Read Scots Gaelic 1992 – Am Bìoball Gàidhlig 199 Leabhar Esra 2 Bible Online

Leabhar Esra 2 - Scots Gaelic 1992 – Am Bìoball Gàidhlig 199 bible

Leabhar Esra 2

¹Agus is iad seo clann na mòr-roinne, a chaidh suas de na braighdean, dhiubhsan a thugadh air falbh, a thug Nebuchadnesar rìgh Bhàbiloin air falbh leis do Bhàbiloin, agus a thill gu Ierusalem agus Iùdah, gach fear da bhaile fhèin;

²A thàinig maille ri Serubabel, Iesua, Nehemiah, Seraiah, Realaiah, Mordecai, Bilsan, Mispar, Bigbhai, Rehum, Baanah. AIREAMH DAOINE SLUAGH ISRAEIL.

³Mic Pharois, dà mhìle, ceud, trì-fichead agus a dhà-dheug.

⁴Mic Sephatiah, trì cheud, trì-fichead agus a dhà-dheug.

⁵Mic Arah, seachd ceud, trì-fichead agus a còig-deug.

⁶Mic Phahat-mhòaib, de chloinn Iesua agus Ioaib, dà mhìle, ochd ceud agus a dhà-dheug.

⁷Mic Elaim, mìle, dà cheud, leth-cheud agus a ceithir.

⁸Mic Shatu, naoi ceud dà‑fhichead agus a còig.

⁹Mic Shacai, seachd ceud agus trì-fichead.

¹⁰Mic Bhani, sia ceud, dà‑fhichead agus a dhà.

¹¹Mic Bhebai sia ceud, fichead agus a trì.

¹²Mic Asgaid, mìle, dà cheud, fichead agus a dhà.

¹³Mic Adonicaim, sia ceud, trì-fichead agus a sia.

¹⁴Mic Bhigbhai, dà mhìle, dà‑fhichead agus a sia-deug.

¹⁵Mic Adin, ceithir cheud, lethcheud agus a ceithir.

¹⁶Mic Ateir o Heseciah, ceithir-fichead agus a h‑ochd-deug.

¹⁷Mic Bhesai, trì cheud, fichead agus a trì.

¹⁸Mic Iorah, ceud agus a dhà-dheug.

¹⁹Mic Hasuim, dà cheud, fichead agus a trì.

²⁰Mic Ghibair, ceithir-fichead agus a còig-deug.

²¹Mic Bhetleheim, ceud, fichead agus a trì.

²²Daoine Netophah, dà‑fhichead agus a sia-deug.

²³Daoine Anatoit, ceud, fichead agus a h‑ochd.

²⁴Mic Asmabheit, dà‑fhichead agus a dhà.

²⁵Mic Chiriat-arim, Chephirah, agus Bheeroit, seachd ceud, dà‑fhichead agus a trì.

²⁶Mic Ramah agus Gheba, sia ceud, fichead agus a h‑aon.

²⁷Daoine Mhichmais, ceud, fichead agus a dhà.

²⁸Daoine Bheteil agus Ai, dà cheud, fichead agus a trì.

²⁹Mic Nebo, dà‑fhichead agus a dhà-dheug.

³⁰Mic Mhagbis, ceud, lethcheud agus a sia.

³¹Mic Elaim eile, mìle, dà cheud, lethcheud, agus a ceithir.

³²Mic Harim, trì cheud agus fichead.

³³Mic Loid, Hadid, agus Ono, seachd ceud, fichead agus a còig.

³⁴Mic Iericho, trì cheud, dà‑fhichead agus a còig.

³⁵Mic Shenaah, trì mìle, agus sia ceud agus deich-ar‑fhichead.

³⁶Na sagartan: Mic Iedaiah, de thaigh Iesua, naoi ceud, trì-fichead agus a trì-deug.

³⁷Mic Imeir, mìle, dà fhichead agus a dhà-dheug.

³⁸Mic Phasuir, mìle, dà cheud, dà‑fhichead agus a seachd.

³⁹Mic Harim, mìle agus a seachd-deug.

⁴⁰Na Lèbhithich: Mic Iesua agus Chadmiel, de chloinn Hodabhiah, trì-fichead agus a ceithir-deug.

⁴¹An luchd-seinn: Mic Asaiph, ceud, fichead agus a h‑ochd.

⁴²Mic nan dorsairean: Mic Shaluim, mic Ateir, mic Thalmoin, mic Acuib, mic Hatita, mic Shobai, iad uile ceud agus naoi-deug ar fhichead.

⁴³Na Netinich: Mic Shiha, mic Hasupha, mic Thabaoit.

⁴⁴Mic Cherois, mic Shiaha, mic Phadoin.

⁴⁵Mic Lebanah, mic Hagabah, mic Acuib.

⁴⁶Mic Hagaib, mic Shalmai, mic Hanain.

⁴⁷Mic Ghideil, mic Ghahair, mic Reaiah.

⁴⁸Mic Resin, mic Necoda, mic Ghadsaim.

⁴⁹Mic Udsa, mic Phaseah, mic Bhesai.

⁵⁰Mic Asnah, mic Mhehunim, mic Nephusim.

⁵¹Mic Bhacbuic, mic Hacupha, mic Harhuir.

⁵²Mic Bhasluit, mic Mhehida, mic Harsa.

⁵³Mic Bharcois, mic Shisera, mic Thamah.

⁵⁴Mic Nesiah, mic Hatipha.

⁵⁵Mic seirbhisich Sholaimh: Mic Shotai, mic Shophereit, mic Pheruda.

⁵⁶Mic Iaalah, mic Dharcoin, mic Ghideil.

⁵⁷Mic Shephatiah, mic Hatil, mic Phochereit o Sheboim, mic Ami.

⁵⁸Na Netinich uile, agus clann seirbhisich Sholaimh, trì cheud, ceithir-fichead, agus a dhà-dheug.

⁵⁹Agus seo iadsan a chaidh suas o Thelmelah, Telharsa, Cherub, Adan, agus Imer; ach cha b’urrainn iad taigh an athar a nochdadh agus an sinnsireachd, am b’ann de Israel iad:

⁶⁰Mic Dhelaiah, mic Thobiah, mic Necoda, sia ceud, lethcheud, agus a dhà.

⁶¹Agus de mhic nan sagart: Mic Habaiah, mic Chois, mic Bharsillai, a ghabh bean de nigheanan Bharsillai an Gileadach, agus a ghoireadh air an ainm.

⁶²Dh’iarr iadsan an clàr-sgrìobhaidh nam measg-san a bha air an àireamh le sloinnteireachd, ach cha d’fhuaireadh iad: uime sin ghearradh as on t‑sagartachd iad.

⁶³Agus thubhairt an Tirsata riu nach faodadh iad ithe de na nithean ro‑naomha, gus an seasadh sagart suas le Urim agus le Tumim.

⁶⁴An coitheanal uile cuideachd, dà‑fhichead agus dà mhìle, trì cheud agus trì-fichead;

⁶⁵A thuilleadh air an seirbhisich agus am banoglaich, den robh ann seachd mìle, trì cheud, agus seachd-deug ar fhichead; agus dhiubhsan dà cheud nam fir agus nam mnathan-seinn.

⁶⁶An eich, seachd ceud agus sia-deug ar fhichead: am muileidean, dà cheud, dà‑fhichead agus a còig.

⁶⁷An càmhail, ceithir cheud, agus còig-deug ar fhichead: an asail, sia mìle, seachd ceud agus fichead.

⁶⁸Agus thug cuid de chinn nan athraichean, nuair a thàinig iad do thaigh an Tighearna a tha ann an Ierusalem, seachad den saor-thoil airson taigh Dhè, a‑chum a chur suas na àite fhèin.

⁶⁹A rèir an comais thug iad, gu ionmhas na h‑obrach, trì-fichead agus aon mhìle darcon òir, agus còig mìle punnd airgid, agus ceud culaidh sagairt.

⁷⁰Agus ghabh na sagartan agus na Lèbhithich, agus cuid den t‑sluagh, agus an luchd-seinn, agus na dorsairean, agus na Netinich, còmhnaidh nam bailtean, agus Israeil uile nam bailtean.