Read Sayula Popoluca El Apocalipsis 18 Bible Online

El Apocalipsis 18 - Sayula Popoluca bible

El Apocalipsis 18

¹Mit cʉs̈ tʉn-is̈ jatu'c ángel imanac tsajpni'c, mit je' ijtʉu may poder. Mit icojy na̱s̈ni'c, oymanac i-anangada̱jc.

²Mit cots mʉgʉc, inʉm: —Togoyway ayé mʉjway nʉ'jcopac Babilonia, mit jinap tangau jem demo̱nyujat mit we'ney nu'pʉjʉn espíritu ma̱jlatway, mit jinap jem solo iwatcap ipe'jnat nu'pʉjʉn jojn ma̱jlatway naga-e'po'jcʉpay.

³Ayé nʉ'jcopac i-actuwatcʉs̈ mal nu'pʉjʉn jayajwat hasta inatswanigau más ma̱jlat, mit rejyat ayʉ̱́j mundujway itumuwatcau mal je', mit negocia̱tpajyat ituricuigau ayé nʉ'jcopac, ni'c ito'jcajau ayé cosajat caservia̱tcapay.

⁴Mit tʉnmarau jatu'c jeme cotspay tsajpni'c, inʉm: —Dios ijayajwat ma pichinga en ayé nʉ'jcopac magatunijíngʉjʉ ayé ma̱jlat mit iguitunas̈cawa'ney mit ayé castigu.

⁵Ni'c mayo'ganu mal iguiwátcaj, mit ijawiganup hasta tsajpni'c, mit Dios iganijawiyo'tcʉs̈ap ayé mal iwatcaway.

⁶Acpítujcaja je' as̈am je' iguiwajt, mit actutso̱jca doble as̈amu iguiwajt. As̈am je' iguimoygʉs̈ ma u̱jca mal cosajat, we'ney moyga je' jinap ma u'c doble.

⁷Ayé nʉ'jcopac nimʉjninʉjmʉu mit ji'c ijo̱jt iguiwajt ma̱jlat, jemni'c actunás̈ca mit acjʉ́yga. Ni'c je' inʉmp ijo̱tni'c: “Ʉ̱ tʉreina mit más tʉmanda̱tp, mit tʉganitamp tʉntu'gumu, mit nunca tʉngatunas̈áj.”

⁸Jemni'c en tu'c s̈ʉjw iguimijnáj tu'c castigu, o'jcáj ijayajwat, jʉygáj, mit itáj yu' mit ino'ctiningáj ayé nʉ'jcopac. Ni'c el Señor Dios ito'jcʉp poder pa iguicastiga̱twa'n.

⁹Mit nu'pʉjʉn rejyat ayʉ̱́j mundujway iwatcau mal mit ayé nʉ'jcopac, mit ji'jcau ijo̱jtat en ayé nʉ'jcopac. Mit je'jat jʉygáj mit inijʉygáj ayé nʉ'jcopac igui-e'pcawa'n ni'c toynup.

¹⁰Mit nitenda̱jcʉjʉ̱́j yagatsu, ni'c pʉ̱tcap igui-e'pcawa'n nat iguitunas̈ca ayé nʉ'jcopac jayajwat, inʉmgap: —¡Pro̱wij de ayé mʉjway nʉ'jcopac Babilonia, mit fuertejate ayé nʉ'jcopac, mit de repente iguimijnau icastigu!

¹¹Mit nu'pʉjʉn negocia̱tpajyat jʉygáj mit inijʉygáj ayé nʉ'jcopac ni'c nepʉn igajajuyáj lo que je'jat ito'jcapay.

¹²Ayʉ̱́j ayé ito'jcaway: oro, plata, tsa' oymanajcatway, cʉjwat ojyatway, jamuc ojyatway, jamuc moraduway, seda, tsabatsjamuc, nu'pʉjʉn cujyat pa'cs̈u'cpay, cosajat watijcatway de elefante-apajtugan, cosajat watijcat de nu'pʉjʉn cujyat tsowajway, mit waticway de cobre, pus̈an mit tsa' ojyatway.

¹³Mit ito'jcawey canela, cayanwatan pa'cs̈u'cpay, po̱m, cuypo't pa'cs̈u'cpay mit perfume pa'cs̈u'cpay, vinu, aceite, harina limpiuway, trigu, aníma̱jtat, borregujat, cawa̱yujat, carrujat, mit hasta jayajwat ito'jcawey pa mozojat.

¹⁴Inʉmgáj: —Nu'pʉjʉn cosa iwano'jcaway ayé nʉ'jcopac jayajwat ichi'tcajau, mit nu'pʉjʉn cosa ojyatway i-actogoygau mit nunca igajapa̱tcáj.

¹⁵Mit ayé negocia̱tpajyat ituricuigau ayé nʉ'jcopac. Je'jat nitenda̱jcʉjʉ̱́j yagats, mit pʉ̱tcáj igui-e'pcawa'n nat iguitunas̈ca, mit inijʉygáj ayé nʉ'jcopac jayajwat.

¹⁶Mit inʉmgáj: —¡Pro̱wij de ayé mʉjway nʉ'jcopac! Ijayajwat tsʉ̱ngau cutigatsic mit jamuc finuway, jamuc moraduway mit tsabatsjamuc. Mit tsʉ̱ngawey adorna̱tic mit oro, tsa' ojyatway mit cʉjwat tsowajway.

¹⁷¡Pro̱wij de je'jat ni'c de repente itogojy iriqueza! Mit nu'pʉjʉn manda̱tcapay barcuni'c, mit jeme yo'ygapay barcuni'jcat, marinerujat, mit jeme yos̈watcapay barcuni'c, je'jat nitenda̱jcʉjʉu yagats.

¹⁸Mit igui-ís̈caj nat itoy ayé nʉ'jcopac, cotscau mʉgʉc, inʉmgau: —Nejʉmayate nʉ'jcopac igacojyap ayʉ̱́j mʉjway nʉ'jcopac.

¹⁹Mit iwopcu'tcau pu's̈ icopacni'jcat, mit cotscau mʉgʉc, mit inijʉygau ayé nʉ'jcopac jayajwat, inʉmgau: —¡Pro̱wij de ayé mʉjway nʉ'jcopac!, ni'c nu'pʉjʉn itcʉjʉway ibarcujat ituricuigau ayé nʉ'jcopac, mit jinap de repente itogojy.

²⁰’Jinap ma ji'jca ijo̱jtat nu'pʉjʉn jeme tsʉ̱ngapay tsajpni'c, mit we'ney jeme Dios i-ajyu'tcʉs̈way, jeme cotscapay pa Dios mit nu'pʉjʉn Dios ijayajwat, ni'c Dios icastiga̱t ayé nʉ'jcopac ni'c je' ijayajwat i-actunas̈o'jcau.

²¹Mit tu'c ángel jeme ijtʉway poder, ipʉc tu'c tsa', mit ayé tsa' u'ts as̈am tu'c mʉjway pa̱wan, mit ica'tstʉgʉy lama̱tni'c, inʉm: —Wename-ey icʉs̈wa'n ayé mʉjway nʉ'jcopac Babilonia, mit nunca igajapa̱tcáj.

²²Mit igajamaraugáj iguituwo'tsca arpajat, mit cajas̈u̱s̈cáj, ne igajatus̈u̱s̈cáj flautín ne trompetajat. Mit nejʉmay yos̈ caja-itáj en ayé nʉ'jcopac, mit nejʉmay pa̱wan igajatujʉtscáj.

²³Cajata'cs̈áj nejʉmay luz en ayé nʉ'jcopac, ne caja-itáj nejʉmay cʉ'pa't. Mit jeme negocia̱tcaway jem, ayé puru jayau majatway en ayʉ̱́j mundu. Mit ayé nʉ'jcopac jayajwat i-actupʉctangʉs̈ tso'c nu'pʉjʉn jayajwat, mit wename iguiwe̱jta̱jcʉs̈.

²⁴Mit Dios icastiga̱tcʉs̈ ni'c jem i-o'jcaj jeme cotscaway pa Dios mit we'ney Dios ijayajwat. Ayé nʉ'jcopac tan culpa̱tic por nu'pʉjʉn jeme o'jcaway mam imanda̱tca irejyat.