Read Sanskrit प्रकाशनाग्रन्‍थः 19 Bible Online

प्रकाशनाग्रन्‍थः 19 - Sanskrit bible

प्रकाशनाग्रन्‍थः 19

¹तत्‌पश्‍चात्‌ अहं स्‍वर्गे एकविशालस्‍य जनसमुदायस्‍य इव उच्‍चध्‍वनिं गायन्‍ती अशृण्‍वम्‌, “प्रभोः स्‍तुतिं कुरुत। अस्‍माकम्‌ ईश्‍वराय विजयः, महिमा सामर्थ्‍यश्‍च!

²यतः तस्‍य निर्णयाः निष्‍कपटाः न्‍यायसंगताश्‍च सन्‍ति। तेन सा महावेश्‍या दण्‍डिता, या स्‍व व्‍यभिचारेण वसुधाम्‌ अदूषयत्‌ परमेश्‍वरः तस्‍याः स्‍व सेवकानां रक्‍तस्‍य प्रतिशोधं गृहीतवान्‌।”

³तदा सः पुनः उच्‍चस्‍वरे आह्‌वयन्‌ अवदत्‌, “प्रभोः स्‍तुतिम्‌ कुरुत! महानगर्याः ज्‍वलनस्‍य धूमः युगयुगान्‍तं यावत्‌ उत्‍थास्‍यति।”

⁴चतुर्विशंति धर्मवृद्धाः, चतुप्राणिनश्‍च अधोमुखं भूत्‍वा अपतन्‌ तेश्‍च एवं कथयन्‍तः सिंहासने विराजमानस्‍य परमेश्‍वरस्‍य आराधनां कृतवन्‍तः, “तथास्‍तु! प्रभोः स्‍तुतिं कुरुत।”

⁵तत्‌पश्‍चात्‌ सिंहासनात्‌ एका वाणी एवं कथयन्‍ती अश्रूयत, “यूयं सर्वे, ये परमेश्‍वरं सेवध्‍वे, अबालयुवकाश्‍च, यूयं ये, तस्‍मिन्‌ श्रद्‌धयथ, अस्‍माकम्‌ परमेश्‍वरस्‍य स्‍तुतिं कुरुत।”

⁶तत्‍पश्‍चात्‌ अहम्‌ एकस्‍य विशालस्‍य जनसमुदायस्‍य इव ध्‍वनिं, अर्णवस्‍य तरंगानाम्‌ च, गर्जनं कुर्वन्‍तः मेघानाम्‌ इव ध्‍वनिम्‌ एवं कथयन्‍ती अशृण्‍वम्‌, “प्रभोः स्‍तुतिं कुरुत। अस्‍माकं सर्वशक्‍तिमान्‌ प्रभुः परमेश्‍वरः राज्‍याधिकारं गृहीतवान्‌।

⁷वयम्‌ उल्‍लसिताः भूत्‍वा आनन्‍दिताः भवेम, परमेश्‍वरस्‍य महिमानम्‌ गायेम च, यतः मेषस्‍य विवाहोत्‍सवस्‍य समयः आगतः। तस्‍य वधूः स्‍व शृंगारं कृतवती,

⁸स्‍वच्‍छम्‌ उज्‍जवलं उत्तमक्षौमस्‍य वस्‍त्रेण सुसज्‍जिता अस्‍ति। इदं वस्‍त्रं सिद्धपुरुषानाम्‌ धर्माचरणस्‍य प्रतीकम्‌ अस्‍ति।”

⁹स्‍वर्गदूतेन अहं कथितम्‌, “इदं लिख-धन्‍याः ते सन्‍ति, ये मेषस्‍य विवाहभोजे निमन्‍त्रिताः सन्‍ति।” सः माम्‌ अपि उक्‍तवान्‌ “इमे परमेश्‍वरस्‍य सत्‍याः शब्‍दाः सन्‍ति।”

¹⁰तदा अहम्‌ तस्‍य आराधनाय तस्‍य चरणयोः अपतम्‌, परन्‍तु तेन अहं कथितम्‌, “भवान्‌ एवं मा करोतु। अहमपि भवतः, भवतश्‍च भ्रातॄणाम्‌ इव ये येशुमसीहेन प्रदत्तं साक्ष्‍यं सुरक्षितं निधायन्‍ति, तेषाम्‌ सेवकः अस्‍मि। भवान्‌ परमेश्‍वरम्‌ एव आराधयतु। यतः येशुमसीहस्‍य साक्षी नबूवतस्‍य आत्‍मा अस्‍ति।”

¹¹“तदा अहम्‌ अपश्‍यम्‌ यत्‌ स्‍वर्गः उद्‌घाटितः अस्‍ति। एकः उज्‍ज्‍वलः अश्‍वः अदृश्‍यत, अश्‍वरोही सः विश्‍वसनीयः निष्‍कपटश्‍च कथयते। सः न्‍यायस्‍य अनुसारेण विचारयति, युध्‍यति च।

¹²तस्‍य नेत्रे अग्‍नेः इव प्रज्‍वलतः, तस्‍य शिरसि अनेकानि मुकुटानि सन्‍ति। तस्‍य शरीरे एकं नाम अंकितमस्‍ति, तत्‌ तस्‍य अतिरिक्‍तः अन्‍यः कोऽपि न जानाति।

¹³स रक्‍तरंजितम्‌ वस्‍त्रं धारितम्‌ अस्‍ति, तस्‍य च नाम अस्‍ति - “परमेश्‍वरस्‍य शब्‍दः।”

¹⁴स्‍वर्गस्‍य चम्‍वः, उज्‍ज्‍वलं, स्‍वच्‍छं उत्तमक्षौमस्‍य वस्‍त्रं धारयित्‍वा उज्‍ज्‍वलेषु अश्‍वेषु आरुह्‌य तम्‌ अनुगच्‍छन्‍ति।

¹⁵राष्‍ट्रान्‌ वधाय तस्‍य मुखात्‌ एका तीक्ष्‍णा असिः निर्गच्‍छति। सः लौहदण्‍डेन तेषु शासनं करिष्‍यति, सर्वशक्‍तिमतः परमेश्‍वरस्‍य कोपस्‍य द्राक्षाप्रेषणयन्‍त्रं परिमर्दिष्‍यति।

¹⁶“तस्‍य जंघायाः वस्‍त्रे, इदं नाम अंकितम्‌ अस्‍ति, “नृपाणाम्‌ नृपः, प्रभुणाम्‌ प्रभुश्‍च।”

¹⁷तदा अहं एकं स्‍वर्गदूतं सूर्ये स्‍थितः अपश्‍यम्‌। सः उच्‍चस्‍वरे क्रोशन्‌ मध्‍यनभसि उड्‌ड्‌यन्‍तः पक्षिणः अवदत्‌, “आगच्‍छ! महतश्‍च परमेश्‍वरस्‍य महाभोजाय एकत्राः भवत। यूयं नृपाणाम्‌, चमूपतीनां, शूरवीरानाम्‌ अश्‍वाणाम्‌, सर्वेषाम्‌ च-स्‍वतंत्राणां दासानाम्‌ वा, बालानां युवकानां वा मांसं भक्षयत।

¹⁹तदा अहं पशुम्‌ भुवश्‍च नृपान्‌ अपश्‍यम्‌, ताः चमूः अपि याः अश्‍वरोहिभिः सह तथा तस्‍य चम्‍वा सह युद्‌धाय एकत्राः कृताः आसन्‌।

²⁰पशुः बन्‍दी कृतः, तेन सह सः कपटी भविष्‍यवक्‍ता अपि, यः पशोः निरीक्षणे चमत्‍कारं दर्शयित्‍वा तान्‌ दुष्‍प्रेरयति स्‍म, ये पशोः चिन्‍हं गृहीतवन्‍तः, तस्‍य प्रतिमायाः आराधनां कृतवन्‍तश्‍च। तौ द्वौ जीवितौ एव ज्‍वलतः गन्‍धकस्‍य अग्‍निकुण्‍डे प्रक्षिप्‍तौ।

²¹अवशिष्‍टाः जनाः अश्‍वरोहिणः मुखात्‌ निर्गच्‍छन्‌ चन्‍द्रहासेन हताः, सर्वे खगाः तेषां मांसं खादित्‍वा तृप्‍ताः अभवन्‌।