Read Sanskrit साधोः योहनस्‍य प्रथमपत्रम्‌ 3 Bible Online

साधोः योहनस्‍य प्रथमपत्रम्‌ 3 - Sanskrit bible

साधोः योहनस्‍य प्रथमपत्रम्‌ 3

¹परमेश्‍वरस्‍य प्रेम अस्‍मान्‌ प्रति इयत्‌ अस्‍ति, यत्‌ वयं परमेश्‍वरस्‍य संततिः कथ्‍यामहे, वयं वस्‍तुतः स्‍मः। संसारः अस्‍मान्‌ न जानाति यतः सः परमेश्‍वरं न अभिजानाति।

²प्रियभ्रातरः! इदानीं वयम्‌ परमेश्‍वरस्‍य सन्‍तानाः स्‍मः, परन्‍तु अयम्‌ इदानीं यावत्‌ न प्रकटः अस्‍ति, यत्‌ वयं किं भविष्‍यामः। वयम्‌ एतावत्‌ एव जानीमः, यत्‌ यदा परमेश्‍वरस्‍य पुत्रः प्रकटः भविष्‍यति, तदा वयं तस्‍य सदृशाः भविष्‍यामः, यतः वयं तं तथैव द्रक्ष्‍यामः, यथा सः वास्‍तविकरूपे विद्‌यते।

³यः मसीहेन इदृशीम्‌ आशां करोति, सः तथैव शुद्धः भवेत्‌, यथा सः शुद्धः अस्‍ति।

⁴यः पापं करोति, सः परमेश्‍वरस्‍य आज्ञां त्रोटयते; यतः पापम्‌ तु आज्ञायाः उल्‍लंघनम्‌ अस्‍ति।

⁵यूयं जानीथ, मसीहः अस्‍माकं पापहरणाय प्रकटः अभवत्‌। तस्‍मिन्‌ कोऽपि पापम्‌ नास्‍ति।

⁶यः तस्‍मिन्‌ निवसति सः पापं न करोति। यः पापं करोति, तेन सः न दृष्‍टः, सश्‍च तान्‌ न जानाति।

⁷हे बालकाः! कोऽपि युष्‍मान्‌ मतिभ्रष्‍टाः न कुर्यात्‌। यः धर्माचरणं करोति, सः तस्‍य इव निष्‍पापः विद्‌यते।

⁸यः पापं करोति, सः दुष्‍टात्‍मा वर्तते, यतः दुष्‍टात्‍मा प्रारम्‍भात्‌ एव पापम्‌ अकरोत्‌। दुष्‍टात्‍मनः कार्याणि समाप्‍तयितुम्‌ येशुः मसीहः प्रकटः अभवत्‌।

⁹यः परमेश्‍वरस्‍य सन्‍तानः अस्‍ति, सः पापं न करोति, यतः परमेश्‍वरस्‍य जीवनतत्‍वं तस्‍मिन्‌ क्रियाशीलम्‌ अस्‍ति। सः पापं कर्तुम्‌ न शक्‍नोति, यतः सः परमेश्‍वरात्‌ अजायत।

¹⁰परमेश्‍वरस्‍य सन्‍तानस्‍य तथा दुष्‍टात्‍मनश्‍च सन्‍तानस्‍य अभिज्ञानम्‌ इदम्‌ अस्‍ति - यः धर्माचरणं न करोति, सः परमेश्‍वरस्‍य सन्‍तानः न अस्‍ति, सः अपि न, यः स्‍वभ्रातरं स्‍वसारम्‌ वा न लाडयति।

¹¹यतः सन्‍देशः प्रारम्‍भात्‌ युष्‍माभिः श्रुतः, सोऽयम्‌ अस्‍ति अस्‍माभिः परस्‍परं प्रेम कर्तव्‍यम्‌।

¹²अस्‍माभिः काइनस्‍य इव न भवितव्‍यम्‌। सः दुष्‍टस्‍य सन्‍तानः आसीत्‌, तेन स्‍वभ्रातुः हत्‍याकृता। तेन किमर्थम्‌ तस्‍य हत्‍या कृता? यतः तस्‍य स्‍वकर्माणि दुष्‍टानि आसन्‌, तस्‍य भ्रातुश्‍च सुकर्माणि।

¹³भ्रातरः! यदि संसारः युष्‍माभिः सह द्वेषभावं करोति, अस्‍मिन्‌ आश्‍चर्यम्‌ मा कुरुत।

¹⁴वयं जानीमः यत्‌ मृत्‍योः निर्गत्‍य जीवने अप्रविशाम; यतः वयं भ्रातृभिः सह प्रेम कुर्मः। यः प्रेम न करोति, सः मृत्‍यौ निवसति।

¹⁵यः स्‍व भ्रात्रा सह वैरं करोति, सः हत्‍यारा अस्‍ति। यूयं जानीथ कस्‍मिनचित्‌ अपि हन्‍तरि अनन्‍तजीवनं न भवति।

¹⁶वयं प्रेम्‍नः मर्मम्‌ अनेन अभिजानीमः यत्‌ येशुः मसीहः अस्‍मभ्‍यम्‌ स्‍व जीवनम्‌ अर्पितम्‌, अस्‍माभिः अपि स्‍व भ्रातृभ्‍यः स्‍वजीवनम्‌ अर्पितव्‍यम्‌।

¹⁷यदि एकस्‍य पार्श्‍वे भुवः धन-सम्‍पत्तिः भवेत्‌, सः स्‍वभ्रातरम्‌ दरिद्रावस्‍थायां दृष्‍ट्‌वा तस्‍मिन्‌ न दयते, तदा तस्‍मिन्‌ परमेश्‍वरस्‍य प्रेम कथं स्‍थास्‍यति।

¹⁸हे बालकाः! वयं वचनेन न, कर्मणा, मुखेन न, हृदयेन परस्‍परं प्रेम कुर्याम।

¹⁹अनेन वयं ज्ञास्‍यामः, यत्‌ वयं सत्‍यस्‍य सन्‍तानाः स्‍मः। यदा अस्‍माकम्‌ अन्‍तःकरणम्‌ अस्‍मान्‌ दोषान्‌ दास्‍यति, तदा वयं परमेश्‍वरस्‍य समक्षे स्‍वकीयम्‌ आश्‍वासनं दातुम्‌ सर्मथाः भविष्‍यामः।

²⁰यतः परमेश्‍वरः अस्‍माकम्‌ अन्‍तःकरणात्‌ अपि महान्‌ अस्‍ति, सः सर्वम्‌ जानाति।

²¹प्रियः भ्रातरः! यदि अस्‍माकम्‌ अन्‍तःकरणम्‌ अस्‍मासु दोषं न करोति, तदा वयम्‌ परमेश्‍वरे पूर्णाशां कर्तुम्‌ शक्‍नुमः।

²²वयं तं यत्‌ याचिष्‍यामः, सः अस्‍मभ्‍यम्‌ तत्‌ एव प्रदास्‍यति, यतः वयं तस्‍य आज्ञानां पालयामः, तत्‌ एव कुर्मः यत्‌ तस्‍मै रोचते।

²³तस्‍य आज्ञा इयम्‌ अस्‍ति-वयं तस्‍य पुत्रस्‍य येशोः मसीहस्‍य नाम्‍नि विश्‍वासं कुर्याम, परस्‍परं प्रेम कुर्याम, यथा मसीहः अस्‍मान्‌ आदिष्‍टवान्‌।

²⁴यः परमेश्‍वरस्‍य आज्ञानाम्‌ पालनं करोति, सः परमेश्‍वरे निवसति, परमेश्‍वरश्‍च तस्‍मिन्‌। वयं जानीमः यत्‌ सः अस्‍मासु निवसति; यतः सः अस्‍मभ्‍यम्‌ स्‍वात्‍मानम्‌ दत्तवान्‌।