Read Sanskrit प्रकाशनाग्रन्‍थः 2 Bible Online

प्रकाशनाग्रन्‍थः 2 - Sanskrit bible

प्रकाशनाग्रन्‍थः 2

¹एफ़ेसुसस्‍य कलीसियायाः दूतम्‌ प्रति इदम्‌ लिख - “येन स्‍वदक्षिणे हस्‍ते सप्‍तनक्षत्राणि धृतानि सन्‍ति, स्‍वर्णस्‍य सप्‍तदीपाधाराणां मध्‍ये च भ्रमति, तस्‍य संदेशः ईदृशः अस्‍ति ः

²अहं तव आचरणेन, तव परिश्रमेण, धैर्येण च परिचितो ऽस्‍मि। अहं जानामि यत्‌ त्‍वं दुष्‍टान्‌ न सहिष्‍यसे। ये स्‍वयं प्रेरिताः कथयन्‍ति, किन्‍तु न सन्‍ति, ते त्‍वया परीक्षिताः, असत्‍याः प्रमाणिताश्‍च।

³तव पार्श्‍वे धैर्यम्‌ अस्‍ति। त्‍वं मम नाम्‍नि कष्‍टानि असहथाः, परन्‍तु तैः कष्‍टैः पराजितः न अभवः।

⁴परन्‍तु त्‍वां प्रति मम दुःखनिवेदनम्‌ इदमस्‍ति, यत्‌ त्‍वया स्‍वयं प्रथमः धर्मोत्‍साहः त्‍यक्‍तः।

⁵अस्‍मिन्‌ विचारय यत्‌ त्‍वं कियत्‌ उच्‍चस्‍थानात्‌ अपतः। प्रायश्‍चित्तं कुरु, पूर्ववत्‌ आचरणं कुरु च। अन्‍यथा अहं तव पार्श्‍वे आगत्‍य तव दीपाधारं तस्‍य स्‍थानात्‌ पृथकः करिष्‍यामि।

⁶तथापि त्‍वयि अयं सद्‌गुणः वर्तते, यत्‌ त्‍वं मम इव निकोलासस्‍य अनुयायिनाम्‌ कार्येभ्‍यः जुगुप्‍ससे।

⁷“यस्‍य कर्णौ स्‍तः, सः शृणोतु यत्‌ आत्‍मा कलीसियाः प्रति किं वदति। अहं विजयिने तस्‍य वृक्षस्‍य फलानि दास्‍यामि, यः परमेश्‍वरस्‍य स्‍वर्गवाटिकायाः मध्‍ये वर्तते।

⁸“स्‍मुरनः कलीसियायाः स्‍वर्गदूतं लिख - “यः प्रथमः अन्‍तिमश्‍च अस्‍ति, यः अम्रियत, पुनर्जीवितः अभवत्‌, तस्‍य संदेशः ईदृशः अस्‍ति ः

⁹“अहं तव संकटं दरिद्रतां च जानामि - तथापि त्‍वं धनसमृद्धः असि - अहम्‌ इदम्‌ अपि जानामि यत्‌ ते जनाः तव विरोधे अपशब्‍दान्‌ कथयन्‍ति, ये स्‍वं “यहूदिनः” कथयन्‍ति, किन्‍तु यहूदिनः न भूत्‍वा पिशाचस्‍य अनुयायिनः सन्‍ति।

¹⁰त्‍वं यानि कष्‍टानि सहिष्‍यसे, तेभ्‍यः मा बिभीहि। पिशाचः तव परीक्षां गृहीतुं युष्‍मासु केचित्‌ जनान्‌ कारागारे स्‍थापयिष्‍यति, इत्‍थं यूयं दशदिनानि यावत्‌ संकटे भविष्‍यथ। यूयं मृत्‍युं पर्यन्‍तं विश्‍वस्‍ताः तिष्‍ठत, अहं युष्‍मभ्‍यम्‌ जीवनस्‍य किरीटं दास्‍यामि।

¹¹“यस्‍य कर्णौ स्‍तः, सः शृणोतु यत्‌ आत्‍मा कलीसियाः किं वदति। विजयिने द्वितीयमृत्‍युणा काऽपि हानिःन भविष्‍यति।

¹²पेरगामोनस्‍य कलीसियायाः स्‍वर्गदूतं लिख - “यस्‍य पार्श्‍वे तीक्ष्‍णा द्विधारा असिः विद्‌यते, तस्‍य संदेशः ईदृशः अस्‍ति ः

¹³“अहं जानामि यत्‌ तव निवासः कुत्र अस्‍ति, सः तत्र अस्‍ति, यत्र पैशाचस्‍य सिंहासनम्‌ अस्‍ति। तथापि त्‍वं मम नाम दृढं करोषि, तेषु दिवसेषु अपि मयि विश्‍वासं न अत्‍यजः, यदा मम निष्‍कपटः साक्षी अन्‍तिपसः, तव नगरे, यत्‌ दुष्‍टात्‍मनः निवासस्‍थानमस्‍ति - हतः।

¹⁴परन्‍तु त्‍वां प्रति मम कित्र्चित्‌ दुःखनिवेदनम्‌ अपि अस्‍ति। तव मध्‍ये केचित्‌ जनाः ईदृशाः सन्‍ति, ये बिलआमस्‍य शिक्षां मन्‍यन्‍ते। बिलआमः, बालाकम्‌ इस्राएलिनाम्‌ मार्गे अवरोधम्‌ उपस्‍थापनाय परामर्शम्‌ दतवान्‌, येन ते देवेभ्‍यः अर्पितं मासं भक्षयेयुः, व्‍यभिचारं कुर्युश्‍च।

¹⁵तव मध्‍ये केचित्‌ जनाः ईदृशाः सन्‍ति, ये निकोलासस्‍य अनुयायिनाम्‌ शिक्षां मन्‍यन्‍ते।

¹⁶अतएव पश्‍चात्तापं कुरु, अन्‍यथा अहम्‌ शीघ्रमेव तव समीपे आगत्‍य स्‍व मुखस्‍य खड्‌गेन तैः सह योत्‍स्‍ये।

¹⁷“यस्‍य कर्णौ स्‍तः, सः शृणोतु यत्‌ कलीसियाः प्रति आत्‍मा किं वदति। अहं विजयिने गूहितां मन्‍नाम्‌, एकं श्‍वेतं प्रस्‍तरं च दास्‍यामि। तस्‍मिन्‌ प्रस्‍तरे एकं नूतनं नाम अंकितं भविष्‍यति, यत्‌ प्राप्‍तनरस्‍य अतिरिक्‍तः कोऽपि न जानाति।

¹⁸“थुआतिरायाः कलीसियायाः स्‍वर्गदूतं प्रति एवं लिख- “यस्‍य नेत्रे अग्‍नेः शिखायाः इव स्‍तः, यस्‍य पादौ च भ्राष्‍ट्रे शोधितस्‍य पित्तलस्‍य इव भासेते, तस्‍य परमेश्‍वरस्‍य सन्‍देशः ईदृशः अस्‍ति;

¹⁹अहं तव आचरणेन, तव भ्रातृप्रेम्‍ना, तव विश्‍वासेन, तव धर्मसेवया तव धैर्येण च परिचितः अस्‍मि। अहं जानामि यत्‌ त्‍वया पूर्वात्‌ अपि अधिकः परिश्रमः कृतः।

²⁰परन्‍तु मम दुःखनिवेदनम्‌ अस्‍ति यत्‌ सा स्‍त्री “ईज़ेबेल नाम” तव मध्‍ये निवसति। सा स्‍वां भविष्‍यवक्‍त्री कथयति, स्‍व शिक्षया मम सेवकान्‌ व्‍यभिचारं कर्तुम्‌, देवेभ्‍यः अर्पितमांसान्‌ भोक्‍तुम्‌ प्रलोभनं ददाति।

²¹मया तस्‍यै पश्‍चात्तापं कर्तुम्‌ अवसरः दत्तः, परन्‍तु सा व्‍यभिचाराय पश्‍चात्तापं कर्तुम्‌ न इच्‍छति।

²²पश्‍य, अहं तां रोग-शय्‍यायां पातयिष्‍यामि, तया सह व्‍यभिचारिणः तस्‍याः कर्मभिः विमुखाः न भविष्‍यन्‍ति चेत्‌, तदा तेभ्‍यः घोरविपत्तीः दास्‍यामि।

²³अहं तेषां सन्‍ततिं हनिष्‍यामि, सर्वाः कलीसियाः ज्ञास्‍यन्‍ति, यत्‌ अहं सोऽहम्‌, यः मनसः हृदयस्‍य च वस्‍तुस्‍थितिं गृह्‌णामि, प्रत्‍येकजनेभ्‍यः तस्‍य कर्मणाम्‌ फलं दास्‍यामि।

²⁴थुआतीरायाः ये जनाः इमां शिक्षां न मन्‍यन्‍ते, दुष्‍टात्‍मनः दुर्बोधं भेदं न जानन्‍ति, ते सर्वे मया इदं कथ्‍यन्‍ते-यत्‌ मया युष्‍मासु कोऽपि नूतनः भारः न स्‍थापयिष्‍यते।

²⁵या शिक्षा तव पार्श्‍वे अस्‍ति, मम आगमनं यावत्‌ तस्‍यां दृढ़ाः तिष्‍ठत।

²⁶“यः विजयी भविष्‍यति, यः अन्‍तिमक्षणं यावत्‌ मम इच्‍छां पूरिष्‍यति, अहं तस्‍मै राष्‍ट्रेषु तम्‌ अधिकारं दास्‍यामि,

²⁷यं मम पिता मह्‌यम्‌ अददात्‌। सः लौहदण्‍डेन राष्‍ट्रेषु शासनं करिष्‍यति, तान्‌ मृत्तिकायाः पात्राणाम्‌ इव नशिष्‍यति, अहं तस्‍मै प्रभातस्‍य नक्षत्रं दास्‍यामि।

²⁹यस्‍य कर्णौ स्‍तः, सः शृणोतु यत्‌ आत्‍मा कलीसियाः किं वदति।