Read Sanskrit प्रकाशनाग्रन्‍थः 20 Bible Online

प्रकाशनाग्रन्‍थः 20 - Sanskrit bible

प्रकाशनाग्रन्‍थः 20

¹अस्‍य पश्‍चात्‌ अहम्‌ एकं स्‍वर्गदूतं स्‍वर्गात्‌ अवतरन्‌ अपश्‍यम्‌। तस्‍य हस्‍ते अगाधगर्त्तस्‍य कुंचिका, एका महती शृंखला च आसीत्‌।

²सः पक्षयुक्‍तं सर्पंम्‌ तं प्राचीनं सर्पम्‌ दुष्‍टात्‍मानं वा, धृत्‍वा सहस्रेभ्‍यः वर्षेभ्‍यः बद्‌ध्‍वा

³अगाधगर्त्ते अस्‍थापयत्‌। तेन अगाधगर्त्ते विहितः। तस्‍मिन्‌ मुद्रिकां अस्‍थापयत्‌ येन सः सर्पः सहस्रवर्षाणि यावत्‌ राष्‍ट्रान्‌ न छलिष्‍यति। अस्‍य पश्‍चात्‌ अल्‍पावधेः स्‍वतंत्रः कर्तुम्‌ आवश्‍यकमस्‍ति।

⁴मया सिंहासनानि दृष्‍टानि, ये तेषु उपवेष्‍टुम्‌ आगतवन्‍तः, तेभ्‍यः न्‍यायस्‍य अधिकारः प्रदत्तः। मया तेषाम्‌ आत्‍मनः अपि दृष्‍टाः येषां शिरांसि मसीहस्‍य साक्ष्‍यस्‍य परमेश्‍वरस्‍य वचनस्‍य कारणात्‌ च छिन्नानि आसन्‌, यैः पशोः, तस्‍य प्रतिमायाः च आराधना न कृता स्‍व ललाटे हस्‍तयोः च पशोः चिन्‍हं न अंकितम्‌, ते पुनजीर्विताः भूत्‍वा मसीहेन सह सहस्रवर्षाणि यावत्‌ राज्‍यं चक्रुः।

⁵शेषाः मृतकाः सहस्रवर्षाणाम्‌ पूर्णतायाः प्रथमेव पुनर्जीविताः न अभवन्‌। इदं प्रथमं पुनरुत्‍थानम्‌ अस्‍ति।

⁶धन्‍यः पवित्रश्‍च सः अस्‍ति, यः प्रथमस्‍य पुनरुत्‍थानस्‍य सहभागी अस्‍ति। ईदृशेषु जनेषु द्वितीयमृत्‍योः कोऽपि अधिकारः नास्‍ति। ते परमेश्‍वरस्‍य मसीहस्‍य च पुरोहिताः भविष्‍यन्‍ति तेन सह सहस्रवर्षाणि यावत्‌ राज्‍यं करिष्‍यन्‍ति च।

⁷सहस्रवर्षाणाम्‌ पश्‍चात्‌ पैशाचः बन्‍दीगृहात्‌ मोक्षिष्‍यते।

⁸सः भुवः चतुकोणेषु निवसन्‍तः राष्‍ट्रान्‌ वंचयितुम्‌, गोगमगोगयोः चमूः, याः समुद्रस्‍य बालूकानां कणानाम्‌ इव असंख्‍याः सन्‍ति, युद्धाय एकत्रकर्तुम्‌ निर्गमिष्‍यति।

⁹ताः समस्‍तवसुधायां प्रसृताः सन्‍ति। ताभिः सिद्धपुरुषानाम्‌ शिविराः, परमेश्‍वरस्‍य प्रियनगरं च परिवेष्‍टितम्‌। परन्‍तु नभसः अग्‍निः अवतरत्‌, ते च तेन भस्‍मीभूताः कृताः।

¹⁰तेषां वंचकः पैशाचः, अग्‍नेः गन्‍धकस्‍य च कुण्‍डे प्रक्षिप्‍तः, यत्र पशुः असत्‍यवादी भविष्‍यवक्‍ता च प्रक्षिप्‍तौ आस्‍ताम्‌। ते युगयुगान्‍तं यावत्‌ यन्‍त्रणां सहिष्‍यन्‍ते।

¹¹अस्‍य पश्‍चात्‌ अहं एकं विशालं श्‍वेतसिंहासनं, तस्‍मिन्‌ विराजमानं जनम्‌ अपश्‍यम्‌। वसुधा, आकाशः च तस्‍य समक्षे लुप्‍तौ अभवताम्‌।

¹²अहं बालकान्‌ युवकान्‌ मृतकान्‌ च सिंहासनस्‍य समक्षे स्‍थिताः अपश्‍यम्‌। पुस्‍तकानि उद्‌घाटितानि। तत्‍पश्‍चात्‌ एकम्‌ अन्‍यं पुस्‍तकं अर्थात्‌ जीवनग्रन्‍थम्‌ उद्‌घाटितम्‌। पुस्‍तकेषु लिखितानाम्‌ वचनानाम्‌ आधारे मृतकानाम्‌ तेषां कर्मणाम्‌ अनुसारं न्‍यायः कृतः।

¹³समुद्रः स्‍व मृतकान्‌ प्रस्‍तुतवान्‌। तदा मृत्‍युः अधोलोकश्‍च स्‍व मृतकान्‌ प्रस्‍तुतवन्‍तौ। प्रत्‍येकस्‍य तस्‍य कर्मणाम्‌ अनुसारं न्‍यायः कृतः।

¹⁴अस्‍य पश्‍चाते मृत्‍युः अधोलोकश्‍च अग्‍निकुण्‍डे प्रक्षिप्‍तौ। अयम्‌ अग्‍निकुण्‍डः द्वितीयः मृत्‍युः अस्‍ति।

¹⁵यस्‍य नाम जीवनग्रन्‍थे न लिखितम्‌ आसीत्‌, सः अग्‍निकुण्‍डे प्रक्षिप्‍तः।