Read Scots Gaelic 1992 – Am Bìoball Gàidhlig 199 Leabhar an Fhàidh Isaiah 20 Bible Online

Leabhar an Fhàidh Isaiah 20 - Scots Gaelic 1992 – Am Bìoball Gàidhlig 199 bible

Leabhar an Fhàidh Isaiah 20

¹Anns a’ bhliadhna anns an tàinig Tartan gu Asdod, nuair a chuir Sargon rìgh Asiria a‑mach e, agus a chog e an aghaidh Asdoid agus a ghlac e e;

²Anns an àm sin labhair an Tighearna le Isaiah mac Amois, ag ràdh, Imich, agus fuasgail an t‑aodach-saic od leasraidh, agus cuir dhìot do bhrògan bhàrr do chas; agus rinn e mar sin, ag imeachd lomnochd agus cas-ruisgte.

³Agus thubhairt an Tighearna, Amhail a dh’imich m’òglach Isaiah lomnochd agus cas-ruisgte trì bliadhna, na chomharradh agus na iongantas air an Eiphit agus air Etiopia;

⁴Mar sin bheir rìgh Asiria air falbh braighdean na h‑Eiphit, agus fògarraich Etiopia, òigridh agus seann daoine, len taobh-cùil air a leigeadh ris, a‑chum nàire na h‑Eiphit.

⁵Agus bidh iad fo amhluadh, agus gabhaidh iad nàire de Etiopia a bu bhun-dòchais dhaibh, agus den Eiphit a b’adhbhar uaill dhaibh.

⁶Agus their fear-àiteachaidh na tìre seo anns an là sin: Feuch is amhail seo ar bun-dòchais, gus an do theich sinn airson cobhair, a‑chum gum bitheamaid air ar saoradh o rìgh Asiria; cionnas, matà, a thèid sinn as?