Read Scots Gaelic 1992 – Am Bìoball Gàidhlig 199 Leabhar Iosua 19 Bible Online

Leabhar Iosua 19 - Scots Gaelic 1992 – Am Bìoball Gàidhlig 199 bible

Leabhar Iosua 19

¹Agus thàinig an dara crannchur a‑mach do Shimeon, eadhon do threubh chloinn Shimeoin, a rèir an teaghlaichean: agus bha an oighreachd-san am meadhon oighreachd chloinn Iùdah.

²Agus bha aca nan oighreachd, Beer-sèbah, agus Sèbah, agus Moladah,

³Agus Hasar-sual, agus Balah, agus Asem,

⁴Agus Eltolad, agus Betul, agus Hormah,

⁵Agus Siclag, agus Bet-maracabot, agus Hasar-susah,

⁶Agus Bet-lebaot, agus Saruhen: trì mòr-bhailtean deug agus am bailtean beaga.

⁷Ain, Remon, agus Eter, agus Asan: ceithir bailtean mòra lem bailtean beaga.

⁸Agus na bailtean beaga uile a bha mu thimcheall nam bailtean mòra sin, gu Balat-beer-ramat, mu dheas. B’i sin oighreachd treubh chloinn Shimeoin, a rèir an teaghlaichean.

⁹A‑mach à crannchur chloinn Iùdah bha oighreachd chloinn Shimeoin: oir bha cuibhreann chloinn Iùdah ro‑mhòr dhaibh; uime sin bha aig cloinn Shimeoin an oighreachd ann am meadhon an oighreachd-san.

¹⁰Agus thàinig an treas crannchur a‑mach airson chloinn Shebuluin, a rèir an teaghlaichean: agus bha crìoch an oighreachd-san gu Sarid.

¹¹Agus chaidh an crìoch suas a dh’ionnsaigh na fairge, agus Maralah, agus ràinig i gu Dabaset, agus ràinig i gu ruig an sruth a tha fa chomhair Iocneaim;

¹²Agus thill i o Shared a làimh na h‑àird an ear, leth ri èirigh na grèine, gu crìch Chislot-taboir; agus an sin tha i a’ dol a‑mach gu Daberat, agus a’ dol suas gu Iaphia,

¹³Agus o sin a’ gabhail thairis air an làimh an ear gu Gitah-hepher, gu Itah-casin, agus a’ dol a‑mach gu Remon-metoar gu Neah;

¹⁴Agus tha a’ chrìoch a’ dol mun cuairt mu thuath gu Hanaton; agus tha a dol a‑mach ann an gleann Iiphtah-el;

¹⁵Agus Catat, agus Nahalal, agus Simron, agus Idalah, agus Betlehem: dà mhòr-bhaile dheug lem bailtean beaga.

¹⁶B’i sin oighreachd chloinn Shebuluin, a rèir an teaghlaichean, na bailtean mòra sin lem bailtean beaga.

¹⁷Thàinig an ceathramh crannchur a‑mach do Isachar, airson chloinn Isachair, a rèir an teaghlaichean.

¹⁸Agus b’i an crìoch Iesreel, agus Chesulot, agus Sunem,

¹⁹Agus Hapharim, agus Sihon, agus Anaharat,

²⁰Agus Rabit, agus Cision, agus Abes,

²¹Agus Remet, agus Enganim, agus Enhadah, agus Bet-pases;

²²Agus tha a’ chrìoch a’ ruigheachd gu Tabor, agus Sahasimah, agus Bet-semes, agus bha dol a‑mach an crìche aig Iòrdan: sia mòr-bhailtean deug lem bailtean beaga.

²³B’i sin oighreachd treubh chloinn Isachair, a rèir an teaghlaichean, na bailtean mòra agus am bailtean beaga.

²⁴Agus thàinig an còigeamh crannchur a‑mach do threubh chloinn Aseir, a rèir an teaghlaichean.

²⁵Agus b’i an crìoch Helcat, agus Hali, agus Beten, agus Achsaph,

²⁶Agus Alamelech, agus Amad, agus Miseal; agus tha i a’ ruigheachd gu Carmel air an làimh an iar, agus gu Sihor-libnat;

²⁷Agus a’ tilleadh leth ri èirigh na grèine gu Bet-dagon, agus a’ ruigheachd gu Sebulun, agus gu gleann Iiphtah-el, leth ris an taobh mu thuath de Bhet-emec, agus Neiel, agus a’ dol a‑mach gu Cabul air an làimh chlì;

²⁸Agus Hebron, agus Rehob, agus Hamon, agus Canah, eadhon gu Sìdon mòr:

²⁹Agus an sin tha a’ chrìoch a’ tilleadh gu Ramah, agus gus am mòr-bhaile daingnichte Tìrus, agus tha a’ chrìoch a’ tilleadh gu Hosah; agus tha a dol a‑mach aig an fhairge on oirthir gu Achsib;

³⁰Umah mar an ceudna, agus Aphec, agus Rehob: dà mhòr-bhaile ar fhichead lem bailtean beaga.

³¹Is i sin oighreachd treubh chloinn Aseir, a rèir an teaghlaichean, na bailtean mòra sin lem bailtean beaga.

³²Thàinig an siathamh crannchur a‑mach do chloinn Naphtali, eadhon do chloinn Naphtali, a rèir an teaghlaichean.

³³Agus bha an crìoch o Heleph, o Alon gu Sahananim, agus Adami, Neceb, agus Iabneel, gu Lacum; agus bha a dol a‑mach gu Iòrdan.

³⁴Agus an sin tha a’ chrìoch a’ tilleadh an iar gu Asnot-tabor, agus a’ dol a‑mach o sin gu Hucoc, agus tha i a’ ruigheachd gu Sebulun air an taobh mu dheas, agus a’ ruigheachd gu Aser air an taobh an iar, agus gu bruachan Iòrdain leth ri èirigh na grèine.

³⁵Agus is iad na mòr-bhailtean daingnichte Sidim, Ser, agus Hamat, Racat, agus Cineret,

³⁶Agus Adamah, agus Ramah, agus Hasor,

³⁷Agus Cedes, agus Edrei, agus En‑hasor,

³⁸Agus Iron, agus Migdal-el, Horem, agus Bet-hanat, agus Bet-semes; naoi mòr-bhailtean deug lem bailtean beaga.

³⁹Is i sin oighreachd treubh chloinn Naphtali, a rèir an teaghlaichean, na bailtean mòra agus am bailtean beaga.

⁴⁰Agus thàinig an seachdamh crannchur a‑mach do threubh chloinn Dhain, a rèir an teaghlaichean.

⁴¹Agus b’i crìoch an oighreachd Sora, agus Estaol, agus Ir‑semes,

⁴²Agus Saalabin, agus Aialon, agus Ietlah,

⁴³Agus Elon, agus Timnatah, agus Ecron,

⁴⁴Agus Elteceh, agus Gibeton, agus Bàalat,

⁴⁵Agus Iehud, agus Bene-berac, agus Gat-rimon,

⁴⁶Agus Me‑iarcon, agus Racon, maille ris a’ chrìch fa chomhair Iapho.

⁴⁷Agus chaidh crìoch chloinn Dhain a‑mach ro ghann dhaibh: uime sin chaidh clann Dhain suas agus chog iad an aghaidh Leseim, agus ghlac iad e, agus bhuail iad e le faobhar a’ chlaidheimh, agus shealbhaich iad e, agus ghabh iad còmhnaidh ann, agus thug iad Dan mar ainm air Lesem, a rèir ainm an athar Dan.

⁴⁸Is i sin oighreachd treubh chloinn Dhain, a rèir an teaghlaichean, na bailtean mòra sin lem bailtean beaga.

⁴⁹Nuair a chuir iad crìoch air an fhearann a roinn mar oighreachd a rèir an crìochan, thug clann Israeil oighreachd do Iosua mac Nuin nam measg:

⁵⁰A rèir facal an Tighearna, thug iad dha am baile a dh’iarr e, eadhon Timnat-serah ann an sliabh Ephraim, agus thog e am baile, agus ghabh e còmhnaidh ann.

⁵¹Is iad sin na h‑oighreachdan a roinn Eleàsar an sagart, agus Iosua mac Nuin, agus cinn athraichean treubhan chloinn Israeil, mar oighreachd le crannchur, ann an Siloh an làthair an Tighearna, aig doras pàillean a’ choitheanail. Mar sin chuir iad crìoch air an fhearann a roinn.