Read Scots Gaelic 1992 – Am Bìoball Gàidhlig 199 Ceathramh Leabhar Mhaois Don Ainm Aireamh 33 Bible Online

Ceathramh Leabhar Mhaois Don Ainm Aireamh 33 - Scots Gaelic 1992 – Am Bìoball Gàidhlig 199 bible

Ceathramh Leabhar Mhaois Don Ainm Aireamh 33

¹Is iad seo turasan chloinn Israeil, a chaidh a‑mach à tìr na h‑Eiphit, a rèir an armailtean, fo làimh Mhaois agus Aaroin.

²Agus sgrìobh Maois an dol a‑mach a rèir an turasan, air àithne an Tighearna: agus is iad seo an turasan, a rèir an dol a‑mach.

³Agus dh’imich iad o Rameses anns a’ chiad mhìos, air a’ chòigeamh-là‑deug den chiad mhìos: air an là màireach an dèidh na càisge, chaidh clann Israeil a‑mach le làimh àird ann an sealladh nan Eiphiteach uile.

⁴(Oir dh’adhlaic na h‑Eiphitich an ciad-ghin uile, a bhuail an Tighearna nam measg: air an diathan mar an ceudna chuir an Tighearna breitheanas an gnìomh.)

⁵Agus dh’imich clann Israeil à Rameses, agus champaich iad ann an Sucot.

⁶Agus dh’imich iad o Shucot, agus champaich iad ann an Etam, a tha ann an iomall an fhàsaich.

⁷Agus dh’imich iad o Etam, agus thill iad a‑rìs gu Pihahirot, a tha fa chomhair Bhàal-sèphoin: agus champaich iad fa chomhair Mhigdol.

⁸Agus dh’imich iad o chomhair Phihahirot, agus chaidh iad tro mheadhon na fairge don fhàsach, agus dh’imich iad astar trì làithean ann am fàsach Etaim, agus champaich iad ann am Màrah.

⁹Agus dh’imich iad o Mhàrah, agus thàinig iad gu Elim: agus ann an Elim bha dà‑thobar-dheug uisge, agus deich agus trì-fichead craobh phailme: agus champaich iad an sin.

¹⁰Agus dh’imich iad o Elim, agus champaich iad làimh ris a’ mhuir ruaidh.

¹¹Agus dh’imich iad on mhuir ruaidh, agus champaich iad ann am fàsach Shin.

¹²Agus dh’imich iad à fàsach Shin, agus champaich iad ann an Dophcah.

¹³Agus dh’imich iad o Dhophcah, agus champaich iad ann an Alas.

¹⁴Agus dh’imich iad o Alas, agus champaich iad ann an Rephidim, far nach robh uisge aig an t‑sluagh ri òl.

¹⁵Agus dh’imich iad o Rephidim, agus champaich iad ann am fàsach Shinài.

¹⁶Agus dh’imich iad o fhàsach Shinài, agus champaich iad ann an Cibrot-hataabhah.

¹⁷Agus dh’imich iad o Chibrot-hatabhah, agus champaich iad ann an Haserot.

¹⁸Agus dh’imich iad o Haserot, agus champaich iad ann an Ritmah.

¹⁹Agus dh’imich iad o Ritmah, agus champaich iad ann an Rimon-pares.

²⁰Agus dh’imich iad o Rimon-pares, agus champaich iad ann an Libnah.

²¹Agus dh’imich iad o Libnah, agus champaich iad ann an Risah.

²²Agus dh’imich iad o Risah, agus champaich iad ann an Cehelatah.

²³Agus dh’imich iad o Chehelatah, agus champaich iad ann an sliabh Shapher.

²⁴Agus dh’imich iad o shliabh Shapher, agus champaich iad ann an Haradah.

²⁵Agus dh’imich iad o Haradah, agus champaich iad ann am Machelot.

²⁶Agus dh’imich iad o Mhachelot, agus champaich iad ann an Tahat.

²⁷Agus dh’imich iad o Thahat, agus champaich iad ann an Tarah.

²⁸Agus dh’imich iad o Tharah, agus champaich iad ann am Mitcah.

²⁹Agus dh’imich iad o Mhitcah, agus champaich iad ann an Hasmonah.

³⁰Agus dh’imich iad o Hasmonah, agus champaich iad ann am Moserot.

³¹Agus dh’imich iad o Mhoserot, agus champaich iad ann am Bene-iaacan.

³²Agus dh’imich iad o Bhene-iaacan, agus champaich iad ann an Hor-hagidgad.

³³Agus dh’imich iad o Hor-hagidgad, agus champaich iad ann an Iot-batah.

³⁴Agus dh’imich iad o Iot-batah, agus champaich iad ann an Ebronah.

³⁵Agus dh’imich iad o Ebronah, agus champaich iad ann an Esion-gaber.

³⁶Agus dh’imich iad o Esion-gaber, agus champaich iad ann am fàsach Shin: is e seo Cadeis.

³⁷Agus dh’imich iad o Chadeis, agus champaich iad ann an sliabh Hor, ann an iomall fearann Edoim.

³⁸Agus chaidh Aaron an sagart suas gu sliabh Hor, air àithne an Tighearna, agus fhuair e bàs an sin, anns an dà‑fhicheadamh bliadhna an dèidh do chloinn Israeil teachd a‑mach à tìr na h‑Eiphit, air a’ chiad là den chòigeamh mìos.

³⁹Agus bha Aaron ceud agus fichead agus trì bliadhna a dh’aois, nuair a dh’eug e ann an sliabh Hor.

⁴⁰Agus chuala rìgh Arad an Canàanach (a bha a chòmhnaidh anns an àird a deas ann an tìr Chanàain) mu theachd chloinn Israeil.

⁴¹Agus dh’imich iad o shliabh Hor, agus champaich iad ann an Salmonah.

⁴²Agus dh’imich iad o Shalmonah, agus champaich iad ann am Punon.

⁴³Agus dh’imich iad o Phunon, agus champaich iad ann an Obot.

⁴⁴Agus dh’imich iad o Obot, agus champaich iad ann an Iie-abarim, ann an crìch Mhòaib.

⁴⁵Agus dh’imich iad o Iim, agus champaich iad ann an Dibon-gad.

⁴⁶Agus dh’imich iad o Dhibon-gad, agus champaich iad ann an Almon-diblataim.

⁴⁷Agus dh’imich iad o Almon-diblataim, agus champaich iad ann an slèibhtean Abarim, fa chomhair Nebo.

⁴⁸Agus dh’imich iad o shlèibhtean Abarim, agus champaich iad ann an còmhnardan Mhòaib, làimh ri Iòrdan am fagas do Iericho.

⁴⁹Agus champaich iad làimh ri Iòrdan, o Bhet-iesimot eadhon gu Abel-sitim, ann an còmhnardan Mhòaib.

⁵⁰Agus labhair an Tighearna ri Maois ann an còmhnardan Mhòaib, làimh ri Iòrdan am fagas do Iericho, ag ràdh,

⁵¹Labhair ri cloinn Israeil, agus abair riu, Nuair a thèid sibh a‑null thar Iòrdan, do thìr Chanàain;

⁵²An sin fògraidh sibh a‑mach uile luchd-àiteachaidh na tìre as ur fianais, agus cuiridh sibh as dan dealbhan uile, agus sgriosaidh sibh an coslais leaghte uile, agus fàsaichidh sibh an ionadan àrda uile.

⁵³Agus cuiridh sibh à seilbh luchd-àiteachaidh an fhearainn, agus nì sibh còmhnaidh ann: oir thug mise dhuibh am fearann ra shealbhachadh.

⁵⁴Agus roinnidh sibh am fearann le crannchur mar oighreachd am measg ur teaghlaichean: dhaibhsan as lìonmhoire bheir sibh an oighreachd as mò, agus dhaibhsan as teirce bheir sibh an oighreachd as lugha: bidh oighreachd gach duine anns an àit anns an tuit a chrannchur; a rèir treubhan ur n‑athraichean sealbhaichidh sibh.

⁵⁵Ach mura fògair sibh a‑mach luchd-àiteachaidh an fhearainn as ur fianais, an sin bidh iadsan dhiubh don leig sibh fuireach nan sgolban nur sùilean, agus nam bioran nur taobhan, agus cuiridh iad campar oirbh anns an fhearann anns am bi sibh a chòmhnaidh.

⁵⁶Os bàrr tàrlaidh, mar a smaoinich mi a dhèanamh riùsan, gun dèan mi ribhse.