Read Scots Gaelic 1992 – Am Bìoball Gàidhlig 199 Leabhar Iosua 15 Bible Online

Leabhar Iosua 15 - Scots Gaelic 1992 – Am Bìoball Gàidhlig 199 bible

Leabhar Iosua 15

¹B’e seo uime sin crannchur treubh chloinn Iùdah a rèir an teaghlaichean, eadhon gu crìch Edoim, gu fàsach Shin ri deas on chuid as fhaide a‑mach den iomall dheas.

²Agus bha an crìoch mu dheas o thràigh na mara salainn, on lùib a tha ag amharc ri deas.

³Agus chaidh i a‑mach a dh’ionnsaigh an taoibh mu dheas gu uchdaich Acrabim, agus ghabh i air a h‑aghaidh gu Sin, agus chaidh i suas air an taobh mu dheas gu Cadeis-barnea, agus chaidh i air a h‑aghaidh gu Hesron, agus chaidh i suas gu Adar, agus ghabh i mun cuairt gu Carcaa.

⁴Uaithe sin ghabh i a dh’ionnsaigh Asmoin, agus chaidh i a‑mach gu Abhainn na h‑Eiphit, agus bha dol a‑mach na crìche sin aig a’ mhuir: bidh seo agaibh na crìch mu dheas.

⁵Agus b’i a’ chrìoch an ear a’ mhuir shalainn, eadhon gu ceann Iòrdain: agus bha a’ chrìoch air an taobh mu thuath o lùib na mara, aig a’ chuid a b’fhaide a‑mach de Iòrdan.

⁶Agus chaidh a’ chrìoch suas gu Beth-oglah, agus ghabh i air a h‑aghaidh air an taobh mu thuath de Bhet-arabah; agus chaidh a’ chrìoch suas gu cloich Bhohain mhic Reubein.

⁷Agus chaidh a’ chrìoch suas gu Debir o ghleann Achoir, agus ri tuath ag amharc ri Gilgal, a tha fa chomhair uchdach Aduimim, a tha air taobh deas na h‑aibhne; agus chaidh a’ chrìoch thairis gu uisgeachan En‑semeis, agus bha a’ dol a‑mach aig En‑rogel.

⁸Agus chaidh a’ chrìoch suas gu gleann mac Hinoim, gu taobh deas an Iebusaich; (is e sin Ierusalem:) agus chaidh a’ chrìoch suas gu mullach na beinne, a tha ro ghleann Hinoim, air an làimh an iar, a tha aig ceann gleann nam famhairean ri tuath.

⁹Agus thàirngeadh a’ chrìoch o mhullach an t‑slèibh gu tobar uisge Nephtoah, agus chaidh i a‑mach gu bailtean sliabh Ephroin, agus thàirngeadh a’ chrìoch gu Bàalah; (is e sin Ciriat-iearim.)

¹⁰Agus chaidh a’ chrìoch mun cuairt o Bhàalah air an làimh an iar gu sliabh Sheir, agus ghabh i thairis gu taobh sliabh Iearim (is e sin Chesalon), air an taobh mu thuath, agus chaidh i sìos gu Bet-semes, agus ghabh i air a h‑aghaidh gu Timnah:

¹¹Agus chaidh a’ chrìoch a‑mach gu taobh Ecroin ri tuath; agus thàirngeadh a’ chrìoch gu Sicron, agus ghabh i thairis air sliabh Bhàalah, agus chaidh i a‑mach gu Iabneel: agus bha dol a‑mach na crìche aig a’ mhuir.

¹²Agus bha a’ chrìoch an iar gus an fhairge mhòir agus a h‑oirthir: b’i sin crìoch chloinn Iùdah mun cuairt, a rèir an teaghlaichean.

¹³Agus do Chàleb mac Iephuneh, thug e roinn am measg chloinn Iùdah, a rèir àithne an Tighearna do Iosua, eadhon baile Arbah, athair Anaic: (is e sin Hebron).

¹⁴Agus dh’fhògair Càleb a‑mach as a sin triùir mhac Anaic, Sesai, agus Ahiman, agus Talmai, clann Anaic.

¹⁵Agus chaidh e suas o sin gu luchd-àiteachaidh Dhebir: agus b’e ainm Dhebir roimhe Ciriat-sepher.

¹⁶Agus thubhairt Càleb, Esan a bhuaileas Ciriat-sepher, agus a ghlacas e, dhàsan bheir mi Achsah mo nighean na mnaoi.

¹⁷Agus ghlac Otniel, mac Chenais, bràthair Chàleib, e: agus thug e dha Achsah a nighean na mnaoi.

¹⁸Agus thàrladh, nuair a thàinig i da ionnsaigh, gun do bhrosnaich i e gu achadh iarraidh air a h‑athair: agus theirinn i bhàrr a h‑asail, agus thubhairt Càleb rithe, Ciod a b’àill leat?

¹⁹Agus fhreagair ise, Thoir dhomh beannachadh; oir thug thu dhomh fearann mu dheas, thoir dhomh mar an ceudna tobraichean uisge; agus thug e dhi na tobraichean uachdarach, agus na tobraichean ìochdarach.

²⁰B’i sin oighreachd treubh chloinn Iùdah, a rèir an teaghlaichean.

²¹Agus b’iad na bailtean a b’fhaide a‑mach, le treubh chloinn Iùdah, leth ri crìch Edoim mu dheas, Cabseel, agus Eder, agus Iagur,

²²Agus Cinah, agus Dimonah, agus Adsadah,

²³Agus Cedes, agus Hasor, agus Itnan,

²⁴Siph, agus Telem, agus Bealot,

²⁵Agus Hasor, Hadatah, agus Ceriot, agus Hesron (is e sin Hasor),

²⁶Amam, agus Sema, agus Moladah,

²⁷Agus Hsaar-gadah, agus Hesmon, agus Bet-palet,

²⁸Agus Hasar-sual, agus Beer-sèba, agus Bis-iotiah,

²⁹Bàalah, agus Iim, agus Asem,

³⁰Agus Eltolad, agus Chesil, agus Hormah,

³¹Agus Siclag, agus Madmanah, agus Sansanah,

³²Agus Lebaot, agus Silhim, agus Ain, agus Rimon: b’iad na mòr-bhailtean uile naoi-ar‑fhichead, maille rim bailtean beaga.

³³Agus anns a’ chòmhnard, Estaol, agus Soreah, agus Asnah,

³⁴Agus Sanòah, agus Enganim, Tapuah, agus Enam,

³⁵Iarmut, agus Adulam, Sochoh, agus Asecah,

³⁶Agus Sàraim, agus Aditaim, agus Gederah, agus Gederotaim; ceithir mòr-bhailtean deug lem bailtean beaga.

³⁷Senan, agus Hadasah, agus Migdal-gad,

³⁸Agus Dilean, agus Mispeh, agus Iocteel,

³⁹Lachis, agus Boscat, agus Eglon,

⁴⁰Agus Cabon, agus Lahmas, agus Citlis,

⁴¹Agus Gederot, Bet-dagon, agus Nàamah, agus Macedah: sia mòr-bhailtean deug lem bailtean beaga.

⁴²Libnah, agus Eter, agus Asan,

⁴³Agus Iiphtah, agus Asnah, agus Nesib,

⁴⁴Agus Ceilah, agus Achsib, agus Maresah: naoi bailtean mòra lem bailtean beaga.

⁴⁵Ecron le a bhailtean as mò agus a bhailtean beaga.

⁴⁶O Ecron, eadhon gus an fhairge, iadsan uile a bha làimh ri Asdod, lem bailtean beaga.

⁴⁷Asdod le a bhailtean as mò agus a bhailtean beaga, Gàsah le a bhailtean as mò agus a bhailtean beaga, gu abhainn na h‑Eiphit, agus an fhairge mhòir, eadhon a crìch.

⁴⁸Agus anns na beanntan, Samir, agus Iatir, agus Socoh,

⁴⁹Agus Danah, agus Ciriat-sanah, eadhon Debir,

⁵⁰Agus Anab, agus Estemoh, agus Anim,

⁵¹Agus Gòsen, agus Holon, agus Giloh: aon mhòr-bhaile deug lem bailtean beaga.

⁵²Arab, agus Dumah, agus Esean,

⁵³Agus Ianum, agus Bet-tapuah, agus Aphecah,

⁵⁴Agus Humtah, agus Ciriat-arbah (is e sin Hebron), agus Sior; naoi bailtean mòra lem bailtean beaga.

⁵⁵Maon, Carmel, agus Siph, agus Iutah,

⁵⁶Agus Iesreel, agus Iocdeam, agus Sanòah,

⁵⁷Càin, Gibeah, agus Timnah: deich bailtean mòra lem bailtean beaga.

⁵⁸Halhul, Bet-sur, agus Gedor,

⁵⁹Agus Maarat, agus Betanot, agus Eltecon: sia bailtean mòra lem bailtean beaga.

⁶⁰Ciriat-bàal (is e sin Ciriat-iearim), agus Rabah: dà bhaile mhòr lem bailtean beaga.

⁶¹Anns an fhàsach, Bet-arabah, Midin, agus Secacah,

⁶²Agus Nibsan, agus baile an t‑salainn, agus En‑gedi: sia bailtean mòra lem bailtean beaga.

⁶³A‑thaobh nan Iebusach, luchd-àiteachaidh Ierusaleim, cha b’urrainn clann Iùdah am fògradh a‑mach: ach tha na h‑Iebusaich nan còmhnaidh maille ri cloinn Iùdah ann an Ierusalem gus an là‑an‑diugh.