Read Sanskrit प्रकाशनाग्रन्‍थः 3 Bible Online

प्रकाशनाग्रन्‍थः 3 - Sanskrit bible

प्रकाशनाग्रन्‍थः 3

¹सरदैसस्‍य कलीसियायाः स्‍वर्गदूतं प्रति इमानि वचनानि लिख-“यः परमेश्‍वरस्‍य सप्‍तात्‍मनः, सप्‍तनक्षत्राणि च धारितवान्‌, तस्‍य संदेशः ईदृशः अस्‍ति; अहं तव आचरणेन परिचितः अस्‍मि। जनाः त्‍वां जीवितः मन्‍यन्‍ते, परन्‍तु त्‍वम्‌ अम्रियथाः।

²निद्रां त्‍यज। त्‍वयि यत्‌ जीवनं शेषम्‌ अस्‍ति मृतप्रायम्‌ अस्‍ति, तस्‍मिन्‌ प्राणान्‌ स्‍थापय। मया तव आचरणम्‌ स्‍व परमेश्‍वरस्‍य दृष्‍टौ अपूर्णम्‌ प्राप्‍तम्‌।

³त्‍वया या शिक्षा स्‍वीकृता श्रुता च, तस्‍याः स्‍मरय, तस्‍याः पालनं कुर्वन्‌ पश्‍चात्तापं कुरु। यदि तन्‍द्रां न त्‍यक्ष्‍यसि, तदा अहं चौरस्‍य इव आगमिष्‍यामि, त्‍वं न जानासि अहं कस्‍मिन्‌ क्षणे तव समीपे आगमिष्‍यामि।

⁴सरदैसनगरे केचित्‌ जनाः ईदृशाः तव मध्‍ये सन्‍ति, यैः स्‍व वस्‍त्राणि न दूषितानि। ते श्‍वेतवस्‍त्राणि धृत्‍वा मया सह भ्रमिष्‍यन्‍ति, यतः ते अस्‍य अर्हाः सन्‍ति।

⁵विजयी तथैव धवलं वस्‍त्रं धारिष्‍यति। जीवनग्रन्‍थात्‌ अहम्‌ तस्‍य नाम विलोपं न करिष्‍यामि परन्‍तु स्‍व पितुः, तस्‍य स्‍वर्गदूतानाम्‌ च समक्षे तं स्‍वीकरिष्‍यामि।

⁶यस्‍य कर्णौ स्‍तः, सः शृणोतु यत्‌ आत्‍मा कलीसियाः किं कथयति।

⁷“फ़िलादेलफियायाः कलीसियायाः स्‍वर्गदूतं प्रति लिख- “यः निष्‍कपटः विद्‌यते यस्‍य पार्श्‍वे दाऊदस्‍य कुत्र्चिका अस्‍ति, यया उद्‌घाटिते सति कोऽपि अपिधातुं न शक्‍नोति, तथैव पिहिते सति कोऽपि उदघाटितुं न शक्‍नोति, तस्‍य संदेशः ईदृशः अस्‍ति -

⁸“अहं तव आचरणेन परिचितः अस्‍मि। मया तुभ्‍यम्‌ एकं द्वारम्‌ उद्‌घाटितम्‌, यं कोऽपि पिहितुं न शक्‍नोति। तव शक्‍तिः सीमिता अस्‍ति, तथापि त्‍वया मम आज्ञाः पालिताः, मम नाम न अस्‍वीकृतं च।

⁹पश्‍य, अहं पैशाचस्‍य सभागृहस्‍य तान्‌ अनुयायिनः, ये स्‍वं यहूदिनः कथयन्‍ति परन्‍तु यहूदिनः न सन्‍ति, असत्‍यं च वदन्‍ति, अस्‍य कृते बाध्‍यं करिष्‍यामि यत्‌ ते आगत्‍य तव चरण्‍योः दण्‍डवतं कुर्युंः, इदं बुध्‍येरन्‌ यत्‌ अहं त्‍वां प्रेम करोमि।

¹⁰त्‍वं मम आदेशस्‍य अनुसारं दृढ़ः अतिष्‍ठः, अतएव अहम्‌ अपि त्‍वाम्‌ अस्‍यां विपत्तौ सुरक्षितं रक्षिष्‍यामि, या समस्‍तभुवाम्‌ आगमिष्‍यति, तस्‍य निवासिनाम्‌ परीक्षां ग्रहीष्‍यति।

¹¹अहं शीघ्रमेव आगमिष्‍यामि। या शिक्षा तव पार्श्‍वे अस्‍ति, तस्‍याम्‌ स्‍थिरः तिष्‍ठ, येन कोऽपि त्‍वां तव मुकुटात्‌ वंचितं कर्तुम्‌ न शक्‍नुयात्‌।

¹²मया विजयी स्‍व परमेश्‍वरस्‍य मन्‍दिरस्‍य स्‍तम्‍भः निर्मीष्‍यते। सः पुनः कदापि तस्‍मात्‌ बहिः न गमिष्‍यति। अहं स्‍व परमेश्‍वरस्‍य नाम, स्‍व परमेश्‍वरस्‍य नगरं, तस्‍य नवीनयेरुसलेमस्‍य नाम, यत्‌ मम परमेश्‍वरात्‌ शीघ्रम्‌ एव अवतरिष्‍यति, स्‍व नूतननाम अपि तस्‍मिन्‌ अंकितं करिष्‍यामि।

¹³यस्‍य कर्णौ स्‍तः, सः शृणुयात्‌ यत्‌ आत्‍मा कलीसियाः किं वदति।

¹⁴लौदीकियायाः कलीसियायाः स्‍वर्गदूतं प्रति इदं लिख- “यः आमेन, विश्‍वसनीयः, निष्‍कपटश्‍च साक्षी अस्‍ति, यः परमेश्‍वरस्‍य सृष्‍टेः मूलस्रोतः अस्‍ति, तस्‍य सन्‍देशः ईदृशः वर्ततेः

¹⁵“अहं तव आचरणेन परिचितः अस्‍मि। त्‍वं न तु शीतलः न तु उष्‍णः असि। कति शोभनम्‌ अभविष्‍यत्‌ यदि त्‍वं शीतलः उष्‍णः वा अभविष्‍यः

¹⁶परन्‍तु शीतोष्‍णः असि, अहं त्‍वां मम मुखात्‌ उद्‌गीर्णयिष्‍यामि।

¹⁷त्‍वम्‌ एवं कथयसि - “अहं धनिकः अस्‍मि, अहं समृद्धः अभवम्‌, मह्‌यम्‌ कोऽपि अभावः नास्‍ति, त्‍वम्‌ इदम्‌ अपि न जानासि, यत्‌ त्‍वं वराकः, दयनीयः, दरिद्रः, अन्‍धः, नग्‍नश्‍च असि।

¹⁸मम वचनं शृणु-अग्‍नौ शोधितं स्‍वर्णम्‌ क्रीत्‍वा धनिकः भव; धवलं वस्‍त्रं क्रीत्‍वा परिधाय स्‍व नग्‍नतायाः व्रीडाम्‌ आच्‍छादय, अंजनं क्रीत्‍वा नेत्रयोः लेपय, येन त्‍वं द्रष्‍टुं समर्थः भविष्‍यसि।

¹⁹अहं यैः सह प्रेम करोमि तान्‌ भर्त्‍सये अनुशासयामि च। अतएव उत्‍साही भूत्‍वा पश्‍चात्तापं कुरु।

²⁰अहं द्वारस्‍य सम्‍मुखे स्‍थित्‍वा आघातम्‌ कुर्वन्‌ अस्‍मि, यदि कोऽपि मम वाणीं श्रुत्‍वा द्वारं उद्‌घाटयिष्‍यति, तदा अहं तस्‍य गृहे गत्‍वा तेन सह भोजनं करिष्‍यामि, सश्‍च मया सह।

²¹अहं विजयिने मया सह तथैव निजसिंहासने विराजमानस्‍य अधिकारं दास्‍यामि, यथा अहं विजयी भूत्‍वा निज पित्रा सह तस्‍य सिंहासने विराजमानः अस्‍मि।

²²यस्‍य कर्णौ स्‍तः, सः शृणोतु यत्‌ आत्‍मा कलीसियाः किं वदति।