Read Sanskrit प्रकाशनाग्रन्‍थः 15 Bible Online

प्रकाशनाग्रन्‍थः 15 - Sanskrit bible

प्रकाशनाग्रन्‍थः 15

¹मया स्‍वर्गे एकं महत्‌ आश्‍चर्यजनकं चिन्‍हम्‌ अदृश्‍यत, सप्‍तस्‍वर्गदूताः सप्‍तविपत्तीः गृहीताः आसन्‌। इमाः अन्‍तिमाः विपतयः सन्‍ति, यतः एताभिः परमेश्‍वरस्‍य क्रोधः पूर्णः भवति।

²अहम्‌ अग्‍निना मिश्रितस्‍फटिकस्‍य समुद्रस्‍य सदृशः कित्र्चित्‌ अपश्‍यम्‌। ये जनाः पशोः, तस्‍य प्रतिमायाम्‌, तस्‍य नाम्‍नः संख्‍यायां विजयिनः अभवन्‌, ते स्‍फटिकस्‍य समुद्रे स्‍थिताः आसन्‌। ते परमेश्‍वरस्‍य वीणाः गृहीत्‍वा

³परमेश्‍वरस्‍य दासस्‍य मूसामहाशयस्‍य, मेषस्‍य च गानं गायन्‍तः कथयन्‍तः आसन्‌, “सर्वशक्‍तिमान्‌ प्रभो परमेश्‍वर! तव कार्याणि अपूर्वाणि सन्‍ति। राष्‍ट्राणाम्‌ नृप! तव मार्गाः न्‍यायसंगताः सत्‍याश्‍च सन्‍ति।

⁴“प्रभो! कः त्‍वयि न श्रद्धयिष्‍यति, तव नाम्‍नः स्‍तुतिं न करिष्‍यति? यतः भवान्‌ पवित्रः अस्‍ति। सर्वे राष्‍ट्राः आगत्‍य तव आराधनां करिष्‍यन्‍ति, यतः तव न्‍यायसंगताः निर्णयाः प्रकटाः सन्‍ति।”

⁵अस्‍य पश्‍चात्‌ अहम्‌ अपश्‍यम्‌ यत्‌ स्‍वर्गे साक्षीपटमंडपस्‍य मन्‍दिरस्‍य उद्‌घाटनं भवति।

⁶तस्‍मात्‌ सप्‍तविपत्तीः नीत्‍वा सप्‍तस्‍वर्गदूताः बहिः आगच्‍छन्‌। तेषां वस्‍त्राणि स्‍वच्‍छानि उज्‍जवलानि च आसन्‌। तेषां वक्षस्‍थले स्‍वर्णमेखलाः बद्धाः आसन्‌।

⁷चतुःप्राणिषु एकः सप्‍तस्‍वर्गदूतेभ्‍यः सप्‍तस्‍वर्णस्‍य पात्राणि अददात्‌, ये युगयुगान्‍तं यावत्‌ जीवितस्‍य परमेश्‍वरस्‍य क्रोधेण पूरिताः आसन्‌।

⁸परमेश्‍वरस्‍य महिम्‍नः, तस्‍य सामर्थ्‍यस्‍य कारणात्‌ कोऽपि अन्‍यः, तावत्‌ मन्‍दिरे प्रवेशयितुम्‌ न अशक्‍नोत्‌, यावत्‌ सप्‍तस्‍वर्गदूतानाम्‌ सप्‍तविपत्तयः पूर्णाः न भवेयुः।