Read Scots Gaelic 1992 – Am Bìoball Gàidhlig 199 Leabhar Iosua 12 Bible Online

Leabhar Iosua 12 - Scots Gaelic 1992 – Am Bìoball Gàidhlig 199 bible

Leabhar Iosua 12

¹A‑nis is iad seo rìghrean an fhearainn a bhuail clann Israeil; agus shealbhaich iad am fearann air taobh eile Iòrdain leth ri èirigh na grèine, o shruth Arnoin gu sliabh Hermoin, agus an còmhnard uile air an làimh an ear:

²Sihon rìgh nan Amorach, a bha a chòmhnaidh ann an Hesbon, agus a riaghlaich o Aroer, a tha air bruaich sruth Arnoin, agus o mheadhon an t‑srutha, agus leth Ghilead eadhon gus an sruth Iaboc, crìoch chloinn Amoin:

³Agus an còmhnard gu muir Chineroit a làimh na h‑àird an ear, agus gu muir a’ chòmhnaird, eadhon a’ mhuir shalainn a làimh na h‑àird an ear, an t‑slighe gu Bet-iesimot; agus on àird a deas, fo Asdot-pisgah:

⁴Agus crìoch Og rìgh Bhasain, a bha de iarmad nam famhairean a bha a chòmhnaidh ann an Astarot, agus ann an Edrei,

⁵Agus a rìghich ann an sliabh Hermoin, agus ann an Salcah, agus ann am Basan uile, gu crìch nan Gesurach agus nam Maachatach, agus leth Ghilead, crìoch Shihoin, rìgh Hesboin:

⁶Iadsan bhuail Maois, òglach an Tighearna, agus clann Israeil; agus thug Maois, òglach an Tighearna, e mar sheilbh do na Reubenich, agus do na Gadaich, agus do leth-threubh Mhanaseh.

⁷Agus is iad seo rìghrean na tìre a bhuail Iosua agus clann Israeil air an taobh seo de Iòrdan air an làimh an iar, o Bhaal-gad ann an gleann Lebanoin, eadhon gu sliabh Halaic, a tha a’ dol suas gu Seir: a thug Iosua do threubhan Israeil mar sheilbh, a rèir an roinnean:

⁸Anns na beanntan, agus anns na gleanntan, agus anns na còmhnardan, agus anns na tobraichean, agus anns an fhàsach, agus anns an tìr mu dheas: na Hitich, na h‑Amoraich, agus na Canàanaich, na Peridsich, na Hibhich, agus na h‑Iebusaich:

⁹Rìgh Iericho, aon; rìgh Ai, a tha làimh ri Betel, aon;

¹⁰Rìgh Ierusaleim, aon; rìgh Hebroin, aon;

¹¹Rìgh Iarmuit, aon; rìgh Lachis, aon;

¹²Rìgh Egloin, aon; rìgh Ghèseir, aon;

¹³Rìgh Dhebir, aon; rìgh Ghedeir, aon;

¹⁴Rìgh Hormah, aon; rìgh Araid, aon;

¹⁵Rìgh Libnah, aon; rìgh Adulaim, aon;

¹⁶Rìgh Mhacedah, aon; rìgh Bheteil, aon;

¹⁷Rìgh Thapuah, aon; rìgh Hepheir, aon;

¹⁸Rìgh Apheic, aon; rìgh Lasaroin, aon;

¹⁹Rìgh Mhadoin, aon; rìgh Hasoir, aon;

²⁰Rìgh Shimron-meroin, aon; rìgh Achsaiph, aon;

²¹Rìgh Thaanaich, aon; rìgh Mhegido, aon;

²²Rìgh Chedeis, aon; rìgh Iocneaim o Charmel, aon;

²³Rìgh Dhoir, ann an crìch Dhoir, aon; rìgh chinneach Ghilgail, aon;

²⁴Rìgh Thirsah, aon; na rìghrean uile, deich-ar‑fhichead agus aon.