Read Scots Gaelic 1992 – Am Bìoball Gàidhlig 199 Leabhar nan Salm 76 Bible Online

Leabhar nan Salm 76 - Scots Gaelic 1992 – Am Bìoball Gàidhlig 199 bible

Leabhar nan Salm 76

¹Don àrd-fhear-ciùil air Neginot. Salm no laoidh le Asaph. Aithnichear Dia ann an Iùdah; ann an Israel tha a ainm mòr;

²Agus ann an Sàlem tha a phàillean, agus a ionad-còmhnaidh ann an Sion.

³An sin bhris e saighdean a’ bhogha, an sgiath agus an claidheamh agus an cath. Selah.

⁴Is urramach thusa, is glòrmhor thu os cionn beanntan na creiche.

⁵Chreachadh iadsan a bha misneachail ann an cridhe; chaidil iad an cadal, agus cha d’fhuair na daoine treuna gu lèir an làmhan.

⁶Led achmhasan, a Dhè Iàcoib, chuireadh araon am marcach agus an t‑each nan suain.

⁷Is cùis eagail thusa, eadhon thusa; agus cò a sheasas ad làthair nuair a bhios fearg ort?

⁸Thug thusa air breitheanas gun cualas o nèamh e; bha eagal air an talamh, agus bha e na thàmh,

⁹Nuair a dh’èirich Dia a‑chum breitheanais, a shaoradh uile dhaoine ciùine na talmhainn. Selah.

¹⁰Gu cinnteach bheir fearg duine moladh dhut; fuidheall na feirge caisgidh tu.

¹¹Bòidichibh, agus ìocaibh don Tighearna ur Dia: thugadh iadsan uile a tha ma thimcheall tìodhlacan dhàsan as adhbhar eagail ann.

¹²Sgathaidh e sìos spiorad uachdaranan; is cùis eagail e do rìghrean na talmhainn.