Read Sanskrit प्रकाशनाग्रन्‍थः 17 Bible Online

प्रकाशनाग्रन्‍थः 17 - Sanskrit bible

प्रकाशनाग्रन्‍थः 17

¹ये सप्‍तस्‍वर्गदूताः सप्‍तपात्राणि गृहीताः, तेषु एकः मम समीपे आगत्‍य अवदत्‌, “आगच्‍छतु, अहं भवन्‍तं तस्‍याः महावेश्‍यायाः दण्‍डं दर्शिष्‍यामि, या समुद्रस्‍य तटे विराजमाना अस्‍ति।

²संसारस्‍य नृपाः तया सह व्‍यभिचारं कृतवन्‍तः। भुवः निवासिनः तस्‍याः व्‍यभिचारस्‍य मदिरां पीत्‍वा मत्ताः अभवन्‌।”

³अहम्‌ आत्‍मना आविष्‍टः अभवम्‌, स्‍वर्गदूतश्‍च मां निर्जनप्रदेशं प्रति नीतवान्‌। तत्र मया एका स्‍त्री एकस्‍मिन्‌ लोहितपशौ उपविष्‍टा दृष्‍टा। पशोः समस्‍ते शरीरे ईशनिन्‍दकाः शब्‍दाः अंकिताः आसन्‌। तस्‍याः सप्‍तानि शिरांसि दशशृंगाश्‍च आसन्‌।

⁴स्‍त्री नीललोहितं, लोहितवस्‍त्रं च धारितवती, स्‍वर्णमणिभिः, मुक्‍ताभिश्‍च विभूषिता आसीत्‌। तस्‍याः हस्‍ते स्‍वर्णस्‍य पात्रमासीत्‌, यः तस्‍याः व्‍यभिचारस्‍य घृणितैः दूषितैश्‍च कर्मभिः पूरितमासीत्‌।

⁵तस्‍याः ललाटे एकं रहस्‍यनाम अंकितम्‌ आसीत्‌- “बेबीलोननगरि! वेश्‍यानाम्‌ भुवश्‍च सर्वेषाम्‌ घृणितकर्मणां माता।”

⁶मया दृष्‍टम्‌ यत्‌ सा स्‍त्री सिद्धपुरुषानां रक्‍तं, येशोः साक्षिणाम्‌ रक्‍तं पीत्‍वा मत्ता अस्‍ति। तां दृष्‍ट्‌वा अहम्‌ आश्‍चर्यचकितः अभवम्‌।

⁷स्‍वर्गदूतः मां कथितवान्‌, “भवान्‌ किमर्थम्‌ आश्‍चर्यम्‌ करोति? अहं भवन्‍तं तस्‍याः स्‍त्रियाः रहस्‍यं कथयिष्‍यामि तस्‍य पशोश्‍च अपि, यस्‍मिन्‌ सा आरुढ़ा अस्‍ति, यस्‍य सप्‍तशिरांसि दशशृंगाश्‍च सन्‍ति।

⁸“भवान्‌ यं पशुम्‌ अपश्‍यत्‌, यः आसीत्‌, इदानीं च नास्‍ति, सः अगाधगर्त्तात्‌ ऊपरि आगमिष्‍यति, तस्‍य च सर्वनाशः भविष्‍यति। भुवः ते निवासिनः, येषां नामानि संसारस्‍य प्रारम्‍भात्‌ जीवन-ग्रन्‍थे अंकितानि न सन्‍ति, पशुम्‌ दृष्‍ट्‌वा आश्‍चर्यचकिताः भविष्‍यन्‍ति, यतः सः आसीत्‌ इदानीं च नास्‍ति, आगम्‍यमानश्‍च अस्‍ति।

⁹अत्र बोधितुम्‌ सूक्ष्‍मबुद्धेः आवश्‍यकता अस्‍ति, सप्‍तशिरांसि, सप्‍तपर्वताः सन्‍ति, येषु सा स्‍त्री विराजमाना अस्‍ति। ते सप्‍तनृपाः अपि सन्‍ति,

¹⁰तेषु पंचनृपाणाम्‌ सर्वनाशः अभवत्‌, एकः जीवितः विद्यते, अन्‍तिमश्‍च इदानीं यावत्‌ न आगतः अस्‍ति, परन्‍तु यदा सः आगमिष्‍यति, तदा अल्‍पावधिं यावत्‌ एव स्‍थास्‍यति।

¹¹सः पशुः यः पूर्वः आसीत्‌, इदानीं च नास्‍ति, अष्‍टमः वर्तते; परन्‍तु वस्‍तुतः सः सप्‍तनृपेषु एकः विद्यते, तस्‍य च सर्वनाशः भविष्‍यति।

¹²भवान्‌ यान्‌ दशशृंगान्‌ अपश्‍यत्‌, ते दशनृपाः सन्‍ति। तेभ्‍यः इदानीं यावत्‌ राज्‍यम्‌ न प्राप्‍तम्‌, परन्‍तु क्षणं यावत्‌ एव पशुना सह राज्‍याधिकारः प्रदास्‍यते।

¹³तेषाम्‌ एकः एव अभिप्रायः वर्तते - ते स्‍व सामर्थ्‍यंम्‌ अधिकारं च पशवे अर्पिष्‍यन्‍ति।

¹⁴ते मेषेन सह युधिष्‍यन्‍ति, मेषेन पराजिताः भविष्‍यन्‍ति; यतः सः प्रभूनाम्‌ प्रभुः, नृपाणाम्‌ नृपश्‍च वर्तते। मेषेन सह तस्‍य अनुयायिनः विजयिनः भविष्‍यन्‍ति ते आहूताः सन्‍ति, निर्वाचिताः, विश्‍वासिनश्‍च सन्‍ति।”

¹⁵स्‍वर्गदूतः माम्‌ उवाच, “भवान्‌ यं समुद्रम्‌ अपश्‍यत्‌, यत्र महावेश्‍या उपविष्‍टा अस्‍ति, तस्‍य समुद्रस्‍य अर्थः अस्‍ति-प्रजातयः, जनसमूहाः, राष्‍ट्राः भाषाः च।

¹⁶भवान्‌ यान्‌ दशशृंगान्‌ पशुम्‌ च अपश्‍यत्‌, ते वेश्‍यया सह शत्रुतां करिष्‍यन्‍ति। ते तां नग्‍नां कृत्‍वा एकाकीं त्‍यक्ष्‍यन्‍ति, तस्‍याः मांसं भक्षयिष्‍यन्‍ति, ताम्‌ अग्‍निना धक्ष्‌यन्‍ति;

¹⁷यतः परमेश्‍वरः तेषां मनस्‍सु इमं विचारम्‌ अजनयत्‌ यत्‌ ते तस्‍य अभिप्रायं पूरयन्‍तु। ते एकमतभूत्‍वा पशवे तावत्‌ स्‍व राज्‍यं समर्पितवन्‍तः, यावत्‌ परमेश्‍वरस्‍य वचनं न पूरयतु।

¹⁸भवता या स्‍त्री दृष्‍टा, सा तु महानगरमस्‍ति, यत्‌ भुवः नृपेषु शास्‍ति।”