Read Scots Gaelic 1992 – Am Bìoball Gàidhlig 199 Leabhar nan Salm 137 Bible Online

Leabhar nan Salm 137 - Scots Gaelic 1992 – Am Bìoball Gàidhlig 199 bible

Leabhar nan Salm 137

¹Làimh ri aibhnichean Bhàbiloin, an sin shuidh agus ghuil sinn, nuair a chuimhnich sinn air Sion.

²Air na croinn-seilich na meadhon, chroch sinn ar clàrsaichean;

³Oir an sin dh’iarr iadsan a thug ann am braighdeanas sinn, òran oirnn; agus dh’iarr iadsan a rinn fògarraich dhinn aoibhneas oirnn, ag ràdh, Seinnibh dhuinn aon de laoidhean Shioin.

⁴Cionnas a sheinneas sinne laoidh an Tighearna ann an tìr choimhich?

⁵Ma dhìochuimhnicheas mise thusa, a Ierusaleim, dìochuimhnicheadh mo làmh dheas a seòltachd.

⁶Leanadh mo theanga rim ghial, mura cuimhnich mi ort, mura fheàrr leam Ierusalem na m’aoibhneas as àirde.

⁷Cuimhnich, a Thighearna, clann Edoim ann an là Ierusaleim, a thubhairt, Leagaibh, leagaibh sìos i gu ruig a bunait.

⁸A nighean Bhàbiloin, a lom-sgriosar, is sona esan a dhìolas dhutsa a rèir mar a rinn thu oirnne;

⁹Is sona esan a ghlacas agus a phronnas do chlann bheag ris na clachan.