Read Scots Gaelic 1992 – Am Bìoball Gàidhlig 199 Leabhar Nehemiah 7 Bible Online

Leabhar Nehemiah 7 - Scots Gaelic 1992 – Am Bìoball Gàidhlig 199 bible

Leabhar Nehemiah 7

¹A‑nis nuair a thogadh am balla, agus a chuir mi suas na còmhlachan, agus a dh’òrdaicheadh na dorsairean, agus an luchd-seinn, agus na Lèbhithich,

²Thug mi àithne dom bhràthair Hanani, agus Hananiah uachdaran na lùchairt, a‑thaobh Ierusaleim (oir bha e na dhuine fìrinneach, agus eagal Dhè air os cionn mhòrain);

³Agus thubhairt mi riu, Na fosglar geatachan Ierusaleim gus am fàs a’ ghrian teth; agus a’ seasamh dhaibh fhathast aig làimh, druideadh iad na còmhlachan, agus crannadh iad iad: agus shuidhich mi freiceadain de luchd-àiteachaidh Ierusaleim, gach aon na fhreiceadan, agus gach aon fa chomhair a thaighe fhèin.

⁴A‑nis bha am baile farsaing agus mòr: ach bha an sluagh tearc ann, agus cha robh na taighean air an togail.

⁵Agus chuir mo Dhia ann am chridhe gun cruinnichinn ri chèile na h‑àrd-uaislean, agus an luchd-riaghlaidh, agus an sluagh, gu bhith air an àireamh a rèir an ginealaichean: agus fhuair mi leabhar ginealach na muinntir a thàinig a‑nìos an toiseach, agus fhuair mi sgrìobhte ann:

⁶Is iad seo clann na mòr-roinne, a chaidh suas de na braighdean, dhiubhsan a thugadh air falbh, a thug Nebuchadnesar rìgh Bhàbiloin air falbh leis, agus a thill gu Ierusalem agus gu Iùdah, gach fear da bhaile fhèin:

⁷A thàinig maille ri Serubabel, Iesua, Nehemiah, Asariah, Raamiah, Nahàmani, Mordecai, Bilsan, Misperet, Bigbhai, Nehum, Baanah. AIREAMH DAOINE SLUAGH ISRAEIL.

⁸Mic Pharois, dà mhìle, ceud trì-fichead agus a dhà-dheug.

⁹Mic Shephatiah, trì cheud, trì-fichead agus a dhà-dheug.

¹⁰Mic Arah, sia ceud, dà‑fhichead agus a dhà-dheug.

¹¹Mic Phahat-mhòaib, de chloinn Iesua agus Ioaib, dà mhìle, ochd ceud agus ochd-deug.

¹²Mic Elaim, mìle, dà cheud, leth-cheud agus a ceithir.

¹³Mic Shatu, ochd ceud, dà‑fhichead agus a còig.

¹⁴Mic Shacai, seachd ceud agus trì-fichead.

¹⁵Mic Bhinui, sia ceud, dà‑fhichead agus a h‑ochd.

¹⁶Mic Bhebai, sia ceud, fichead agus a h‑ochd.

¹⁷Mic Asgaid, dà mhìle, trì cheud, fichead agus a dhà.

¹⁸Mic Adonicaim, sia ceud, trì-fichead agus a seachd.

¹⁹Mic Bhigbhai, dà mhìle, trì-fichead agus a seachd.

²⁰Mic Adin, sia ceud, lethcheud agus a còig.

²¹Mic Ateir o Heseciah, ceithir-fichead agus ochd-deug.

²²Mic Hasuim, trì cheud, fichead agus a h‑ochd.

²³Mic Bhesai, trì cheud, fichead agus a ceithir.

²⁴Mic Hariph, ceud agus a dhà-dheug.

²⁵Mic Ghibeoin, ceithir-fichead agus còig-deug.

²⁶Fir Bhetleheim agus Netophah, ceud, ceithir-fichead agus a h‑ochd.

²⁷Fir Anatoit, ceud, fichead agus a h‑ochd.

²⁸Fir Bhet-asmabheit, dà‑fhichead agus a dhà.

²⁹Fir Chiriat-iearim, Chephirah, agus Bheeroit, seachd ceud, dà‑fhichead agus a trì.

³⁰Fir Ramah agus Ghaba, sia ceud, fichead agus a h‑aon.

³¹Fir Mhichmais, ceud, agus fichead agus a dhà.

³²Fir Bheteil agus Ai, ceud, fichead agus a trì.

³³Fir Nebo eile, lethcheud agus a dhà.

³⁴Mic Elaim eile, mìle, dà cheud, lethcheud agus a ceithir.

³⁵Mic Harim, trì cheud, agus fichead.

³⁶Mic Iericho, trì cheud, dà‑fhichead agus a còig.

³⁷Mic Loid, Hadid agus Ono, seachd ceud, fichead agus a h‑aon.

³⁸Mic Shenaah, trì mìle, naoi ceud, agus deich-ar‑fhichead.

³⁹Na sagartan: Mic Iedaiah, de thaigh Iesua, naoi ceud, trì-fichead agus a trì-deug.

⁴⁰Mic Imeir, mìle, lethcheud agus a dhà.

⁴¹Mic Phasuir, mìle, dà cheud, dà‑fhichead agus a seachd.

⁴²Mic Harim, mìle agus seachd-deug.

⁴³Na Lèbhitich: Mic Iesua agus Chadmieil, de chloinn Hodebhah, trì-fichead agus a ceithir-deug.

⁴⁴An luchd-seinn: Mic Asaiph, ceud, dà‑fhichead agus a h‑ochd.

⁴⁵Na dorsairean: Mic Shaluim, mic Ateir, mic Thalmoin, mic Acuib, mic Hatita, mic Shobai, ceud agus ochd-deug ar fhichead.

⁴⁶Na Netinich: Mic Shiha, mic Hasupha, mic Thabaoit.

⁴⁷Mic Cherois, mic Shia, mic Phadoin.

⁴⁸Mic Lebana, mic Hagaba, mic Shalmai.

⁴⁹Mic Hanain, mic Ghideil, mic Ghahair.

⁵⁰Mic Reaiah, mic Resin, mic Necoda.

⁵¹Mic Ghadsaim, mic Udsa, mic Phaseah.

⁵²Mic Bhesai, mic Mheunim, mic Nephisesim.

⁵³Mic Bhacbuic, mic Hacupha, mic Harhuir.

⁵⁴Mic Bhaslit, mic Mhehida, mic Harsa.

⁵⁵Mic Bharcois, mic Shisera, mic Thamah.

⁵⁶Mic Nesiah, mic Hatipha.

⁵⁷Mic seirbhisich Sholaimh: Mic Shotai, mic Shophereit, mic Pherida.

⁵⁸Mic Iaala, mic Dharcoin, mic Ghideil.

⁵⁹Mic Shephatiah, mic Hatil, mic Phocherit o Shebaim, mic Amoin.

⁶⁰Na Netinich uile, agus clann seirbhisich Sholaimh, trì cheud, ceithir-fichead agus a dhà-dheug.

⁶¹Agus seo iadsan a chaidh suas o Thelmelah, Telharsa, Cherub, Adon agus Imer; ach cha b’urrainn iad taigh an athar a nochdadh agus an sliochd, am b’ann de Israel iad.

⁶²Mic Dhelaiah, mic Thobiah, mic Necoda, sia ceud, dà‑fhichead agus a dhà.

⁶³Agus de na sagartan: Mic Habaiah, mic Chois, mic Bharsillai, a ghabh bean de nigheanan Bharsillai an Gileadach, agus a ghoireadh air an ainm.

⁶⁴Dh’iarr iadsan an clàr-sgrìobhaidh nam measg-san a bha air an àireamh a rèir an ginealaichean, ach cha d’fhuaireadh e: uime sin ghearradh as on t‑sagartachd iad.

⁶⁵Agus thubhairt an Tirsata riu nach faodadh iad ithe de na nithean ro‑naomha gus an seasadh sagart suas le Urim agus Tumim.

⁶⁶An coitheanal uile cuideachd, dà‑fhichead agus dà mhìle, trì cheud agus trì-fichead:

⁶⁷A thuilleadh air an òglaich agus am banoglaich, den robh ann seachd mìle, trì cheud agus seachd-deug ar fhichead, agus dhiubhsan dà cheud agus dà‑fhichead agus a còig nam fir agus nam mnathan-seinn.

⁶⁸An eich, seachd ceud agus sia-deug ar fhichead: am muileidean, dà cheud, dà‑fhichead agus a còig:

⁶⁹An càmhail, ceithir cheud agus còig-deug ar fhichead: an asail, sia mìle, seachd ceud agus fichead.

⁷⁰Agus thug cuid de chinn nan athraichean seachad airson na h‑obrach. Thug an Tirsata seachad don ionmhas mìle darcon òir, lethcheud cuach, còig ceud agus deich-ar‑fhichead culaidh sagairt.

⁷¹Agus thug cuid de chinn nan athraichean seachad do ionmhas na h‑obrach fichead mìle darcon òir, agus dà mhìle agus dà cheud punnd airgid.

⁷²Agus seo na thug a’ chuid eile den t‑sluagh: fichead mìle darcon òir, agus dà mhìle punnd airgid, agus trì-fichead agus seachd culaidh sagairt.

⁷³Agus ghabh na sagartan, agus na Lèbhithich, agus na dorsairean, agus an luchd-seinn, agus cuid den t‑sluagh, agus na Netinich, agus Israel uile, còmhnaidh nam bailtean; agus nuair a thàinig an seachdamh mìos, bha clann Israeil nam bailtean.