‌ अभविष्‍यन्‌, तदा ते अस्‍माभिः सह अभविष्‍यन्‌। ते अगच्‍छन्‌, येन अयं स्‍पष्‍टः भवेत्‌ यत्‌ तेषु कोऽपि अस्‍माकं स्‍व न आसीत्‌।

²⁰युष्‍मभ्‍यम्‌ मसीहेन पवित्रात्‍मा प्राप्‍तः, यूयं सर्वे सत्‍यं जानीथ। मम लेखनस्‍य उद्देश्‍यः अयं न अस्‍ति, यत्‌ यूयं सत्‍यं न जानीथ, वरन्‌

²¹यूयं सत्‍येन सह इदमपि जानीथ यत्‌ प्रत्‍येकम्‌ असत्‍यं सत्‍यस्‍य विरोधी अस्‍ति।

²²मिथ्‍यावादी कः अस्‍ति? सः, यः येशुम्‌, मसीहः न मन्‍यते। सः एव मसीहविरोधी अस्‍ति। सः पितरम्‌ पुत्रं, द्वौ न प्रतिगृह्‌णाति।

²³यः पुत्रं न स्‍वीकरोति, तस्‍मिन्‌ पितुः निवासः नास्‍ति, यः पुत्रं प्रतिगृह्‌णाति, तस्‍मिन्‌ पितुः निवासः वर्तते।

²⁴या शिक्षा युष्‍माभिः प्रारम्‍भात्‌ श्रुता, सा त्‍वयि तिष्‍ठेत्‌। यत्‌ वचनम्‌ यूयम्‌ अशृणुत, यदि तत्‌ युष्‍मासु स्‍थापस्‍यति, तदा यूयमपि पुत्रे पितरि च स्‍थास्‍यथ।

²⁵मसीहेन अस्‍मभ्‍यं या प्रतिज्ञा कृता, सा अस्‍ति-अनन्‍तं जीवनम्‌।

²⁶मया इमानि वचनानि तेषां विषये लिखितानि, ये युष्‍मान्‌ सत्‍यमार्गात्‌ पथभ्रष्‍टाः कर्तुम्‌ इच्‍छन्‍ति।

²⁷युष्‍मभ्‍यम्‌ मसीहेन यः पवित्रात्‍मा प्राप्‍तः, सः युष्‍मासु विद्‌यमानः अस्‍ति। अतएव युष्‍मभ्‍यम्‌ कस्‍यचित्‌ अन्‍यस्‍य गुरोः आवश्‍यकता नास्‍ति। सः युष्‍मान्‌ सर्वम्‌ शिक्षयति। तस्‍य शिक्षा सत्‍या अस्‍ति, असत्‍या न। यूयं तस्‍याः शिक्षायाः अनुसारं मसीहे तिष्‍ठत।

²⁸बालकाः! इदानीं यूयं तस्‍मिन्‌ तिष्‍ठत, येन यदा सः प्रकटः भविष्‍यति, अस्‍माकम्‌ आशा भवेत्‌, तस्‍य आगमने तस्‍मात्‌ पृथकस्‍य निराशा मा भवेत्‌। यदि यूयं जानीथ यत्‌ सः निष्‍पापः वर्तते, तदा इयमपि जानीत यत्‌ यः धर्माचरणं करोति, सः परमेश्‍वरस्‍य संततिः अस्‍ति।