Read Sanskrit प्रकाशनाग्रन्‍थः 21 Bible Online

प्रकाशनाग्रन्‍थः 21 - Sanskrit bible

प्रकाशनाग्रन्‍थः 21

¹तदा अहं नवनभः एकां नूतनां वसुधां च अपश्‍यम्‌। प्राचीनम्‌ नभः, जगत्‌ च लुप्‍ते आस्‍ताम्‌, समुद्रः अपि अस्‍तित्‍वे न आसीत्‌।

²अहं पवित्रं नगरं, नवीनं येरुसलेमम्‌ च प्रभोः समक्षात्‌ नभसः अवतरन्‌ अपश्‍यम्‌। सः वराय सुसज्‍जिता वधोः इव अलंकृतः आसीत्‌।

³तदा मह्‌यम्‌ सिंहासनात्‌ एका गंभीरा वाणी एवं कथयन्‍ती अश्रूयत-“पश्‍य! अयम्‌ अस्‍ति जनेषु मध्‍ये परमेश्‍वरस्‍य निवासः। सः तेषां मध्‍ये निवासं करिष्‍यति। ते तस्‍य प्रजाः भविष्‍यन्‍ति, परमेश्‍वरः स्‍वयं तेषां मध्‍ये स्‍थित्‍वा तेषां निजपरमेश्‍वरः भविष्‍यति।

⁴सः तेषां नेत्राभ्‍याम्‌ अश्रूणि परिमार्जयिष्‍यति। अस्‍य पश्‍चात्‌ न मृत्‍युः, न शोकः, न विलापः, न तु दुःखं भविष्‍यति; यतः पुरातनानि वचनानि व्‍यतीतानि।”

⁵तदा सिंहासने विराजमानः जनः अवदत्‌ “पश्‍य अहं सर्वम्‌ नूतनं करिष्‍यामि।” तत्‍पश्‍चात्‌ तेन उक्‍तम्‌ - “इमानि वचनानि लिख, यतः इमानि विश्‍वसनीयानि, सत्‍यानि च सन्‍ति।” सः माम्‌ अवदत्‌,

⁶“कार्यम्‌ समाप्‍तम्‌ अभवत्‌। अलफा, ओमेगा च, आदिः अन्‍तश्‍च अहम्‌ अस्‍मि। अहं पिपासितं संजीवनजलस्‍य श्रोतेण निशुल्‍कं पाययिष्‍यामि।

⁷अयं विजयिनः विरासतः अस्‍ति। अहं तेषां परमेश्‍वरः भविष्‍यामि, ते मम पुत्राः भविष्‍यन्‍ति

⁸परन्‍तु कापुरुषाणाम्, अविश्‍वासिनाम्‌, अधमानाम्‌ वधकर्तृणाम्‌, व्‍यभिचारिणाम्‌, मूर्तिपूजकानां, सर्वप्रकारस्‍य मिथ्‍यावादिनां च अन्‍तः अयं भविष्‍यति - धधकमानाग्‍नेः गन्‍धकस्‍य च कुण्‍डे द्वितीयः मृत्‍युः।

⁹ये सप्‍तस्‍वर्गदूताः सप्‍तचषकान्‌ गृहीताः आसन्‌, येषु अन्‍तिमसप्‍तविपत्तयः पूरिताः आसन्‌, तेषु एकः मम पार्श्‍वे आगत्‍य अकथयत्‌ - “आगच्‍छतु अहं भवन्‍तं वध्‍वाः, मेषस्‍य पत्‍न्‍याः दर्शनं कारिष्‍यामि।”

¹⁰अहम्‌ आत्‍मना आविष्‍टः अभवम्‌, स्‍वर्गदूतः माम्‌ एकविशाले, उच्‍चपर्वते च नीत्‍वा पवित्रनगरीं येरुसलेम्‌ अदर्शयत। सा स्‍वर्गात्‌ परमेश्‍वरात्‌ अवतरति स्‍म।

¹¹सा परमेश्‍वरस्‍य महिम्‍ना विभूषिता आसीत्‌, बहुमूल्‍यरत्‍नस्‍य तथा उज्‍ज्‍वलसूर्यकान्‍तस्‍य इव अभाषत।

¹²तां परितः एका वृहता उच्‍चा च भित्तिः आसीत्‌, यस्‍याम्‌ द्वादशद्वाराणि आसन्‌, प्रतिद्वारस्‍य सम्‍मुखे एकः स्‍वर्गदूतः स्‍थितः आसीत्‌। द्वारेषु इस्राएलस्‍य द्वादशवंशानाम्‌ नामानि अंकितानि आसन्‌।

¹³पूर्वदिशायाम्‌ त्रीणि, उत्तरदिशायाम्‌ त्रीणि, पश्‍चिमदिशायाम्‌ त्रीणि द्वाराणि आसन्‌।

¹⁴नगरस्‍य भित्तिः, आधारस्‍य द्वादश प्रस्‍तरेषु स्‍थिता आसीत्‌, तस्‍यां मेषस्‍य द्वादशानाम्‌ पे्ररितानां नामानि अंकितानि आसन्‌।

¹⁵यः मया सह वार्तालापं कुर्वन्‌ आसीत्‌, तस्‍य पार्श्‍वे नगरं, तस्‍य द्वारं, तस्‍य भित्तिं च मापयितुम्‌ एकः मापकदण्‍डः, सुवर्णस्‍य वेतसः आसीत्‌।

¹⁶नगरं वर्गाकारम्‌ आसीत्‌। तस्‍य आयामः तस्‍य परिणाहस्‍य समः आसीत्‌। स्‍वर्गदूतः वेतसेन नगरम्‌ अमापयत्‌ यत्‌ द्वादशसहस्रम्‌ द्विशताधिकम्‌ विंशतिः किलोमीटरः आसीत्‌। तस्‍य उत्‍सेधः आयामः, परिणाहश्‍च समः आसन्‌।

¹⁷सः तस्‍य भित्तिम्‌ अमापयत्‌, तदा मनुष्‍येषु प्रचलितस्‍य मापकस्‍य अनुसारं, यस्‍य स्‍वर्गदूतेन प्रयोगः कृतः चतुचत्‍वारिंशतमधिकम्‌ एकशतं हस्‍तः अभवत्‌।

¹⁸नगरस्‍य भित्तिः सूर्यकान्‍तेन निर्मिता, परन्‍तु नगरं विशुद्धस्‍वर्णेन निर्मितम्‌ आसीत्‌, यत्‌ स्‍फटिकस्‍य इव अभासत।

¹⁹भित्‍याः आधारः विभिन्‍नप्रकाराणाम्‌ रत्‍नैः निर्मितः। प्रथमः परतः सूर्यकान्‍तस्‍य, द्वितीयः नीलमस्‍य, तृतीयः गोदन्‍त्‍याः, चतुर्थः मरकतस्‍य,

²⁰पंचमः गोमेदकस्‍य, षष्‍ठः रुधिराख्‍यस्‍य, सप्‍तमः स्‍वर्णमणेः, अष्‍टमः फीरोजस्‍य, नवमः पुखराजस्‍य, दशमः रुद्राक्षकस्‍य, एकादशः धूमकान्‍तस्‍य, द्वादशः चन्‍द्रकान्‍तस्‍य।

²¹द्वादशद्वाराणि द्वादशमुक्‍ताभिः निर्मितानि। प्रत्‍येकद्वारं एकया मुक्‍तया निर्मितम्‌। नगरस्‍य चतुष्‍पथः शुद्धस्‍फटिकस्‍य सदृशः विशुद्धस्‍वर्णेन निर्मितः आसीत्‌।

²²अहं तस्‍मिन्‌, कमपि मंदिरं न अपश्‍यम्‌, यतः सर्वशक्‍तिमान्‌ प्रभुः परमेश्‍वरः तस्‍य मन्‍दिरम्‌ अस्‍ति, मेषः अपि।

²³नगराय सूर्यस्‍य, चन्‍द्रस्‍य वा प्रकाशस्‍य आवश्‍यकता नास्‍ति, यतः परमेश्‍वरस्‍य महिमा, तस्‍य ज्‍योतिः, मेषः तस्‍य प्रदीपश्‍च अस्‍ति।

²⁴राष्‍ट्राः तस्‍य ज्‍योतौ चलिष्‍यन्‍ति, भुवः नृपाः च तस्‍मिन्‌ स्‍व वैभवम्‌ आनेष्‍यन्‍ते।

²⁵तस्‍य द्वाराणि दिवाकाले कदापि पिहितानि न भविष्‍यन्‍ति। तत्र कदापि रात्रिः अपि न भविष्‍यति।

²⁶तस्‍मिन्‌ राष्‍ट्राणाम्‌ वैभवः, सम्‍पत्तिश्‍च आनेष्‍येते,

²⁷परन्‍तु तस्‍मिन्‌ न तु किम्‌ अपि अपवित्रवस्‍तु प्रविशष्‍यति, न तु कश्‍चित्‌ ईदृशः व्‍यक्‍तिः, यः घृणितकार्यम्‌ करोति, असत्‍यं वदति वा। केवलाः ते प्रविष्‍यन्‍ति, येषां नामानि मेषस्‍य जीवनग्रन्‍थे अंकितानि सन्‍ति।