Read Sayula Popoluca 1 Juan 1 Bible Online

1 Juan 1 - Sayula Popoluca bible

1 Juan 1

¹Tʉja'ygʉs̈ap pa is̈-is̈capcawa'n ayé Palabra iyacpay vida. Je' tsʉ̱nau desde ichu̱chij mundu, mit ʉjtsat tʉn-is̈cau mit tʉnmaraugau je' cuandu iyo'jy yam, mit tʉnmuyo'ygau mit tʉntsʉjcau je'.

²Je' min yam pa nas̈moygáj vida, mit ʉjtsat tʉnjawigap ni'c iyacs̈ta'cway ni'c tʉn-is̈cau je', mit tʉnʉmgajap tu'c noticia ni'c je' nas̈moygap vida jeme cacʉs̈ámpay. Je' tsʉ̱nau mit Dios Nate̱jat mit min yam pa ʉjtsat na-is̈capca je'.

³Tʉnʉmgajap lo que tʉn-is̈caway mit tʉnmaraugaway pa we'n mijchat is̈mutʉgʉygáj ʉjtsat, mit ʉjtsat tʉnmutʉgʉygap Dios Nate̱jat mit iway Jesucristu.

⁴Mit ayʉ̱́j tʉja'ygʉs̈ap pa más ma ji'jca injo̱jtat iyacs̈ta'cway.

⁵Tʉnmaraugau lo que Jesucristu tʉs̈nʉmgajaway, mit tʉnʉmgajapey ni'c Dios ayé luz mit nes̈ʉ̱n cachitimit mam je' itsʉ̱na.

⁶Te ʉjtsat nanʉmgap ni'c namutʉgʉygap Dios po te nayo'ygapnaj mal, nawe̱tcap mit nagawatcap lo que iyacs̈ta'cway.

⁷Po te ʉjtsat nayo'ygap mit Dios jeme tsʉ̱napay mam i-it luz, nanigupʉjcʉjʉp ʉjtsat, mit iway Jesucristu o'c pa ʉjtsat cunu̱s̈ni'c, mit jinap oyap nas̈chi'tcajap nu'pʉjʉn mal nawatcapay.

⁸Te nanʉmgap ni'c naga-aguepcap nejʉmay mal, naniwe̱tcʉjʉp mit naganʉmgap lo que iyacs̈ta'cway.

⁹Te nanʉmgajap Dios nu'pʉjʉn mal nawatcapay, najawigap ni'c je' cumplia̱táj mit iwatáj oy, ni'c nas̈perdona̱tcajáj nama̱jlat mit nas̈chi'tcajáj nu'pʉjʉn mal nawatcaway.

¹⁰Te nanʉmgap ni'c naganiwatcap mal, nayajcap Dios as̈am we̱tpay, mit naganipʉctsougajap iyacs̈ta'cway lo que Dios inʉmpay.