Read Scots Gaelic 1992 – Am Bìoball Gàidhlig 199 Leabhar nan Salm 8 Bible Online

Leabhar nan Salm 8 - Scots Gaelic 1992 – Am Bìoball Gàidhlig 199 bible

Leabhar nan Salm 8

¹Don àrd-fhear-ciùil air Gitit. Salm le Daibhidh. O Iehòbhah ar Tighearna, cia òirdheirc d’ainm air feadh na talmhainn uile! a shocraich do ghlòir os cionn nan nèamh.

²A beul naoidhean agus chìochran dh’òrdaich thu neart, airson do naimhdean, a‑chum gun caisgeadh tu an nàmhaid agus an dìoghaltach.

³Nuair a dh’amhairceas mi air do nèamhan, obair do mheur; air a’ ghealaich agus na reultan, a shuidhich thu;

⁴Cò e an duine gum biodh tusa cuimhneachail air, agus mac an duine gum fiosraicheadh tu e?

⁵Rinn thu e beagan na b’ìsle na na h‑ainglean, agus chrùn thu e le glòir agus le urram.

⁶Thug thu uachdaranachd dha air obraichean do làmh; chuir thu gach nì fo a chasan;

⁷Caoraich agus buar uile, agus mar an ceudna ainmhidhean na machrach;

⁸Eunlaith nan speur, agus iasg na mara, a shiùbhlas air slighean nan cuan.

⁹O Iehòbhah ar Tighearna, cia òirdheirc d’ainm air feadh na talmhainn uile!