Read Scots Gaelic 1992 – Am Bìoball Gàidhlig 199 Leabhar Nehemiah 11 Bible Online

Leabhar Nehemiah 11 - Scots Gaelic 1992 – Am Bìoball Gàidhlig 199 bible

Leabhar Nehemiah 11

¹Agus chòmhnaich uachdarain an t‑sluaigh ann an Ierusalem; agus thilg a’ chuid eile den t‑sluagh croinn, a thoirt aoin as an deichnear a ghabhail còmhnaidh ann an Ierusalem, am baile naomh, agus gum biodh naoi earrannan anns na bailtean eile.

²Agus bheannaich an sluagh na daoine uile a thairg iad fhèin gu toileach gu còmhnaidh a ghabhail ann an Ierusalem.

³Agus is iad seo cinn na mòr-roinne, a chòmhnaich ann an Ierusalem, agus ann am bailtean Iùdah: ghabh gach aon còmhnaidh na sheilbh fhèin, nam bailtean, na h‑Israelich, na sagartan, agus na Lèbhithich, agus na Netinich, agus mic seirbhisich Sholaimh.

⁴Agus chòmhnaich ann an Ierusalem de chloinn Iùdah, agus de chloinn Bheniàmin: de chloinn Iùdah: Ataiah mac Udsiah, mhic Shechariah, mhic Amariah, mhic Shephatiah, mhic Mahaleleeil, de chloinn Phereis:

⁵Agus Maaseiah mac Bharuich, mhic Cholhoseh, mhic Hasaiah, mhic Adaiah, mhic Ioarib, mhic Shechariah, mhic Shiloni.

⁶Mic Phereis uile a chòmhnaich ann an Ierusalem, ceithir cheud, trì-fichead agus ochd fir threuna.

⁷Agus is iad seo mic Bheniàmin; Salu mac Mhesulaim, mhic Ioeid, mhic Phedaidh, mhic Cholaiah, mhic Mhaaseiah, mhic Itieil, mhic Iesaiah.

⁸Agus na dhèidh-san Gabai, Salai, naoi ceud, fichead agus a h‑ochd.

⁹Agus Ioel mac Shichri na fhear-amhairc thairis orra; agus Iùdah mac Shenuah an dara fear os cionn a’ bhaile.

¹⁰De na sagartan: Iedaiah, Ioiarib, Iachin,

¹¹Seraiah mac Hilciah, mhic Mhesulaim, mhic Shadoic, mhic Mheraioit, mhic Ahituib, fear-riaghlaidh taigh Dhè.

¹²Agus am bràithrean a rinn obair an taighe, ochd ceud, fichead agus a dhà: agus Adaiah mac Ierohaim, mhic Phelaliah, mhic Amsi, mhic Shechariah, mhic Phasuir, mhic Mhalchiah,

¹³Agus a bhràithrean, cinn nan athraichean, dà cheud, dà‑fhichead agus a dhà: agus Amasai mac Asareeil, mhic Ahasai, mhic Mhesilemoit, mhic Imeir,

¹⁴Agus am bràithrean, fir chomasach ghaisgeil, ceud, fichead agus a h‑ochd: agus na fhear-coimhead thairis orra Sabdiel, mac aoin de na daoine mòra.

¹⁵Agus de na Lèbhithich: Semaiah mac Hasuib, mhic Asricaim, mhic Hasabiah, mhic Bhuni;

¹⁶Agus Sabetai, agus Iosabad, de chinn nan Lèbhitheach, os cionn obair taigh Dhè on leth a‑muigh.

¹⁷Agus Mataniah mac Mhicha, mhic Shabdi, mhic Asaiph, an ciad fhear a thòisicheadh air buidheachas a thoirt ann an ùrnaigh; agus Bacbuciah, an dara fear am measg a bhràithrean, agus Abda mac Shamua, mhic Ghalail, mhic Iedutuin.

¹⁸Na Lèbhithich uile anns a’ bhaile naomh, dà cheud, ceithir-fichead agus a ceithir.

¹⁹Agus na dorsairean, Acub, Talmon, agus am bràithrean a bha ri faire aig na geatachan, ceud, trì-fichead agus a dhà-dheug.

²⁰Agus bha a’ chuid eile de Israel, na sagartan, agus na Lèbhithich, ann an uile bhailtean Iùdah, gach fear na sheilbh fhèin.

²¹Ach ghabh na Netinich còmhnaidh ann an Ophel; agus bha Siha agus Gispa os cionn nan Netineach.

²²Agus b’e fear-coimhead-thairis nan Lèbhitheach ann an Ierusalem Udsi mac Bhani, mhic Hasabiah, mhic Mhataniah, mhic Mhicah. De mhic Asaiph, bha an luchd-seinn, fa chomhair obair taigh Dhè:

²³Oir b’i àithne an rìgh man timcheall gum biodh cuibhreann àraidh airson an luchd-seinn, a dhlighe fhèin air gach là.

²⁴Agus bha Petaiah mac Mheses-abeeil, de chloinn Sherah mhic Iùdah, aig làimh an rìgh anns gach cùis a‑thaobh an t‑sluaigh.

²⁵Agus a‑thaobh nam bailtean beaga nam fearann, chòmhnaich cuid de mhic Iùdah ann an Ciriat-arba agus na bhailtean beaga, agus ann an Dibon agus na bhailtean beaga, agus ann an Iecabseel agus na bhailtean beaga,

²⁶Agus ann an Iesua, agus ann am Moladah, agus ann am Bet-pelet,

²⁷Agus ann an Hasar-sual, agus ann am Beer-sèba agus na bhailtean beaga,

²⁸Agus ann an Siclag, agus ann am Meconah agus na bhailtean beaga,

²⁹Agus ann an En‑rimon, agus ann an Sareah, agus ann an Iarmut,

³⁰Sanòah, Adulam, agus nam bailtean beaga, ann an Lachis agus na fhearann, ann an Asecah agus na bhailtean beaga. Agus chòmhnaich iad o Bheer-sèba gu ruig gleann Hinoim;

³¹Agus mic Bheniàmin o Gheba, ann am Michmas, agus Aia, agus Betel agus na bhailtean beaga;

³²Ann an Anatot, Nob, Ananiah,

³³Hasor, Ramah, Gitaim,

³⁴Hadid, Seboim, Nebalat,

³⁵Lod, agus Ono, gleann an luchd-ceàirde.

³⁶Agus de na Lèbhithich bha roinnean ann an Iùdah, agus ann am Beniàmin.