Read Sayula Popoluca El Apocalipsis 15 Bible Online

El Apocalipsis 15 - Sayula Popoluca bible

El Apocalipsis 15

¹Mit tʉn-is̈ tsajpni'c jatu'c mʉjway milagru nas̈acnigu-épijyʉpay. Tʉn-is̈ siete ángejlat mit je'jat imuyo'ygau siete últimu castigujat, mit icʉs̈wa'n ayé, Dios icastiga̱tcʉs̈way jayajwat.

²Mit tʉn-ís̈ey as̈am tu'c lama̱t waticway de is̈tic mit tsabats as̈am jʉjn. Mit tʉn-is̈ ayé jayajwat jeme ivencia̱tcaway ayé aníma̱t mit itiyu̱s̈, ni'c igamuyo'ygajawu inʉ'jy ne inúmero. Mit je'jat tenagau mam i-it ayé lama̱t waticway de is̈tic, mit imuyo'ygau i-arpajat jeme Dios iguimoygaway.

³Mit i-ʉugau ayé himnu iwatway Moisés, ni'c je' iservia̱jtau Dios. Mit i-ʉugawey ayé himnu iwatway ayé borreguwáy Jesucristu, inʉmgau: Señor Dios, mi̱ inaguep nu'pʉjʉn poder. Inwatp majatway cosajat, mit ayé tʉs̈acnigu-épigʉjʉp. Mi̱ mi tu'c rey, inmanda̱tcʉs̈p injayajwat, mit inwatp lo que iyacs̈ta'cway.

⁴Oh Señor, mi̱ nu'pʉjʉn jayajwat is̈pʉ̱tcáj mit is̈-oyninʉmgáj. Ni'c mi̱jyu mitsʉ̱nap mʉjninʉmic, mit jemni'c nu'pʉjʉn jayajwat mingáj is̈-adora̱tcap mi̱, mit ijawigáj ni'c yacs̈ic injuzga̱t.

⁵Mit cʉs̈ tʉn-is̈ ni'c ini-awá̱jtsʉj ayé templu tsajpni'cway, mit ayé imu-e'p as̈am ayé lugar mam iguicojm ayé ley ija'yway Moisés.

⁶Mit pichingau templuni'c siete ángejlat mit je'jat imuyo'ygau ayé siete castigujat. Mit ayé ángejlat tsʉ̱ngau cutigatsijcat mit po'psábanajat, mit ayé quijano'jcau, mit ipechuni'jcat tsumijcat mit cinturójnat watijcatway de oro.

⁷Mit tu'c de ayé mactas̈p ángejlat imoygʉs̈ ayé siete ángejlat siete vasujat watijcatway de oro, mit ayé patsic itsʉ̱́ngaj. Ayé inʉmo'jcʉp ni'c Dios icastiga̱tcʉs̈áj mʉgʉc jayajwat, mit je' tsʉ̱nap pa siempre.

⁸Mit como Dios mʉjo'c mit ito'jcʉu poder, i-apatsta̱c ayé templu mit wi's̈ic, mit nepʉn ca-oyawu itʉgʉy templuni'c. Solo oyáj itʉgʉyga hasta icʉs̈wa'n ayé siete castigujat imuyo'ygapay ayé siete ángejlat.