Read Sanskrit प्रकाशनाग्रन्‍थः 13 Bible Online

प्रकाशनाग्रन्‍थः 13 - Sanskrit bible

प्रकाशनाग्रन्‍थः 13

¹तदा अहम्‌ एकं पशुम्‌ समुद्रस्‍य ऊपरि आगच्‍छन्‌ अपश्‍यम्‌। तस्‍य दशशृंगाः सप्‍तशिरांसि च आसन्‌। तस्‍य शृंगेषु दशमुकुटानि आसन्‌। प्रत्‍येके शिरसि एकम्‌ ईशनिन्‍दकस्‍य नाम अंकितम्‌ आसीत्‌।

²मया यः पशुः दृष्‍टः, सः तरक्षोः इव आसीत्‌, परन्‍तु तस्‍य पादौ भल्‍लूकस्‍य पादयोः सदृशौ आस्‍ताम्‌, तस्‍य मुखं सिंहस्‍य मुखम्‌ इव आसीत्‌। पक्षयुक्‍तः सर्पः तस्‍मै निजसामर्थ्‍यम्‌, सिंहासनं, महान्‍तम्‌ अधिकारम्‌ च अददात्‌।

³इत्‍थं प्रतीयते स्‍म, यत्‌ तस्‍मिन्‌ शिरसि सांघातिकः प्रहारः कृतः आसीत्‌, परन्‍तु सः स्‍वस्‍थः अभवत्‌। समस्‍तः संसारः आश्‍चर्यचकितः भूत्‍वा पशोः अनुसरणं कृतवान्‌।

⁴जनैः पक्षयुक्‍तसर्पः पूजितः, यतः तेन पशवे अधिकारः दत्तः। ते इत्‍थम्‌ कथयन्‍तः पशोः पूजितवन्‍तः, “अस्‍य पशोः समतां कर्तुम्‌ कः शक्‍नोति? अनेन सह युद्धाय समर्थः कः अस्‍ति?

⁵पशवे आत्‍मप्रशंसां कर्तुम्‌, तथैव ईशनिन्‍दायाः अनुमतिः, द्वाचत्‍वारिंशत्‌ मासान्‌ यावत्‌ प्रदत्ता च।

⁶अस्‍यां स्‍थितौ सः परमेश्‍वरस्‍य अपमानं कर्तुम्‌ आरब्‍धवान्‌। परमेश्‍वरस्‍य नाम, तस्‍य निवासस्‍थानं, स्‍वर्गस्‍य निवासिनाम्‌ अनिन्‍दयत्‌।

⁷तस्‍मै, सिद्धपुरुषैः सह युद्धाय, तान्‌ पराजयितुम्‌ अनुमतिश्‍च, प्राप्‍ता आसीत्‌। तस्‍मै, प्रत्‍येके कुले, प्रजातौ, भाषायां, राष्‍ट्रे च अधिकारः प्रदत्तः।

⁸भुवः ते सर्वे निवासिनः पशोः पूजिष्‍यन्‍ति, येषां नामानि वधकृतस्‍य मेषस्‍य जीवनग्रन्‍थे संसारस्‍य प्रारंभात्‌ अंकितानि न सन्‍ति।

⁹यस्‍य कर्णौ स्‍तः, शृणोतु।

¹⁰येन बन्‍दी भवितुं निश्‍चितम्‌, सः बन्‍दी करिष्‍यते। यस्‍य असिना मृत्‍युः निश्‍चिता, सः असिना मरिष्‍यते। इदानीं सन्‍तानाम्‌ धैर्यस्‍य विश्‍वासस्‍य च समयः वर्तते।

¹¹तदा अहम्‌ एकमपरं पशुम्‌ भुवः उपरि आगच्‍छन्‌ अपश्‍यम्‌। मेषस्‍य शृंगस्‍य इव तस्‍य द्वौ शृंगौ आस्‍ताम्‌। सश्‍च पक्षयुक्‍तसर्पस्‍य सदृशः अवदत्‌।

¹²सः प्रथमपशोः निरीक्षणे तस्‍य समस्‍तस्‍य अधिकारस्‍य उपयोगं करोति। सः भुवा, तस्‍य निवासिभिश्‍च प्रथमपशोः, यः संघातिकात्‌ व्रणात्‌ स्‍वस्‍थः अभवत्‌, पूजाम्‌ कारयति।

¹³सः महान्‌ चमत्‍कारम्‌ दर्शयति, न केवलम्‌ एतावत्‌, जनानाम्‌ पश्‍यन्‍तः एव भुवि अग्‍नेः वृष्‍टिं करोति।

¹⁴पशोः निरीक्षणे तस्‍मै यान्‌ चमत्‍काराण्‌ दर्शयितुम्‌ अनुमतिः प्राप्‍ता, तैः चमत्‍कारैः सः भुवः निवासिनः मतिभ्रष्‍टान्‌ करोति। सः भुवः निवासिभिः तस्‍य पशोः आदरे एकस्‍याः प्रतिमायाः निर्माणं कारयति, या असेः प्रहारे भविते सति अपि जीवितः अस्‍ति।

¹⁵तस्‍मै पशोः प्रतिमायां प्राणस्‍थापनायाः अधिकारः दत्तः, यस्‍य फलस्‍वरूपे सा प्रतिमा वक्‍तुं समर्था आसीत्‌। तया ते सर्वे हताः ये पशोः प्रतिमायाः न आराधयन्‍ते स्‍म।

¹⁶सः अन्‍यः पशुः सर्वान्‌ जनान्‌, बालकान्‌ युवकान्‌ वा, धनिनः द्ररिद्रान्‌ वा, स्‍वतंत्रान्‌ दासान्‌ वा, बाध्‍यति स्‍म यत्‌ ते दक्षिणे हस्‍ते, ललाटे वा चिन्‍हं कुर्वन्‍तु।

¹⁷यस्‍मिन्‌ तत्‌ चिन्‍हं, पशोः नाम, तस्‍य नाम्‍नः संख्‍या वा, न अंकिता, सः क्रयविक्रयं कर्तुम्‌ न शक्‍नोति।

¹⁸अत्र प्रज्ञायाः आवश्‍यकता अस्‍ति। सः बुद्धिमान्‌ अस्‍ति, यः पशोः नाम गणयति, यतः सा कस्‍यचित्‌ मनुष्‍यस्‍य नाम्‍नः संख्‍या अस्‍ति, तस्‍य संख्‍या षष्‍ठषष्‍टिाधिकम्‌ एकशतम्‌ अस्‍ति।