Read Saposa Jenesis 5 Bible Online

Jenesis 5 - Saposa bible

Jenesis 5

¹Tovein asangar aatai te tapogaar me ten Adam: Gov te kat e Adam, sa ruak faarei ya.

²Gov te kat a isen a tsoiny ana isen a moun. Te kat fakap rari ya na ina fuan, ya faparits ratuari na ina fuan, ya koo ratuari na ina fuan a Mes.

³E Adam te kaakaa sa onots sen natus an fopis saafunu na ingainy, sa ruak iny taman a isen a guei te senviir faarei non ya. Sai Adam koo ya, e Set.

⁴Voun e Set te agir ya, ai Adam kaakaa to sa onots pis jian natus a ingainy, sa ka pis men guei tsoiny an guei moun.

⁵E Adam te kaakaa sa onots sian natus an fopis saafunu na ingainy, ya mat to.

⁶Set te kaakaa sa onots sen natus ana ngim a ingainy sa ruak iny taman a isen a guei tsoiny e Enos.

⁷Set te kaan mes jian an fits a ingainy, ana ayei kaa miton mes guei tsoiny an guei moun.

⁸Set te kaakaa sa onots sian natus ana saafunu ana fuan na ingainy ana ayei mat to.

⁹E Enos te kaakaa sa onots sian saafunu na ingainy sa ruak iny taman na isen na guei tsoiny e Kainan.

¹⁰Enos te kaakaa sa onots jian natus ana saafunu ana ngim a ingainy, ana ayei kaa miton mes guei tsoiny an guei moun.

¹¹E Enos te kaakaa sa onots sian natus ana ngim a ingainy ya mat to.

¹²E Kainan te kaakaa sa onots fits saafunu na ingainy. Sa ruak iny taman na isen na guei tsoiny e Mayalali.

¹³E Kainan te kaakaan mes jian natus an fats saafunu na ingainy, ya kaa miton mes guei tsoiny an guei moun.

¹⁴Ai Kainan kaakaa to sa onots sian natus ana saafunu na ingainy ya mat to.

¹⁵Mayalali te kaakaa sa onots gonom saafunu ana ngim ma ingainy, sa ruak iny taman na isen na guei tsoiny e Jeret.

¹⁶Mayalali te kaakaa pis sa onots jian natus an fopis saafunu na ingainy ya kaa miton mes guei tsoiny an guei moun.

¹⁷Mayalali te kaakaa sa onots jian natus an sian saafunu ana ngim ma ingainy ya mat to.

¹⁸Jeret te kaakaa sa onots sen natus an gonom saafunu ana fuan na ingainy sa ruak iny taman na isen na guei tsoiny e Inok.

¹⁹E Jeret te kaakaa pis sa onots jian natus a ingainy, sa kamen mes guei tsoiny an guei moun.

²⁰Jeret te kaakaa onots sian natus an gonom saafunu ana fuan na ingainy ya mat to.

²¹E Inok te gonom saafunu ana ngim ma ingainy ya kaa mito na guei tsoiny e Metusela.

²²E Inok te taan fiisen me Gov, Inok kaa ton mes fopis natus a ingainy sa ruak iny tamar mes guei tsoiny an guei moun kan.

²³E Inok te toto sa kan fopis natus an gonom saafunu ana ngim ma ingainy.

²⁴E Inok te taan fiisen me Gov, ai Gov nom towa, ana vainy gim to ma tagei pis ya.

²⁵E Metusela te kaan sen natus an fits saafunu na ingainy sa ruak iny taman na isen na guei tsoiny e Lemek.

²⁶E Metusela te kaan mes fits natus an jian saafunu ana fuan na ingainy ya kaa miton mes guei tsoiny an guei moun.

²⁷E Metusela te kaan sian natus an gonom saafunu an sia na ingainy ya mat to.

²⁸E Lemek te kaan sen natus an jian saafunu ana fuan na ingainy sa ruak iny taman na isen na guei tsoiny.

²⁹Ai Lemek tsue to, “A Tsunaun te fakei tsuen parits iny kat fiiring puputaa. A guei to aya favusuainy rarora tana nag tan puputaa”; kat to ai Lemek koo to na guei to aya e Noa.

³⁰E Lamek te kaan mes ngim natus an sian saafunu ana ngim ma ingainy, ya kaa miton mes guei tsoiny an guei moun kan.

³¹E Lamek te ka sa onots fits natus an fits saafunu ana fits a ingainy ya mat to.

³²E Noa te kaan ngim natus a ingainy sa ruak iny taman na ina pis a guei tsoiny, ere Siem, Ham, ai Jafet.