Read Scots Gaelic 1992 – Am Bìoball Gàidhlig 199 Leabhar nan Salm 129 Bible Online

Leabhar nan Salm 129 - Scots Gaelic 1992 – Am Bìoball Gàidhlig 199 bible

Leabhar nan Salm 129

¹Laoidh nan ceum. Is minig a chràidh iad mi om òige, abradh Israel a‑nis;

²Is minig a chràidh iad mi om òige; gidheadh cha tug iad buaidh orm.

³Air mo dhruim threabh an luchd-treabhaidh; tharraing iad an sgrìoban fada.

⁴Tha an Tighearna cothromach; gheàrr e o chèile cùird nan aingidh.

⁵Cuirear gu h‑amhluadh agus tillear air an ais iadsan uile lem fuathach Sion.

⁶Bidh iad mar fheur air mullach thaighean, a sheargas mum fàs e suas,

⁷Leis nach lìon am buanaiche a ghlac, no fear-ceangail nan sguab a bhroilleach.

⁸Cha mhò a their iadsan a bhios a’ dol seachad riu, Beannachd an Tighearna gu robh oirbh; tha sinne gur beannachadh ann an ainm an Tighearna.