Read Sayula Popoluca Filipenses 3 Bible Online

Filipenses 3 - Sayula Popoluca bible

Filipenses 3

¹Jinap hermanujat, ma ji'c injo̱jtat ni'c incupʉjcap el Señor. Ʉ̱ tʉganicansa̱jtʉp te tʉja'ygʉs̈apatu we'n, mit ayé oy pa mijchat.

²Nicuidá̱tcʉjʉ mit ayé malwatpayna'jat ni'c je'jat yo'ygap as̈am tacna'jat. Nicuidá̱tcʉjʉ-ey mit ayé jayajwat ni'c je'jat itʉ'tsmarca̱tcapu tu'c jayau icuerpuni'c.

³Ʉjtsat ayé natsʉ̱ngapay marca̱tic iyacs̈ta'cway ni'c nacupʉjcap Cristu Jesús najo̱tni'jcat, mit na-adora̱tcapey Dios mit nu'pʉjʉn najo̱jtat, mit ji'cp najo̱jtat ni'c namutʉgʉygau Cristu Jesús, mit naganiconfia̱tcʉjʉp ʉjtsatu.

⁴Ʉ̱ oyapate tʉniconfia̱jtʉ ʉ̱jyu. Te tambʉn niconfia̱jtʉp je'yu, ʉ̱ más tʉnaguep derechu.

⁵Tʉs̈aguejp ocho s̈ʉjw tʉs̈marca̱tcau. Ʉ̱ tʉIsraelway mit tʉpichin Benjamín ifamiliani'c. Tʉnte̱t hebreu mit ʉ̱ we'ney. Mit como tʉfariseuate, tʉncupʉc mʉgʉc ayé ley.

⁶Tʉnwano'c tʉs̈cuida̱twa'n tʉnlejyat hasta tʉmpo'ctangʉs̈au Cristu icupʉcpajyat. Tʉyo'y yacs̈ic mit ayé ley, mit nepʉnate tʉs̈caculpa̱tu.

⁷Po ayé cosajat tʉnaguepwayate oy pa ʉ̱, jinap tʉnaguep ayé por togoyic ni'c más tʉnwamp Cristu.

⁸Iyacs̈ta'cway nu'pʉjʉn cosajat tʉnaguep por togoyic ni'c más oy tʉs̈-is̈capwa'n Cristu Jesús el Señor. Jinap tʉncuyaguiway nu'pʉjʉn ni'c tʉnwamp Cristu, mit tʉn-ámpay vida ayé as̈am pu̱tsputs tʉncuyaguiu pa tʉs̈pʉctsowa'n Cristu.

⁹Mit jinap tʉnmutʉgʉy Cristu ni'c ʉ̱jyu ca-oyawu tʉniyacs̈icninʉ́jmʉ mit ayé ley, po tʉyacs̈icninʉmic ni'c tʉncupʉcp Cristu, mit Dios nas̈yacs̈icninʉmgap te nacupʉjcap Cristu.

¹⁰Ʉ̱ más tʉnwamp tʉs̈-is̈capwa'n Cristu, mit tʉnwamp tʉs̈mo'áj maj ni'c je' jutucta̱c mit jinap ijtʉp poder. Tʉnwamp tʉs̈tunas̈wa'n as̈am je' iguitunas̈, mit tʉnwamp tʉ-o'cwa'n as̈am je' i-o'jc.

¹¹Mit tʉnwampey tʉjutucta'cwa'n mam itsʉ̱nga á̱nimajat.

¹²Po tʉnganicojyap nu'pʉjʉn ayé cosajat tʉs̈mo'ámpay Dios, ne tʉganipichimp oy, po tʉsiguia̱tp pa jʉpm hasta tʉs̈cʉs̈wa'n tʉnyos̈ tʉs̈moyway Cristu Jesús, ni'c Cristu tʉs̈actan pa tʉyos̈watwa'n mit je'.

¹³Hermanujat, tʉnganʉmp ni'c tʉncʉs̈way nu'pʉjʉn tʉnyos̈, po tʉnwatp tu'c cosa, tʉnyijawiyo't nu'pʉjʉn jeme tanway mugus̈á̱m mit tʉniwajtʉp mʉgʉc pa tʉsiguia̱twa'n pa jʉpm.

¹⁴Dios tʉs̈ya̱s̈ pa tʉs̈actsʉ̱nawa'n tu'c premiu mit ayé premiu inʉmo'jcʉp vida cacʉs̈ámpay, mit tʉsiguia̱tp pa jʉpm hasta tʉs̈cojyawa'n ayé. Mit Dios nas̈moygáj ayé premiu ni'c nacupʉjcap Cristu Jesús.

¹⁵Ʉjtsat natsʉ̱ngapay mʉgʉc mit Dios, napensá̱tca ni-as̈amu nasiguia̱tcawa'n mʉgʉc. Mit te migapensa̱tcap we'n, Dios is̈majyigáj pa impensa̱tcawa'n oy.

¹⁶Po ʉjtsat más oy najayaumáyga lo que najawiganupay, mit nagapítujca pa mugus̈á̱m.

¹⁷Hermanujat, wátca as̈am ʉ̱ tʉs̈wat, mit pʉ́jca ejemplu mit jeme yo'ygapay yacs̈ic as̈am ʉjtsat tʉyo'yga.

¹⁸Tʉnʉmgʉs̈away mayo'c viaje, jinap tʉnʉmgʉs̈apatu hasta tu'mp tʉnjo̱jt, ni'c itp mayo'c jayajwat igawangapay iguisiguia̱tcajawa'n Cristu jeme o'cway cunu̱s̈ni'c.

¹⁹Ayé jayajwat togoygáj ni'c iche'ngap pa je'jatu itsʉ̱ngawa'n oy. Je'jat i-oyninʉmgap mal cosajat mit cawinchu̱gagap. Je'jat más iwatcap cuenta nu'pʉjʉn itpay en ayʉ̱́j mundu.

²⁰Po ʉjtsat más nawatcap cuenta itpay tsajpni'c, ni'c najayaumaygap Dios. Mit na-atsʉ̱ngap hasta imi'nwa'n tsajpni'c el Señor Jesucristu jeme nas̈salva̱tcaway.

²¹Mit je' nas̈tigatscajáj nacuerpujat jeme togoyámpay, mit najatcáj as̈am Cristu i-oymanagui mit nagajatogoygáj. Mit iwatáj we'n ni'c ijtʉp poder pa iguidomina̱twa'n nu'pʉjʉn cosajat.