Read Sanskrit प्रकाशनाग्रन्‍थः 4 Bible Online

प्रकाशनाग्रन्‍थः 4 - Sanskrit bible

प्रकाशनाग्रन्‍थः 4

¹अस्‍य पश्‍चात्‌ मया एकः दिव्‍यः दृश्‍यः दृष्‍टः। अहम्‌ अपश्‍यम्‌ यत्‌ स्‍वर्गे एकं द्वारम्‌ उद्‌घाटितमस्‍ति, सा तूर्यस्‍य इव गीः, यां पूर्वमहं मया सह वार्तालापं कुर्वन्‍ती अशृण्‍वम्‌, वदति - “अत्र ऊपरि आगच्‍छ। अहं त्‍वां द्रक्ष्‍यामि यत्‌ भविष्‍ये किं भावि अस्‍ति।”

²अहं शीघ्रम्‌ एव आत्‍मना आविष्‍टः अभवम्‌। मया दृष्‍टम्‌ यत्‌ स्‍वर्गे एकं सिहासनं स्‍थापितमस्‍ति, तस्‍मिन्‌ कोऽपि विराजमानः अस्‍ति,

³यस्‍य रूपवर्णौं सूर्यकान्‍तस्‍य, एवं रुधिराख्‍यस्‍य सदृशौ स्‍तः, सिंहासनं परितः मरकतमणेः सदृशम्‌ एकम्‌ अर्धमंडलम्‌ अस्‍ति।

⁴सिंहासनं परितः चतुःविंशति सिंहासनानि स्‍थापितानि सन्‍ति। तेषु चतुर्विशति वयोवृद्धाः [1] विराजमानाः सन्‍ति, तेषाम्‌ उत्तमांगेषु स्‍वर्णस्‍य मुकुटानि सन्‍ति।

⁵सिंहासनात्‌ सौदामिन्‍यः, गिरः, जलदस्‍य गर्जणानि निःगच्‍छन्‍ति। सिंहासनस्‍य पुरतः अग्‍नेः सप्‍त उल्‍काः ज्‍वलन्‍ति, ते परमेश्‍वरस्‍य सप्‍तात्‍मनः सन्‍ति।

⁶सिंहासनस्‍य समीपवर्तिणः कुटि्‌टमः, स्‍फटिकसदृशः समुद्रस्‍य इव समुद्रः अस्‍ति। सिंहासनस्‍य मध्‍ये, सिंहासनम्‌ सर्वतः च चत्‍वारः प्राणिनः [2] सन्‍ति। ते पुरः, पश्‍चात्‌ च नेत्रैः पूर्णाः सन्‍ति।

⁷प्रथमप्राणी सिंहसदृशः, द्वितीयः गोः सदृशः, तृतीयप्राणिनः मुखं नरस्‍य इव, चतुर्थप्राणी उड्‌ड्‌यमानः गरुड़सदृशः अस्‍ति।

⁸एतेषां प्राणिनाम्‌ षड्‌-षड्‌ पक्षाः सन्‍ति। ते अभ्‍यन्‍तरे वाह्ये च नेत्रैः पूर्णाः सन्‍ति, अहोरात्रम्‌ निरन्‍तरं एवं वदन्‍ति- पवित्रः, पवित्रः, पवित्रः सर्वशक्‍तिमान्‌ प्रभुः परमेश्‍वरः! यः आसीत्‌, यः अस्‍ति, यश्‍च आगमिष्‍यति।

⁹यदा-यदा प्राणिनः सिंहासने विराजमानाय, युगयुगान्‍तं यावत्‌ जीविताय, महिमानम्‌, सम्‍मानं धन्‍यवादं च ददति,

¹⁰तदा-तदा चतुःविंशति वयोवृद्धाः सिंहासने विराजमानस्‍य दण्‍डवतं कुर्वन्‍ति, युगयुगान्‍तं यावत्‌ जीवितस्‍य आराधयन्‍ति, इदं कथयन्‍तः सिंहासनस्‍य पुरः स्‍वान्‌ किरीटान्‌ स्‍थापयन्‍ति-

¹¹“अस्‍माकं प्रभो परमेश्‍वर! भवान्‌ सम्‍मानस्‍य, सामर्थ्‍यस्‍य अधिकारी अस्‍ति, यतः भवान्‌ विश्‍वस्‍य रचनां कृतवान्‌। भवतः इच्‍छया सः अस्‍तित्‍वे आगतः, तस्‍य सृष्‍टिः च अभवत्‌।”